తెలుగు వారి పండుగను కేంద్ర మంత్రి కిషన్ రెడ్డి ఢిల్లీ పట్టుకువెళ్ళారు. అక్కడ తన ఇంట్లో సంక్రాంతి సంబరాలను జరిపించారు. దీనికి ప్రధాని మోదీ హాజరయ్యారు. డప్పు, డోలు వాయిద్యాలతో మోదీని ఘనంగా ఆహ్వానించారు. మెగాస్టార్ చిరంజీవి, ప్రముఖ గ్యాస్ట్రోఎంట్రాలజిస్ట్ నాగేశ్వరరావు, బ్యాడ్మింటన్ క్రీడాకారిని పీవీ సింధుతో కలిసి జ్యోతి ప్రజ్వలన చేశారు. దీని తరువాత ప్రధాని తులసి చెట్టుకు ప్రత్యేక పూజ నిర్వహించారు. దీని తరువాత గంగిరెద్దుల ఆట సాగింది. అనంతరం వాటికి ఫలాలు అందించి వస్త్రాలు సమర్పించారు. భోగి మంటలు వేశారు. గాయని సునీత తన పాటలతో అలరించారు. 

Also Read: చైనా, ఇండియా సరిహద్దులో గన్ వాడకూడదు.. ఎందుకంటే?

Thank you, Hon'ble PM Shri @narendramodi ji, for gracing the Sankranti and Pongal celebrations today.

Your gracious participation added immense significance to the festivities.

Gratitude on behalf of the people of Telangana, all the Telugu-speaking people and all those… https://t.co/Dcob6pRooh

— G Kishan Reddy (@kishanreddybjp) January 13, 2025

ఈ వేడుకల సందర్భంగా కిషన్ రెడ్డి ప్రధాని మోదీకి వెంకటేశ్వరస్వామి ప్రతిమను బహుమతిగా ఇచ్చారు. ఈ సంబరాలకు చాలా మంది తెలుగు, ఇతర మంత్రులు హాజరయ్యారు. స్పీకర్ ఓం బిర్లా, హర్యానా గవర్నర్ బండారు దత్తాత్రేయ, కేంద్ర మంత్రులు గజేంద్ర సింగ్ శకావత్, జ్యోతి రాధిత్య సింధియా, మనోహర్ లాలా కట్టర్, పెమ్మసాని చంద్రశేఖర్, బండి సంజయ్, సతీష్ చంద్ర దూబే, శ్రీనివాస్ వర్మ, భూపతిరాజు శ్రీనివాసరాజు, పీవీ సింధు, మరికొందరు ప్రముఖులు హాజరయ్యారు. వీరితో పాటూ తెలంగాణ నుంచి ఎంపీలు లక్ష్మణ్ ,అనురాగ్ ఠాకూర్, ఈటెల రాజేందర్, ధర్మపురి అరవింద్, రఘునందన్ రావు, లక్ష్మణ్, గోడెం నగేష్, బాలశౌరి, కొండ విశ్వేశ్వర్ రెడ్డి, డికే అరుణ, పలువురు బీజేపీ నేతలు వచ్చారు. 

Gratitude to @BJP4India National President and Union Minister Shri @JPNadda ji and Union Ministers for attending the Sankranti and Pongal celebrations at my official residence in New Delhi today.

It was an honour to share the joy and spirit of this auspicious occasion with all. pic.twitter.com/GPGYz0GY5j

— G Kishan Reddy (@kishanreddybjp) January 13, 2025

Also Read: దేవుళ్లు, రాక్షసుల మధ్య యుద్ధం జరిగితే.. కుంభమేళ ఎందుకొచ్చిందంటే..?