Trump-North Korea-Russia: రష్యా,ఉత్తర కొరియాలకు బంపరాఫర్‌ ఇచ్చిన ట్రంప్‌..ఏంటో తెలుసా!

ట్రంప్ అనేక దేశాలపై తాజాగా ప్రతీకార సుంకాలు ప్రకటించిన విషయం అందరికీ తెలిసిందే.అయితే ఆయన సుంకాల ప్రకటన నుంచి కొన్ని దేశాలు తప్పించుకోగలిగాయి. అయితే ఆ దేశాల్లో ముందుగా రష్యా, కెనడా, ఉత్తర కొరియాలు ఉన్నాయి.

By Bhavana 03 Apr 2025 in ఇంటర్నేషనల్ Latest News In Telugu

New Update

అగ్రరాజ్యం అమెరికా అధ్యక్షుడు డొనాల్డ్ ట్రంప్ అనేక దేశాలపై ప్రతీకార సుంకాలు విధించిన విషయం అందరికీ తెలిసిందే. అయిన సుంకాల బారి నుంచి కొన్ని దేశాలు తప్పించుకోగలిగాయి. అందులో ముఖ్యంగా రష్యా, కెనడా, ఉత్తర కొరియా, క్యూబా, బెలారస్ వంటి దేశాలు ఉన్నాయి. అయితే మిత్ర దేశాలపై సైతం సుంకాలు విధించిన ట్రంప్ ఈ దేశాలను మాత్రం ఎందుకు విడిచిపెట్టారు, దానికి ఏమైనా బలమైన కారణం ఉందా అనేది మనం ఇప్పుడు తెలుసుకుందాం.

Also Read: Gujarat: గుజరాత్‌లో కూలిన జాగ్వార్ యుద్ధ విమానం..!

అన్ని దేశాల ప్రజలు తమ ఉత్పత్తులను అమెరికా మార్కెట్లలో అమ్ముకోవచ్చని చెప్పిన ట్రంప్.. అందుకోసం 10 శాతం సుంకాలు విధించాలని చెప్పారు. ముఖ్యంగా తమ దేశంపై ఎక్కువ మొత్తంలో సుంకాలు విధిస్తున్న దేశాలపై అదే స్థాయిలో ప్రతీకార సుంకాలు అమలు చేస్తున్నారు. ఇక్కడ వరకు బాగానే ఉన్న కొన్ని దేశాలను మాత్రం ట్రంప్ టారిఫ్‌ ల నుంచి విడిచి పెట్టారు. అందులో రష్యా, ఉత్తర కొరియా, కెనడా, క్యూబా, బెలారస్ లతో పాటు మరికొన్ని దేశాలు ఉన్నాయి. అయితే ఇవి మిత్ర దేశాలకు కాకపోయినా టారిఫ్ నుంచి మినహాయించడానికి కారణం... ఆయా దేశాలపై ఇప్పటికే ఆంక్షలు విధించడమేనని వైట్‌హౌస్ తెలిపింది.

Also Read: Telangana: తెలంగాణలో నేడు ఈ జిల్లాల్లో వానలు... ఆరెంజ్ అలర్ట్ జారీ

ముఖ్యంగా కెనడా దిగుమతులపై అమెరికా ఇప్పటికే భారీగా సుంకాలు వసూలు చేస్తోంది. ఇటీవలే వాహన దిగుమతులపై కూడా 25 శాతం సుంకాలను ప్రకటించారు అధ్యక్షుడు ట్రంప్. దీంతో కెనడా ప్రధాని మార్క్ కార్నీ తీవ్రంగా స్పందించారు. అమెరికా ఇదే పద్ధతి కొనసాగిస్తే తాము కూడా ప్రతీకార సుంకాలు విధిస్తామని హెచ్చరించారు. మెక్సికో దిగుమతలపై కూడా అమెరికా సుంకాలు అమల్లో ఉన్నాయి. అందుకే ఈసారి విధించిన సుంకాల్లో ఆయా దేశాల ప్రస్తావన తీసుకురాలేరు.

మరోవైపు ఉక్రెయిన్-రష్యా దేశాల మధ్య యుద్ధాన్ని ఆపేందుకు ట్రంప్ ఎంతగానో ప్రయత్నాలు చేస్తున్నారు. ఈక్రమంలోనే ఉక్రెయిన్ దేశాధ్యక్షుడు జెలెన్‌స్కీతో చర్చలు జరిపి ఆయన్ను శాంతి ఒప్పందానికి ఒప్పించారు. కానీ రష్యా అధ్యక్షుడు పుతిన్‌ను ఒప్పించడం మాత్రం ట్రంప్ తరం కావడం లేదు. ఇప్పటికే ఆయనతో పలుమార్లు ఫోన్‌లో మాట్లాడినా ఆయన ఒప్పుకోకపోవడంతో.. తీవ్ర ఆగ్రహానికి గురైన ట్రంప్ రష్యాపై ఆంక్షలు, సుంకాలు విధిస్తానంటూ హెచ్చరించారు. ఉక్రెయిన్‌తో కాల్పుల విరమణ, శాంతిపై తుది పరిష్కార ఒప్పందం చేసుకునే వరకు ఇవి కొనసాగుతాయన్నారు.

ఇదే కాకుండా ఉత్తర కొరియాతో తాను మంచి సంబంధాలను కోరుకుంటున్నట్లు ట్రంప్ ఇప్పటికే అనేక సార్లు తెలిపారు. అందుకే ఈ దేశాన్ని సుంకాల నుంచి మినహాయించారు. అయితే ఇప్పటికే ఇరాన్, సిరియా దేశాలపై ఆంక్షలు ఉన్నప్పటికీ.. ట్రంప్ తాజా సుంకాలను సైతం విధించారు. ముఖ్యంగా ఈ రెండు దేశాలపై 10, 40 శాతం ప్రతీకాల సుంకాలు విధిస్తున్నట్లు ప్రకటించి ట్రంప్‌ పెద్ద షాకే ఇచ్చారు

Also Read: Trump Tarriffs: నిజమైన స్నేహితుడు అయితే ఇలా చేయడు...ట్రంప్‌ సుంకాల పై వివిధ దేశాధినేతలు!

Also Read:ట్రంప్ ప్రతీకార సుంకాలతో .. ప్రపంచ మార్కెట్లు కుదేలు