ప్రధాని మోదీ (PM Modi) అమెరికా పర్యటన ఖరారైంది. ఫిబ్రవరి 12, 13 తేదీల్లో ఆయన అక్కడ పర్యటించనున్నారు. ఆ మేరకు విదేశాంగ శాఖ కార్యదర్శి విక్రమిస్రీ శుక్రవారం ఈ విషయాన్ని వెల్లడించారు.  జనవరి 20న అమెరికా అధ్యక్షుడిగా ట్రంప్ బాధ్యతలు స్వీకరించిన సంగతి తెలసిందే. ఆయన రెండోసారి అధికారంలోకి వచ్చాక అమెరికాలో నరేంద్ర మోదీ పర్యటించడం ఇదే తొలిసారి.  

Also Read: వందే భారత్‌లో ప్రయాణించేవారికి గుడ్‌న్యూస్.. రైల్వేబోర్టు కీలక నిర్ణయం

PM Modi To Visit US

ప్రస్తుతం అమెరికాలో  భారతీయ అక్రమ వలసదారులని అమెరికా వెనక్కి పంపిస్తున్న సంగతి తెలిసిందే. ఇలాంటి తరుణంలో మోదీ అమెరికా పర్యటన (Modi America Tour) కు వెళ్లనుండటం ప్రాధాన్యం సంతరించుకుంది. జనవరి 10-12 తేదీల మధ్య ఫ్రాన్స్ రాజధాని పారిస్‌లో జరగనున్న ఆర్టిఫిషియల్ ఇంటిలిజెన్స్‌ సమ్మిట్‌లో ప్రధాని మోదీ కో చైర్‌గా వ్యవహరించనున్నారు. ఆ తర్వాత అమెరికా బయలుదేరనున్నారు. అయితే జనవరి 27న మోదీ, ట్రంప్ మధ్య ఫోన్‌లో ఇమ్మిగ్రేషన్, ద్వైపాక్షిక సంబంధాలపై చర్చలు జరిగాయి.  

Also Read: 'అయ్యో బిడ్డా'.. అమెరికాలో తెలుగు స్టూడెంట్ సూసైడ్.. పంపించేస్తారన్న భయంతో..!

ఇదిలాఉండగా.. అమెరికాలో భారతీయ అక్రమ వలసదారులని వెనక్కి పంపిస్తుండటంతో అక్కడ ఆందోళనలు నెలకొన్నాయి. ఇప్పటికే రెండుసార్లు అమెరికా నుంచి భారతీయులను పంపించిన సంగతి తెలిసిందే. అయితే తాజాగా మరో సంచలన విషయం కూడా వెలుగులోకి వచ్చింది. అమెరికా నుంచి మరో 487 మంది భారత విద్యార్థులను వెనక్కి పంపించనుంది. ఈ విషయంపై ఇప్పటికే స్టాండర్డ్ ఆపరేటింగ్ ప్రోసీజర్స్‌పై భారత్‌తో చర్చలు జరిపామని అక్కడి ప్రభుత్వం వెల్లడించింది. 

Also Read: కెనడాలో 20 వేల మంది ఇండియన్ స్టూడెంట్స్ మిస్సింగ్.. వారంతా ఎక్కడ?

ఇటీవల వెనక్కి పంపిన భారతీయులకు సంకెళ్లు వేసి పంపించండం దుమారం రేపింది. దీంతో డిపోర్ట్‌ చేసేవారిని గౌరవంగా పంపాలని భారత్‌ అమెరికాను కోరింది. త్వరలోనే రాష్ట్రాలకు ఈ అంశంపై మార్గదర్శకాలు కూడా జారీ చేయనుంది. ఇప్పటికే ట్రంప్ (Donald Trump) సర్కార్.. 100 మంది భారతీయ విద్యార్థులను వెనక్కి పంపించింది. 

Also Read: పాక్‌ ముష్కరుల చొరబాటు భగ్నం.. ఏడుగురిని మట్టుబెట్టిన భారత సైన్యం

 అమెరికాలోని హోంలాండ్ అధికారుల లెక్కల ప్రకారం.. 20, 407 మంది భారతీయుల దగ్గర అమెరికాలో నివసించడానికి కావాల్సిన సరైన డాక్యుమెంట్స్ లేవని గుర్తించారు. అందులో 17,940 మందిని తిరిగి ఇండియా పెంపేందుకు ఉత్తర్వులు జారీ చేశారు. 2,467 మంది ఎన్‌ఫోర్స్‌మెంట్ అండ్ రిమూవల్ ఆపరేషన్స్ నిర్భందంలో ఉన్నారు. ఈ క్రమంలోనే దశల వారిగా అక్కడ ఉంటున్న వారిని వెనక్కి పంపిస్తున్నారు.