Diwali Pollution: పటాసుల కాలుష్యం నుంచి రక్షణ పొందడానికి ఇలా చేయండి

దీపావళి పండుగ ముగియగానే.. అనేక నగరాల్లో కాలుష్యం (Pollution) తీవ్రమైన సమస్యగా మారుతుంది. పటాకుల పొగ, దుమ్ము కారణంగా గాలిలో విషపూరిత రేణువులు విపరీతంగా పెరిగి.. చాలామందికి శ్వాస తీసుకోవడం కూడా కష్టమవుతుంది. ఈ కలుషితమైన గాలి ఊపిరితిత్తులపైనే కాక చర్మం, కళ్లపై కూడా తీవ్ర ప్రభావం చూపుతుంది. ఈ కాలుష్యం నుంచి కుటుంబాన్ని రక్షించుకోవడానికి భయపడాల్సిన పనిలేదు. కాలుష్యం నుంచి మనల్ని మనం కాపాడుకోవడానికి సహాయపడే కొన్ని ప్రభావవంతమైన ఇంటి చిట్కాలు ఉన్నాయి. వాటిని ఫాలో అయితే కాలుష్య సమస్యల నుంచి రక్షణ పొందవచ్చు. ఈ ప్రభావవంతమైన ఇంటి చిట్కాల గురించి కొన్ని విషయాలు ఈ ఆర్టికల్‌లో తెలుసుకుందాం. 

దీపావళి అనంతర కాలుష్యం నుంచి రక్షణ:

తులసి కషాయం: కాలుష్యం వల్ల శరీరంలో ఇన్ఫెక్షన్ల ప్రమాదం పెరుగుతుంది. ఈ సమయంలో రోగనిరోధక శక్తిని పెంచడం ముఖ్యం. దీని కోసం తులసి కషాయం తాగవచ్చు. ఒక గ్లాసు నీటిలో 5-6 తులసి ఆకులు, తురిమిన అల్లం, కొద్దిగా బెల్లం వేసి సగం అయ్యే వరకు మరిగించి వడకట్టి తాగాలి. ఇది రోగనిరోధక శక్తిని బలోపేతం చేస్తుంది.

పసుపు పాలు (Turmeric Milk): పసుపులో అనేక పోషకాలు, ఔషధ గుణాలు ఉన్నాయి. కాలుష్యం నుంచి రక్షణకు పసుపు పాలు తాగవచ్చు. ఒక గ్లాసు పాలలో పచ్చి పసుపు లేదా పసుపు పొడిని కలిపి బాగా మరిగించి ప్రతిరోజూ తాగడం ప్రయోజనకరం.

ఇది కూడా చదవండి: దీపావళి వేడుకలు.. ఆరోగ్యానికి ప్రమాదం లేకుండా ఈ వస్తువులు కిచెన్ నుంచి తరిమేయండి!!

వ్యాయామం-యోగా: దీపావళి తర్వాత కాలుష్యం నుంచి దూరంగా ఉండటానికి.. రోజూ యోగా, వ్యాయామం చేయడం ప్రారంభించాలి. ఇది రోగనిరోధక వ్యవస్థను బలోపేతం చేసి.. వ్యాధుల నుంచి పోరాడే శక్తిని పెంచుతుంది.

శరీరం హైడ్రేట్‌: కాలుష్యం నుంచి మిమ్మల్ని మీరు రక్షించుకోవడానికి.. శరీరాన్ని ఎల్లప్పుడూ హైడ్రేట్‌గా (Hydrated) ఉంచుకోవడం చాలా ముఖ్యం. క్రమం తప్పకుండా నీరు తాగాలి. డీహైడ్రేషన్ (Dehydration) జరగకుండా చూసుకోవాలి. అదనంగా పండ్ల రసాలు, కొబ్బరి నీరు, సూప్‌లను కూడా క్రమం తప్పకుండా తీసుకోవాలని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం. 

ఇది కూడా చదవండి:లక్ష్మీ దేవికి ప్రీతిపాత్రమైన మొక్క.. పటాసుల కాలుష్యం నుంచి రక్షణ పొందడానికి ఇలా చేయండి