TGSRTC: తెలంగాణ ఆర్టీసీకార్మికులు తమ సమస్యల పరిష్కారం కోసం సమ్మె బాట పట్టారు. ఇప్పటికే ప్రభుత్వం సమ్మె విరమణకు ప్రయత్నించినప్పటి వారు సమ్మెకు వెళ్లడానికే సిద్ధపడుతున్నారు. ఈ క్రమంలో కార్మికులకు ప్రభుత్వం బహిరంగ లేఖ రాసింది. ఈ లేఖలో సమ్మె పేరుతో ఉద్యోగులను బెదిరిస్తే కఠిన చర్యలు తీసుకుంటామని లేఖలో పేర్కొంది.

Also read : TGSRTC : బస్సు భవన్‌‌ వద్ద ఉద్రిక్తత...ఒక్కసారిగా వందలాది మంది కార్మికులు..

క్షేత్రస్థాయిలో మీరు సమర్థంగా విధులు నిర్వర్తించడం వల్లే టీజీఎస్‌ఆర్టీసీ అభివృద్ధి పథంలో పయనిస్తోంది. ఉద్యోగుల సంక్షేమం విషయంలో యాజమాన్యం ఏ మాత్రం రాజీపడట్లేదు. ఆర్థికంగా ఇబ్బందులు ఉన్నా ఎన్నో ఏళ్లుగా పెండింగ్‌లో ఉన్న పీఆర్సీ, డీఏలను అందించింది. ఆర్పీఎస్‌-2013 బాండ్లకు సంబంధించిన రూ.280 కోట్లు చెల్లించింది. గత మూడున్నరేళ్లుగా విధిగా ప్రతి నెల 1వ తేదీనే వేతనాలు ఇస్తోంది. టీజీఎస్‌ఆర్టీసీ ఆర్థిక పరిస్థితి గురించి సిబ్బందికి తెలిసిందే. ఇప్పుడిప్పుడే కోలుకుంటూ అభివృద్ధి పథంలో నడుస్తోన్న సంస్థకు, ఉద్యోగులకు సమ్మె తీరని నష్టం కలిగిస్తుంది. అది సమస్యలకు పరిష్కారం కాదు. 2019లో జరిగిన సమ్మె, కొవిడ్‌ వల్ల ఆర్టీసీ మనుగడే ప్రశ్నార్థకంగా మారింది. మీ సమష్టి కృషి వల్ల అన్ని సంక్షోభాలను ఎదుర్కొని ప్రజల మన్ననలు చూరగొంటున్న ఈ సమయంలో సమ్మె చేయడం శ్రేయస్కరం కాదు. 

ఇది కూడా చూడండి: Naa Anveshana: యూట్యూబర్ అన్వేష్ అడ్డంగా దొరికేశాడు.. బెట్టింగ్ యాప్ ప్రమోషన్ వీడియో వైరల్!

రాష్ట్ర ప్రభుత్వ సహకారంతో ఉద్యోగుల సమస్యల పరిష్కారానికి యాజమాన్యం కట్టుబడి ఉంది. ఈ అంశం గురించి సీఎం రేవంత్‌రెడ్డి, రవాణా మంత్రి పొన్నం ప్రభాకర్‌ ఇప్పటికే స్పష్టత ఇచ్చారు. తల్లిలాంటి ఆర్టీసీని కాపాడుకునేందుకు సమ్మె ఆలోచనను విరమించుకోవాలని ఆర్టీసీ సిబ్బందికి యాజమాన్యం విజ్ఞప్తి చేస్తోంది. ఒక వర్గం తమ మనుగడ కోసం చెప్పే మాటలకు ప్రభావితమై సమ్మెకు వెళ్తే సంస్థతోపాటు ఉద్యోగులకు తీవ్ర నష్టం జరుగుతుందనే విషయం మరిచిపోవద్దు. ప్రజలకు రవాణాపరమైన ఇబ్బందులు కలగకుండా సేవలందిస్తూ.. సంస్థ మేలు కోసం ఆలోచించాల్సిన బాధ్యత ప్రతి ఒక్క ఉద్యోగిపై ఉంది.  అని లేఖలో పేర్కొంది.

ఎస్మా చట్టం ప్రకారం ఆర్టీసీలో సమ్మెలు నిషేధం. సంస్థ నిబంధనల మేరకు సమ్మె చట్టవ్యతిరేకమైంది. సమ్మె పేరుతో ఉద్యోగులను ఎవరైనా బెదిరించినా, విధులకు ఆటంకం కలిగించినా బాధ్యులపై చట్ట ప్రకారం చర్యలు తీసుకుంటాం’’అని ఆర్టీసీ యాజమాన్యం తమ లేఖలో పేర్కొంది.

ఇది కూడా చూడండి: VIRAL VIDEO: వెడ్డింగ్ షూట్‌లో విషాదం.. వధువుపై పేలిన బాంబు.. వీడియో వైరల్