రెండు తెలుగు రాష్ట్రాల్లో గత కొంతకాలంగా అకాల వర్షాలు ప్రజలను భయబ్రాంతులకు గురి చేస్తున్నాయి. ఉరుములు, మెరుపులతో వర్షాలు దంచికొడుతున్నాయి. మరోవైపు వెను వెంటనే వాతావరణంలో మార్పులు చోటుచేసుకుంటున్నాయి. వర్షం కురిసిన వెంటనే ఎండలు మండిపోతున్నాయి. ఇలా రెండు తెలుగు రాష్ట్రాల్లో భిన్న వాతావరణ పరిస్థితులు కనపడుతున్నాయి. 

అప్పుడే భగభగమండే ఎండలు ప్రజలను ఉక్కిరిబిక్కిరి చేస్తుండగా.. అప్పటికప్పుడే వాతావరణం చల్లబడిపోయి వర్షం కురిసేస్తుంది. దీంతో ఎండలు ఎప్పుడు ఎక్కుతాయో.. వర్షాలు ఎప్పుడు పడతాయో తెలియక ప్రజలు ఇబ్బందులు పడుతున్నారు. ఈ నేపథ్యంలో తెలంగాణలో రాబోయే మూడు రోజులు భిన్నవాతావరణం ఉంటుందని హైదరాబాద్ వాతావరణ కేంద్ర వెల్లడించింది. 

మూడు రోజులు జాగ్రత్త

ఈ  3 రోజుల పాటు పలు జిల్లాల్లో తేలికపాటి నుంచి మోస్తారు వర్షాలు కురిసే అవకాశం ఉందని.. అలాగే మరోవైపు ఎండలు కూడా మండిపోనున్నట్లు తెలిపింది. ఉపరితల ఆవర్తన ద్రోణి ప్రభావంతో వర్షం కురిసే ఛాన్స్‌ ఉందని పేర్కొంది. అందులో ఉరుములు, మెరుపులతో కూడా వర్షాలు పడే అవకాశం ఉన్నట్లు తెలిపింది. 

Also Read: ఇంట్లో శివలింగం ఏ దిశలో ఉంచాలంటే?: శివభక్తులు తప్పక తెలుసుకోవాల్సిన 5 విషయాలు!

ఈ విధంగా గంటకు 30 - 40 కి.మీ వేగంతో ఈదురుగాలులు వీస్తాయని తెలిపింది. ముఖ్యంగా హైదరాబాద్, రంగారెడ్డి, మేడ్చల్, మల్కాజ్‌గిరి, సూర్యాపేట, నల్గొండ, మహబూబాబాద్, హన్మకొండ, వరంగల్, భద్రాద్రి కొత్త గూడెం, ఖమ్మం వంటి జిల్లాలో వర్షాలు కురిసే ఛాన్స్ ఉందని వెల్లడించింది. ఇక ఇదే సమయంలో గరిష్ఠ ఉష్ణోగ్రతలు నమోదయ్యే ఛాన్స్‌ ఉందని పేర్కొంది. ఉష్ణోగ్రతలు సాధారణం కంటే 2- 3 డిగ్రీలు పెరిగే ఛాన్స్ ఉన్నట్లు తెలిపింది. అందువల్ల తెలంగాణ రాష్ట్ర ప్రజలు జాగ్రత్తగా ఉండాలని వాతావరణ శాఖ హెచ్చరికలు జారీ చేసింది. 

weather report today | TG Weather Updates | latest-telugu-news | IMD weather report | telangana weather report today | today-news-in-telugu | latest telangana news | breaking news in telugu