Parks Walking: తరచుగా పార్కులకు వెళ్తున్నారా.. ఈ విషయాలు గుర్తుంచుకోండి

పార్క్‌లో సమయం గడపడం, ఎక్కువసేపు విశ్రాంతి తీసుకోవడం వల్ల ప్రయోజనాలున్నాయి. ఇది మనస్సును ఉల్లాస పరచడంతోపాటు శారీరక, మానసిక ప్రయోజనాలున్నాయి. పార్కులలో స్వచ్ఛమైన గాలి, సహజ వెలుతురు, చెట్లు, మొక్కలు ఒత్తిడి, ఆందోళనను తగ్గిస్తాయని నిపుణులు అంటున్నారు.

By Vijaya Nimma 10 Apr 2025 in లైఫ్ స్టైల్ Latest News In Telugu

New Update

Parks Walking

Parks Walking: ప్రకృతిలో సమయం గడపడం వల్ల శారీరక, మానసిక ఆరోగ్యానికి అనేక ప్రయోజనాలు ఉన్నాయని నిపుణులు అంటున్నారు. పార్క్‌లో సమయం గడపడం లేదా ఒక గంట లేదా అంతకంటే ఎక్కువసేపు విశ్రాంతి తీసుకోవడం వల్ల చాలా ప్రయోజనాలు ఉంటాయి. ఇది మనస్సును ఉల్లాస పరచడంతో పాటు శారీరక, మానసిక ప్రయోజనాలను అందిస్తుందని చెబుతున్నారు. పార్కుల్లో నడవడం వల్ల ఒత్తిడి తగ్గుతుంది. ఒత్తిడి కార్టిసాల్ హార్మోన్ స్థాయిలు పెరగకుండా నిరోధించవచ్చు. పార్కులలో స్వచ్ఛమైన గాలి, సహజ వెలుతురు, చెట్లు, మొక్కలు ఆందోళనను తగ్గిస్తాయి. ఇది మనసును కూడా ప్రశాంత పరుస్తుందని పరిశోధకులు చెబుతున్నారు. పచ్చని చెట్ల మధ్య సమయం గడపడం వల్ల జ్ఞాపకశక్తి మెరుగుపడుతుంది.

వ్యాధులు వచ్చే అవకాశాలు తగ్గుతాయి..

ఒక లక్ష్యంపై కూడా దృష్టి పెట్టవచ్చని అనేక అధ్యయనాలు చూపిస్తున్నాయి. ఇది ఆందోళన నుంచి ఉపశమనం కలిగిస్తుంది. మానసిక ప్రశాంతతను ఇస్తుంది. ఇలా చేయడం వల్ల మెదడు తెలివిగా పనిచేస్తుంది. తోటలలో సమయం గడపడం వల్ల రోగనిరోధక శక్తి పెరుగుతుంది. ముఖ్యంగా శరీరాన్ని రక్షించే తెల్ల రక్త కణాలు పెరుగుతాయి. సూర్యరశ్మి విటమిన్ డిని అందిస్తుందని, శరీరాన్ని రక్షిస్తుందని పరిశోధకులు అంటున్నారు. పార్కులో నడవడం, జాగింగ్ చేయడం వంటి రోజువారీ వ్యాయామం చేయడం వల్ల అనేక ప్రయోజనాలు ఉన్నాయి. ఇలా చేయడం వల్ల శరీరాన్ని సమతుల్యం చేయడంతో పాటు కండరాలు బలపడతాయి. గుండె, మధుమేహం వంటి దీర్ఘకాలిక వ్యాధులు వచ్చే అవకాశాలు తగ్గుతాయి.

ఇది కూడా చదవండి: ఆఫీసు పనిలో సహోద్యోగులు ఎగతాళి చేస్తున్నారా.. ఇలా చేయండి

తోటలలో సమయం గడపడం వల్ల రాత్రిపూట బాగా నిద్రపోవచ్చు. ముఖ్యంగా ఉదయం, సాయంత్రం సూర్యకాంతి వల్ల చాలా ప్రయోజనాలు ఉన్నాయి. సూర్యకాంతికి గురికావడం వల్ల మెలటోనిన్ అనే హార్మోన్ ఉత్పత్తి పెరుగుతుంది. ఇది రాత్రిపూట బాగా నిద్రపోవడానికి సహాయపడుతుంది. పార్కుల చుట్టూ తిరగడం వల్ల కొత్త స్నేహితులను సంపాదించుకోవచ్చు. సామాజిక సంబంధాలను పెంచుకోవచ్చు. అదనంగా అవి మానసిక ఆరోగ్యానికి చాలా ఉపయోగకరంగా ఉంటాయి. ముఖ్యంగా ఒంటరితనం నుండి బయటపడటానికి ఇది సహాయపడుతుంది. ప్రకృతిలో నడవడం వల్ల రక్తపోటు నియంత్రణలో ఉంటుంది. ఇలా చేయడం వల్ల రక్తపోటు నియంత్రించడమే కాకుండా గుండె సంబంధిత సమస్యలు కూడా రాకుండా ఉంటాయని పరిశోధనలు చెబుతున్నాయి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.