తెలంగాణలోని మహిళలకు రేవంత్ రెడ్డి ప్రభుత్వం వరుసగా శుభవార్తలు చెబుతుంది. మహిళలను అన్ని విధాలుగా ప్రోత్సహించాలనే లక్ష్యంతో కాంగ్రెస్ ప్రభుత్వం అనేక పథకాలను అమలు చేస్తోంది. దీనిలో భాగంగానే తెలంగాణలో కాంగ్రెస్ పార్టీ అధికారంలోకి వచ్చిన వెంటనే మహిళలకు ఉచిత బస్సు ప్రయాణం కల్పించింది. ఆరు గ్యారెంటీల్లో ఒక గ్యారెంటీ అయిన ‘మహాలక్ష్మి’ పథకంలో భాగంగా.. మహిళలకు సిటీ ఆర్డినరీ, ఎక్స్‌ప్రెస్ బస్సులతో పాటు పల్లె వెలుగు, ఎక్స్‌ప్రెస్ బస్సుల్లో మహిళలు ఉచితంగా ప్రయాణం చేస్తున్నారు. ఇప్పుడు మెట్రో ఎలక్ట్రిక్ బస్సుల్లో కూడా ఈ పథకం వర్తిస్తుందని టీజీఎస్‌ఆర్టీసీ అధికారులు స్పష్టం చేశారు.

Also Read:  America Trump:ధనవంతులు కావడానికి ఇదే గొప్ప సమయం: ట్రంప్!

ప్రయాణికుల రద్దీని దృష్టిలో ఉంచుకుని ఇటీవల టీజీఆర్టీసీ కొత్తగా మెట్రో ఎలక్ట్రిక్ బస్సులను అందుబాటులోకి తెచ్చింది.డిప్యూటీ సీఎం మల్లు భట్టి విక్రమార్క, మంత్రి పొన్నం ప్రభాకర్ గ్రీన్ మెట్రో ఎక్స్‌ప్రెస్ నాన్ ఏసీ ఎలక్ట్రిక్ బస్సులను ప్రారంభించారు. ఈ సంవత్సరం ఆగస్టు వరకు మరో 500 బస్సులను అందుబాటులోకి తీసుకురావాలని ప్రభుత్వం నిర్ణయించింది.

Also Read: America Layoffs: అమెరికా రెవెన్యూ సర్వీసులో 20 వేల ఉద్యోగాలు ఔట్‌!

ప్రస్తుతం మొత్తం 22 మెట్రో ఎలక్ట్రిక్ బస్సులు ప్రస్తుతం అందుబాటులో ఉన్నాయి. అయితే నగరంలో ఎలక్ట్రిక్ వాహనాలు తిరుగుతున్నా వాటిలో ప్రయాణం ఉచితమో కాదో అని చాలా మంది మహిళలు వాటిలో ఎక్కడం లేదు. సాధారణ బస్సుల కంటే ఎలక్ట్రిక్ బస్సులు చాలా సౌకర్యంగా ఉండటంతో వాటిలో మహాలక్ష్మి పథకం కింద ఉచిత బస్సు ప్రయాణం వర్తించదేమో అని భావిస్తున్నారు.

ఈ విషయంపై టీజీఎస్‌ఆర్టీసీ అధికారులు స్పందించారు. మెట్రో ఎలక్ట్రిక్ బస్సులపై మహాలక్ష్మి ఫ్రీ పథకం వర్తిస్తుందని స్టిక్కర్లు అంటిస్తున్నారు. మోడ్రన్ లుక్, కంఫర్టబుల్ సీటింగ్ తో నాన్ ఏసీ ఎలక్ట్రిక్ మెట్రో బస్సులను టీజీఎస్‌ఆర్టీసీ ప్రజల సౌకర్యార్థం అందుబాటులోకి తెచ్చిందని అధికారులు తెలిపారు. కాబట్టి మహిళలు ఎలాంటి సందేహం లేకుండా ఈ బస్సుల్లో ఉచితంగా ప్రయాణం చేయవచ్చని ఆర్టీసీ అధికారులు తెలిపారు.

Also Read: America: హుతీలను ఎలా చంపామో తెలుసా...వీడియో విడుదల చేసిన అగ్రరాజ్యం!

Also Read: America-Ukrain: ఏడు రోజుల్లో దేశాన్ని విడిచి పొండి...!

telangana | rtc | tgrtc | free-bus | women | latest-news | telugu-news | latest-telugu-news | latest telugu news updates