RCB : బెంగళూరు రాయల్ ఛాలెంజర్స్...స్టార్ క్రికెటర్ విరాట్ కోహ్లీ(Virat Kohli) ఉన్న ఈజట్టు ఐపీఎల్(IPL) మొదలైన దగ్గర నుంచి వరుసగా మ్యాచ్‌లు ఓడిపోతూ వస్తోంది. కోహ్లీ ఎంత బాగా ఆడినా..డుప్లెసిస్ అప్పుడప్పుడూ మెరుపులు మెరిపించినా.. మ్యాచ్‌లను మాత్రం గెలవలేకపోయింది. దీంతో పాయింట్ల పట్టికలో అట్టడుగు స్థానానికి దిగజారిపోయింది. ఎంతలా అంటే ఏం చేసినా ఆ జట్టు సంగతి ప్లే ఆఫ్స్ సరి అన్నట్టుగా. అలాంటి గత రెండు మ్యాచ్‌లుగా ఆర్సీబీ అనూహ్యంగా పుంజుకుంది. వరుసగా హైదరాబాద్(Hyderabad), గుజరాత్‌లాంటి బలమైన టీమ్‌ల మీద గెలిచి సత్తా చాటుతోంది. ఇప్పుడు ఎంత గెలిచానా పెద్ద ఉపయోగం లేకపోయినప్పటికీ ప్లే ఆఫ్స్ నుంచి గౌరవప్రదంగా తప్పుకునేలా ఆడుతుననారు ఆర్సీబీ ప్లేయర్స్.

అలా ఎలా సాధ్యమైందిరా నాయనా..
మొత్తం ఐపీఎల్‌లో ఆర్సీబీ ఆడిన మ్యాచ్‌లు అన్నీ ఒక ఎత్తు అయితే నిన్న గుజరాత్ టైటాన్స్‌(Gujarat Titans) తో ఆడిన మ్యాచ్ ఒక్కటీ ఒక ఎత్తు. అందులోనూ విల్ జాక్స్ ఆడిన తీరు అయితే అద్భుతమనే చెప్పాలి. కేవలం 10 బంతుల్లో 50 రన్స్ చేసి ఏంట్రా నాయానయా ఈ బ్యాటింగ్ అనిపించేశాడు విల్ జాక్స్. మొదట 41 బంతుల్లో సెంచరీ సాధించిన అతను.. 50 నుంచి 100 పరుగుల మార్క్‌ చేరుకొనేందుకు మాత్రం కేవలం 10 బంతులనే తీసుకున్నాడు. రషీద్ కాన్ బౌలింగ్‌లో ఏకంగా నాలుగు సిక్స్‌లు బాదేసి పరుగుల వీరుడు అనిపించుకున్నాడు. మొత్తానికి విల్ జాక్స్ ఒక సరికొత్త ఆల్‌ టైమ్ రికార్డ్ సాధించాడు. ఇతనికి తోడు విరాట్ కోహ్లీ 70 పరుగుల సూపర్ ఇన్నింగ్స్ ఆర్సీబీ గెలుపుకు బాటలు వేసింది. ఆర్సీబీకి ఇంకా నాలుగు మ్యాచ్‌లు మిగిలి ఉననాయి.. ఆటీమ్ కనుక ఇలాగే ఆఆడితే సీజన్‌ను గౌరవప్రదంగా ముగించే అవకాశం ఉంటుంది. అప్పుడు 14 పాయింట్లు బెంగళూరు ఖాతాలోకి వస్తాయి. ఇతర జట్ల సమీకరణాలతో ప్లేఆఫ్స్‌ అవకాశమూ వచ్చినా ఆశ్చర్యపోనక్కర్లేదు.

వరుసగా ఓడిపోతున్న ఎస్‌ఆర్‌హెచ్
ఐపీఎల్‌లో ఈసారి సంచలన జట్టు ఏదైనా ఉంది అంటే అది ఎస్‌ఆర్‌హెచ్‌ మాత్రమే. భారీ స్కోర్లు కొడుతూ క్రికెట్ ప్రేక్షకులకు మంచి ఎంటర్టైన్‌మెంట్ ఇస్తున్న హైదరాబాద్ గత రెండు మ్యాచ్‌లు ఓడిపోయి డీలా పడిపోయింది. అద్భుతాలు చేస్తుంది అనుకున్న జట్టు సొంత గ్రౌండ్ లోనే చతికిలపడిపోయింది. లాస్ట్ టైమ్‌ హైదరాబాద్‌లో జరిగిన మ్యాచ్‌లో ఆర్సీబీ జట్టుతో ఓడిపోయిన ఎస్ఆర్‌హెచ్ నిన్న చెన్నై సూపర్ కింగ్స్‌తో జరిగిన మ్యాచ్‌లోనూ 78 పరుగుల తేడాతో ఘోరంగా ఓడిపోయింది. 213 పరుగుల భారీ లక్ష్యంతో బరిలోకి దిగిన ఎస్‌ఆర్‌హెచ్.. 18.5 ఓవర్లలో 134 పరుగులకే ఆలౌట్ అయింది. టాస్ గెలిచి బ్యాంటిగ్ ఎంచుకోకపోవడమే మేము చేసిన తప్పు అని సన్ రైజర్స్ టీమ్ కెప్టెన్ పాట్ కమిన్స్ అంటున్నారు. రెండు మ్యాచ్‌లలోనూ ఎస్‌ఆర్హెచ్‌ ఇదే తప్పు చేసింది. ఈ టీమ్ మొదట బ్యాటింగ్ చేసిన ప్రతీసారి గెలుస్తోంది. అదే లక్ష్య ఛేధనలో మాత్రం బాగా తడబడుతోంది. మిగతా మ్యాచ్‌లలో అయినా సన్ రైజర్స్ తిరిగి పుంజుకోకపోతే భారీ మూల్యాన్నే చెల్లించాల్సి వస్తుంది. ఐపీఎల్ 2024లో ఎస్‌ఆర్‌హెచ్ ఇప్పటివరకు 9 మ్యాచులు ఆడి.. ఐదింటిలో గెలిచింది. ప్రస్తుతం 10 పాయింట్లతో పట్టికలో నాలుగో స్థానంలో ఉంది. మిగిలిన ఆరు మ్యాచులలో మూడు గెలిస్తేనే ప్లే ఆఫ్ అవకాశాలు ఉంటాయి.

Also Read:Andhra Pradesh: అమలాపురంలో ఘోర రోడ్డు ప్రమాదం నలుగురు మృతి