Rajya Sabha : లోక్ సభ ఎన్నికల(Lok Sabha Elections) వేళ తమిళనాడు(Tamilnadu) రాజకీయాల్లో ఆసక్తి పరిణామం చోటు చేసుకుంది. మక్కల్ నీధి మయం పార్టీ అధినేత, నటుడు కమల్ హాసన్(Kamal Haasan) తమిళనాడు రాష్ట్ర సీఎం స్టాలిన్(CM Stalin) తో భేటీ అయ్యారు. లోక్ సభ ఎన్నికలపై వారు కలిసి చర్చించారు. లోక్ సభ ఎన్నికల వేళ వీరి భేటీ చర్చనీయాంశమైంది.

డీఎంకే పార్టీకి మద్దతు..

ఈ భేటీలో కమల్ హాసన్ కీలక నిర్ణయం తీసుకున్నారు. లోక్ సభ ఎన్నికల్లో మక్కల్ నీది మయ్యమ్(MNM) పోటీ చేయడం లేదని ఆ పార్టీ ప్రధాన కార్యదర్శి అరుణాచలం పేర్కొన్నారు. తమ పార్టీ ఈ ఎన్నికల్లో డీఎంకే పార్టీకి మద్దతు ఇస్తుందని.. ప్రచారంలో వారితో తమ పార్టీ నేతలు పాల్గొంటారని తెలిపారు. సీఎం స్టాలిన్ తో జరిగిన భేటీలో 2025 రాజ్యసభ ఎన్నికల్లో(Rajya Sabha Elections) మక్కల్ నీది మయ్యమ్ పార్టీకి డీఎంకే ఒక సీటు ఇవ్వనున్నట్లు ఆయన తెలిపారు.

ఈ నిర్ణయం దేశం కోసం...

తమిళనాడు సీఎం స్టాలిన్ తో భేటీ అనంతరం కమల్ హాసన్ మీడియాతో మాట్లాడారు. లోక్ సభ ఎన్నికల్లో పోటీ చేయకపోవడంపై వివరణ ఇచ్చారు. రానున్న లోక్ సభ ఎన్నికల్లో తాను పోటీ చేయడం లేదని అన్నారు. ప్రస్తుతం అధికారంలో ఉన్న డీఎంకే పార్టీ తో పొత్తు పెట్టుకున్నామని పేర్కొన్నారు. ఈ పొత్తులో భాగంగా తమ పార్టీ పూర్తి మద్దతు డీఎంకే పార్టీకి ఉంటుందని అన్నారు. డీఎంకే పార్టీతో పొత్తు పెట్టుకుంది పదవుల కోసం కాదని.. దేశ బాగు కోసమని అన్నారు.

రాజ్యసభకు కమల్ హాసన్?

పొత్తులో భాగంగా మక్కల్ నీది మయ్యమ్ పార్టీకి 2025లో ఒక రాజ్యసభ సీటు ఇస్తామని డీఎంకే పార్టీ హామీ ఇచ్చిన విషయం తెలిసిందే. అయితే ఈ ప్రకటన అనంతరం ఆ ఒక్క రాజ్యసభ సీటు నుంచి కమల్ హాసన్ పోటీ చేస్తారనే ప్రచారం తమిళనాడు రాజకీయాల్లో మొదలైంది. ఆయనను డీఎంకే పార్టీ రాజ్యసభకు పంపుతుందనే కారణంతోనే కమల్ హాసన్ పొత్తు పెట్టుకున్నారని గుసగుసలు వినిపిస్తున్నాయి. జరుగుతున్న ప్రచారం ఒకెత్తు అయితే.. కమల్ హాసన్ రాజ్యసభకు వెళ్తారా? అనేది మరో అంశం. కమల్ హాసన్ రాజ్యసభకు వెళ్తారా? లేదా? అనేది తెలియాలంటే 2025 వరకు వేచి చూడాలి.

Also Read : టీఎస్‌ఆర్టీసీ ఉద్యోగులకు గుడ్ న్యూస్