Supreme Court: సుప్రీం కోర్టులో తమిళనాడు స్టాలిన్ ప్రభుత్వానికి ఊరట లభించింది. అసెంబ్లీ ఆమోదించిన బిల్లులను గవర్నర్లు శాశ్వతంగా తమ వద్ద ఉంచుకోలేరని న్యాయస్థానం తెలిపింది. కీలక బిల్లులకు సమ్మతి తెలపకుండా పెండింగ్‌లో పెట్టడం చట్టవిరుద్ధమని తీర్పు వెల్లడించింది. ఈ మేరకు అసెంబ్లీ తీర్మానించిన బిల్లులను ఆమోదించడంలో ఆలస్యం చేసిన గవర్నర్ ఆర్‌ఎన్‌ రవికి, తమిళనాడు ప్రభుత్వానికి మధ్య వివాదం మొదలైన విషయం తెలిసిందే. కాగా దీనిపై తమిళనాడుతో పాటు రాష్ట్రాలన్నింటికి ఇది భారీ విజయమని సీఎం ఎంకే స్టాలిన్ హర్షం వ్యక్తం చేశారు.

గవర్నర్ చర్య చట్టవిరుద్ధం..

ఈ సందర్భగా తమిళనాడు ప్రభుత్వం వేసి పిటిషన్ పై విచారణ జరిపిన సుప్రీం కోర్టు కీలక వ్యాఖ్యలు చేసింది.10 బిల్లులను రాష్ట్రపతి పరిశీలనకు పంపాలనేది గవర్నర్ చర్య చట్టవిరుద్ధమని పేర్కొంది. ఇది ఏకపక్షమే అవుతుంది. గవర్నర్‌ బిల్లును పునఃపరిశీలనకు వెనక్కి పంపిన తర్వాత అసెంబ్లీ తిరిగి ఆమోదించిన తర్వాత 2వసారి ఆ బిల్లులను గవర్నర్‌ రాష్ట్రపతికి సిఫార్సు చేయకూడదు. అలా చేయడం చట్ట చట్టవిరుద్ధం. అసెంబ్లీలో రెండోసారి ఆమోదించిన బిల్లులు గవర్నర్ ఆమోదం పొందినట్లే పరిగణించాలి. రాష్ట్రపతికి నివేదించాలనుకుంటే నెలరోజుల్లోపే నిర్ణయం తీసుకోవాలి. రాష్ట్రపతికి సిఫార్సు అవసరం లేదనకుంటే 3 నెలల్లోపు బిల్లులపై నిర్ణయం వెల్లడించాలి. అంతేతప్పా శాశ్వతంగా వాటిని తమ వద్ద ఉంచుకోలేరు’ అంటూ స్పష్టం చేసింది. 

ఇది కూడా చూడండి: Today Gold Rate: కిక్కిచ్చిన బంగారం ధరలు.. ఇవాళ భారీగా తగ్గాయ్.. తులం ఎంతంటే?

అసలేం జరిగిందంటే..
శాసనసభ ఆమోదించిన బిల్లులను గవర్నర్‌ రవికి పంపగా ఆయన ఎలాంటి సమాధానం ఇవ్వకుండా వాటిని తనవద్దే పెట్టుకున్నాడని తమిళనాడు ప్రభుత్వం ఆరోపిస్తూ 2023లో సుప్రీంకోర్టును ఆశ్రయించింది. బిల్లులను సమ్మతించకపోవడం, పునఃపరిశీలించాలని సూచిస్తూ వెనక్కి కూడా పంపడం లేదని చెప్పింది. రెండోసారి ఆమోదించిన బిల్లుల విషయంలో ఆయన తీరు మారట్లేదని పేర్కొంది. ఈ వ్యవహారంపై తాజాగా సుప్రీం తీర్పు వెలువరించింది. 

ఇది కూడా చూడండి: Ap Aqua -Trump Effect: ఏపీ రైతులపై ట్రంప్ టారిఫ్ ఎఫెక్ట్.. చంద్రబాబు కీలక నిర్ణయాలు

 tamilnadu | cm-stalin | supreme-court | governer | telugu-news | today telugu news