Mouth Bad Breath: ఇటీవల కాలంలో డయాబెటిస్ రోగుల సంఖ్య ప్రపంచ వ్యాప్తంగా అధికంగా పెరిగింది. ఇది అధిక రక్తపోటు ఉన్నవారి కంటే ఎక్కువగా ఉంది. డయాబెటిస్ శరీరంలోని ప్యాంక్రియాస్ తగినంత ఇన్సులిన్ ఉత్పత్తి చేయకపోవడం లేదా శరీరం ఇన్సులిన్‌ను సరిగ్గా ఉపయోగించకపోవడం వల్ల ఏర్పడుతుంది. దీనివల్ల రక్తంలో చక్కెర స్థాయిలు పెరిగి మధుమేహం వచ్చే అవకాశముంటుంది. డయాబెటిస్ సరిగ్గా నియంత్రించకపోతే అది చాలా ప్రమాదకరమైన ఆరోగ్య సమస్యలకు దారితీస్తుంది. ముఖ్యంగా మూత్రపిండాల వ్యాధి, నాడీ వ్యవస్థ నష్టం, రెటినోపతికి దారితీస్తుంది. 

లాలాజలం తగ్గిపోవడం..

ఈ వ్యాధి వల్ల వచ్చే సాధారణ లక్షణాలు తరచుగా మూత్ర విసర్జన, అధిక దాహం, ఆకలి పెరగడం, బరువు తగ్గడం, దృష్టిలో మార్పులు, అలసట వంటివి. వీటితో పాటు నోటి దుర్వాసన కూడా ఒక ముఖ్యమైన సంకేతం కావచ్చు. నోటి దుర్వాసన రక్తంలో చక్కెర స్థాయిల పెరిగిన సంకేతంగా భావించవచ్చు. డయాబెటిస్ రోగులకు చక్కెర స్థాయిల పెరుగుదల వల్ల మూత్రవిసర్జన ఎక్కువగా జరుగుతుంది. దీని ద్వారా శరీరం నిర్జలీకరణకు గురవుతుంది. నిర్జలీకరణం కారణంగా నోరు పొడిబారడం, లాలాజలం తగ్గిపోవడం జరుగుతుంది. ఇది దుర్వాసనను కలిగిస్తుంది. అదే విధంగా పేగుల్లో గ్లూకోజ్ స్థాయి పెరిగితే బ్యాక్టీరియా పెరిగే వాతావరణాన్ని సృష్టించి, దుర్వాసనకు మరింత ప్రేరణగా మారుతుంది.

ఇది కూడా చదవండి: టమోటాలు ఇలా వాడారంటే జుట్టు వద్దన్నా పెరుగుతుంది

డయాబెటిస్ అదుపు తప్పితే శరీరం ఇన్సులిన్‌ను సరిగ్గా ఉత్పత్తి చేయలేకపోయే పరిస్థితి ఏర్పడుతుంది. ఈ సమయంలో శరీరం కొవ్వులను విచ్ఛిన్నం చేసి కీటోన్‌లను ఉత్పత్తి చేస్తుంది. ఇది డయాబెటిక్ కీటోయాసిడోసిస్ అనే తీవ్రమైన సమస్యకు దారితీస్తుంది. ఈ పరిస్థితి వల్ల నోటి నుంచి పండు లేదా అసిటోన్ వాసన రావచ్చు. రక్తంలో చక్కెర స్థాయిలు పెరిగితే మధుమేహాన్ని సమర్థవంతంగా నిర్వహించడం చాలా ముఖ్యం. సరైన మందులు, పోషకాహారం మంచి హైడ్రేషన్ శరీరానికి అవసరమైనంత సహాయం చేస్తాయి. నోటి దుర్వాసనను నివారించేందుకు  క్రమం తప్పకుండా నోటిని శుభ్రం చేసుకోవడం. తరచుగా దంతవైద్యుని సంప్రదించడం అవసరం.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: ఉదయాన్నే ఈ నీళ్లు తాగితే డయాబెటిస్ రాదు

( latest-news | health-tips | best-health-tips | health tips in telugu | latest health tips | mouth-tips )