Donald Trump: ఢిల్లీ కొత్త లెఫ్ట్‌నెంట్ గవర్నర్‌ తరణ్‌జీత్ సింగ్‌పై ట్రంప్ ప్రశంసలు

అమెరికా అధ్యక్షుడు ట్రంప్(Donald Trump) మరోసారి భారత్‌పై తనకున్న అభిమానాన్ని చాటుకున్నారు. ఢిల్లీ నూతన లెఫ్టినెంట్ గవర్నర్ (LG) తరణ్‌జీత్ సింగ్ సంధు(Lieutenant Governor Taranjit Singh) నియామకంపై హర్షం వ్యక్తం చేస్తూ, ఆయనపై ప్రశంసలు కురిపించారు. అదే సమయంలో భారత ప్రధాని నరేంద్ర మోదీ(pm modi) ని తన "మంచి స్నేహితుడు" అని సంబోధిస్తూ ఇరు దేశాల మధ్య ఉన్న బంధాన్ని గుర్తుచేసుకున్నారు. గతంలో అమెరికాలో భారత రాయబారిగా పనిచేసిన తరణ్‌జీత్ సింగ్ సంధు, మార్చి 11న ఢిల్లీ లెఫ్టినెంట్ గవర్నర్‌గా బాధ్యతలు స్వీకరించారు. ఈ నేపథ్యంలో ట్రంప్ తన 'ట్రూత్ సోషల్' వేదికగా ఓ స్పెషల్ పోస్ట్ పెట్టారు. 

Trump congratulates top Indian diplomat @SandhuTaranjitS on being appointed as the new Lt. Governor of Delhi. pic.twitter.com/1knmtXaqhp

— Aditya Raj Kaul (@AdityaRajKaul) April 16, 2026

"అనుభవజ్ఞుడైన దౌత్యవేత్త, అమెరికా మాజీ రాయబారి తరణ్‌జీత్ సింగ్ సంధుకు అభినందనలు. భారత్-అమెరికా ద్వైపాక్షిక సంబంధాలను బలోపేతం చేయడంలో ఆయన నిబద్ధత అసమానమైనది. ఆయన నాయకత్వంలో ఢిల్లీ నగరం మరింత అభివృద్ధి చెందుతుందని ఆశిస్తున్నాను" అని ట్రంప్ పేర్కొన్నారు. ఈ సందర్భంగా సంధుతో కలిసి దిగిన ఒక ఫోటోను కూడా ఆయన పంచుకున్నారు.

Also Read :  ఇరాన్‌తో శాంతి ఒప్పందం: పాకిస్థాన్‌కు వెళ్లనున్న ట్రంప్? అణ్వాయుధాలపై కీలక ప్రకటన!

మోదీ నా బెస్ట్ ఫ్రెండ్!

అంతేకాకుండా, ఇటీవల ప్రధాని మోదీతో జరిగిన ఫోన్ సంభాషణ గురించి ట్రంప్ విలేకరులతో మాట్లాడారు. "భారత్ నుంచి ప్రధాని మోదీ నాకు అత్యంత సన్నిహిత మిత్రుడు. ఆయన తన దేశం కోసం అద్భుతంగా పనిచేస్తున్నారు. మా మధ్య సంభాషణ చాలా సానుకూలంగా సాగింది" అని ట్రంప్ వ్యాఖ్యానించారు. ఇటీవల మోదీ, ట్రంప్ దాదాపు 40 నిమిషాల పాటు ఫోన్‌లో మాట్లాడుకున్న విషయం తెలిసిందే. ఈ చర్చల్లో ప్రధానంగా ఈ క్రింది అంశాలు చోటుచేసుకున్నాయి.

పశ్చిమాసియా పరిస్థితులు: ప్రస్తుతం పశ్చిమాసియాలో నెలకొన్న ఉద్రిక్తతలు, శాంతి స్థాపనపై ఇరువురు నేతలు చర్చించారు.
హర్మూజ్ జలసంధి: అంతర్జాతీయ వాణిజ్యానికి కీలకమైన హర్మూజ్ జలసంధిని తిరిగి తెరవడంపై ఇద్దరు నేతలు ప్రాధాన్యతనిచ్చారు.
ద్వైపాక్షిక సహకారం: రక్షణ, సాంకేతికత, ఆర్థిక రంగాల్లో భారత్-అమెరికా భాగస్వామ్యాన్ని మరింత ముందుకు తీసుకెళ్లాలని నిర్ణయించారు.
ప్రధాని మోదీ స్వయంగా 'ఎక్స్' వేదికగా ఈ చర్చల వివరాలను వెల్లడించారు. ట్రంప్ తాజా వ్యాఖ్యలతో అమెరికా పాలనలో భారత్‌కు ఎంతటి ప్రాధాన్యత ఉందో మరోసారి స్పష్టమైంది.  

Also Read :  యూరప్‌లో చమురు సంక్షోభం.. ఇలా అయితే విమానాలు రద్దే!