Cooking Oil Vs Cancer: వంట నూనె వల్ల క్యాన్సర్ వచ్చే ప్రమాదం పెరుగుతుందా?

Cooking Oil Vs Cancer: వంట నూనెలు వివిధ రకాలుగా ఉంటాయి. వంట నూనె ముఖ్య ఉద్దేశ్యం ఆహారాన్ని వేయించేటప్పుడు, వండేటప్పుడు దాని మృదుత్వాన్ని పెంచడం. అయితే వంట నూనె కూడా క్యాన్సర్‌కు కారణమవుతుంది. అమెరికా ప్రభుత్వం నిర్వహించిన ఒక అధ్యయనంలో వంట నూనె క్యాన్సర్‌కు కారణమవుతుందని, ముఖ్యంగా యువతలో ఇలా జరుగుతుంది. పొద్దు తిరుగుడు, ద్రాక్ష గింజలు, కనోలా, మొక్కజొన్న వంటి విత్తన నూనెలను అధికంగా తీసుకోవడం వల్ల క్యాన్సర్ ప్రమాదాన్ని పెంచుతుంది.

విత్తన నూనె ఆరోగ్యంపై హానికరమైన ప్రభావం:

పెద్ద ప్రేగు క్యాన్సర్‌తో బాధపడుతున్న 80 మంది రోగులపై పరిశోధన చేసినప్పుడు వారిలో విత్తన నూనెలు విచ్ఛిన్నమైన తర్వాత ఏర్పడే బయోయాక్టివ్ లిపిడ్‌లు అధిక స్థాయిలో ఉన్నాయని గమనించారు. ఈ పరిశోధనలో 30 నుంచి 85 సంవత్సరాల మధ్య వయస్సు గల వ్యక్తుల 81 కణితి నమూనాలను పరిశీలించారు. వారి క్యాన్సర్ కణితుల్లో అధిక స్థాయిలో లిపిడ్లు ఉండటానికి విత్తనాల నూనె కారణమని గుర్తించారు. 1900ల ప్రారంభంలో కొవ్వొత్తుల తయారీ దారు విలియం ప్రాక్టర్ సబ్బులో జంతువుల కొవ్వుకు చౌకైన ప్రత్యామ్నాయంగా విత్తనాల నుండి నూనెను సృష్టించాడు. అయితే అది అమెరికన్ల ఆహారంలో ప్రధానమైనదిగా మారింది. విత్తన నూనె ఆరోగ్యంపై హానికరమైన ప్రభావం చూపుతుంది. దీనివల్ల శరీరంలో వాపు వస్తుంది.

ఇది కూడా చదవండి: ఇలా తింటే కరివేపాకుతో కూడా బరువు తగ్గొచ్చు

అయితే విత్తనాల నూనె విచ్ఛిన్నం చేసే బయోయాక్టివ్ లిపిడ్లు పెద్దప్రేగు క్యాన్సర్ వేగంగా అభివృద్ధి చెందడానికి సహాయపడతాయి. శరీరం కణితులతో పోరాడకుండా నిరోధించవచ్చు. విత్తనాల నూనెలో ఒమేగా-6, పాలీఅన్‌శాచురేటెడ్ కొవ్వు ఆమ్లాలు ఉంటాయి. పరిశోధన ప్రకారం విత్తనాల నూనెను అధికంగా తీసుకోవడం వల్ల కలిగే వాపు క్యాన్సర్ పెరుగుదలను ప్రోత్సహిస్తుంది. ఆలివ్ నూనె లేదా పొద్దుతిరుగుడు నూనె వంటి తేలికైన నూనెలను ఎంచుకోవడం మంచిదంటున్నారు. వంట పద్ధతిని బట్టి వేరుశెనగ లేదా సోయాబీన్ నూనె వేపుళ్లకు మంచిది. అయితే ఆలివ్ నూనె సలాడ్లు, తేలికపాటి భోజనాలకు అద్భుతమైన ఎంపిక. ప్రత్యేక రుచి కావాలంటే నువ్వుల నూనె లేదా కొబ్బరి నూనెను ఉపయోగించవచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: ఈ విషయం తెలిస్తే కొబ్బరి చిప్పలను పడేయరు