KTR: ఫార్ములా ఈ-కార్ రేస్ కేసుపై కేటీఆర్ సంచలన కామెంట్స్ చేశారు. తన మీద పెట్టిన కేసులో ఏమీలేదని, అంతా లొట్టపీసేనంటూ ఆసక్తికర వ్యాఖ్యలు చేశారు. క్యాష్ పిటిషన్ కొట్టివేసినందుకే తనకు ఉరిశిక్ష పడబోతున్నట్లు కాంగ్రెస్ నాయకులు ఫీల్ అవుతున్నారని విమర్శలు గుప్పించారు. అసెంబ్లీలో చర్చపెట్టుమంటే సీఎం రేవంత్ పారిపోయారన్నారు. 

శునకానందం.. 

ఈ మేరకు రాజ్యాంగ పరంగా ప్రతి ఒక్క హక్కును వినియోగించుకుంటా. చట్టాన్ని గౌరవించాలనే ఉద్దేశంతోనే లాయర్లతో కలిసి విచారణకు వెళ్లాను. ఇందులో అరపైసా అవినీతి జరగలేదు. హైకోర్టు అనుమతిస్తే తప్పకుండా లాయర్లతో కలిసి ఈ నెల 16న ఈడీ విచారణకు కూడా హాజరవుతానని చెప్పారు. సీఎం రేవంత్ తన ఇంట్లో చర్చ పెట్టిన తాను సిద్ధంగానే ఉన్నానని చెప్పారు. ఇది రాజకీయ ప్రేరేపిత కేసు. న్యాయవ్యవస్థపై నాకు పూర్తి నమ్మకం ఉంది. సుప్రీం కోర్టులో న్యాయంగా పోరాటం చేస్తా. కొంతమంది మంత్రులు వాళ్లే న్యాయమూర్తులుగా ఫీల్ అవుతున్నారు. కొంతమంది ఈ కేసుపై శునకానందం పొందుతున్నారు. హైకోర్టు విచారణ చేసుకోండి అని చెప్పింది కానీ నేరం చేశానని చెప్పలేదు. మంత్రులకు అంత ఉలికిపాటు ఎందుకు. మీలాగా దివాలాఖోర్ పనులు చేసే అలవాటు మాకు లేదు. అసెంబ్లీలో చర్చ పెట్టుమంటూ పారిపోయారు. కాంగ్రెస్, బీజేపీ ఒక్కటే అంటూ సంచలన ఆరోపణలు చేశారు. 

ఇది కూడా చదవండి: Ponguleti: బాంబులు పేలడం స్టార్ట్.. KTR అరెస్ట్‌పై పొంగులేటి సంచలనం!

సుప్రీంకోర్టులో పిటిషన్..

ఇక  ఫార్ములా-ఈ రేసు వ్యవహారంలో కేటీఆర్ దాఖలు చేసిన క్వాష్ పిటిషన్ ను ఈ రోజు హైకోర్టు కొట్టివేసిన విషయం తెలిసిందే. దీంతో హైకోర్టు తీర్పును సవాల్ చేస్తూ కేటీఆర్ సుప్రీంకోర్టును ఆశ్రయించారు. కేటీఆర్ లీగల్ టీమ్ ఈ మేరకు సుప్రీంకోర్టులో పిటిషన్ ఫైల్ చేశారు. రేపు ఈ పిటిషన్ విచారణకు వచ్చే అవకాశం ఉన్నట్లు తెలుస్తోంది. క్వాష్ పిటిషన్ ను హైకోర్టు కొట్టేయడంతో.. అరెస్ట్ నుంచి అయినా రక్షణ కల్పించాలని కేటీఆర్ తరఫు న్యాయవాది న్యాయస్థానాన్ని కోరారు. అందుకు కూడా న్యాయస్థానం అంగీకరించలేదు. దీంతో కేటీఆర్ అరెస్ట్ ఖాయమన్న ప్రచారం సాగుతోంది. 

ఇది కూడా చదవండి: Dogs: అయ్యో పాపం.. కాళ్లు,నోళ్లు కట్టేసి 32కుక్కలను చంపిన గ్రామస్థులు!