Donald Trump: ఇరాన్‌తో శాంతి ఒప్పందం: పాకిస్థాన్‌కు వెళ్లనున్న ట్రంప్? అణ్వాయుధాలపై కీలక ప్రకటన!

అమెరికా అధ్యక్షుడు డొనాల్డ్ ట్రంప్(Donald Trump) సంచలన నిర్ణయం తీసుకున్నారు. ఇరాన్‌(iran america war) తో కుదుర్చుకోబోయే శాంతి ఒప్పందం గనుక ఖరారైతే, తాను స్వయంగా పాకిస్థాన్‌లో పర్యటిస్తానని ప్రకటించారు. నెవాడాలోని లాస్ వెగాస్‌కు వెళ్లే ముందు వైట్ హౌస్ వద్ద విలేకరులతో మాట్లాడిన ఆయన, ఇరు దేశాల మధ్య మధ్యవర్తిత్వం వహిస్తున్న పాకిస్థాన్‌పై ప్రశంసల జల్లు కురిపించారు.

Also Read :  ఉక్రెయిన్‌పై రష్యా డ్రోన్ల విధ్వంసం.. 700 డ్రోన్లతో విరుచుకుపడ్డ పుతిన్ సేనలు!

ఇస్లామాబాద్‌పై ట్రంప్ మొగ్గు

అమెరికా, ఇరాన్ మధ్య జరుగుతున్న చర్చలు(iran america peace talks) ఫలప్రదంగా సాగుతున్నాయని, ఒక ఒప్పందం దాదాపు ఖరారైనట్లేనని ట్రంప్ ధీమా వ్యక్తం చేశారు. "ఒకవేళ ఇస్లామాబాద్‌లో ఒప్పందంపై సంతకాలు జరిగితే, నేను తప్పకుండా అక్కడికి వెళ్తాను. నేను రావాలని వారు (పాకిస్థాన్) కోరుకుంటున్నారు," అని ట్రంప్ పేర్కొన్నారు. పాకిస్థానీ మధ్యవర్తులు ఈ విషయంలో "చాలా గొప్పగా" వ్యవహరించారని ఆయన కొనియాడారు. బహుశా ఈ వారాంతంలోనే తదుపరి విడత చర్చలు ఉండవచ్చని ఆయన సూచించారు.

అణ్వాయుధాలు లేని ఇరాన్ మా లక్ష్యం

ఈ ఒప్పందం ప్రధాన ఉద్దేశం ఇరాన్ అణ్వాయుధాలు కలిగి ఉండకుండా చూడటమేనని ట్రంప్ స్పష్టం చేశారు. అమెరికా బి-2 బాంబర్లతో గతంలో జరిపిన దాడుల కారణంగా భూగర్భంలో పేరుకుపోయిన 'అణు ధూళి'ని (సుసంపన్న యురేనియం) తిరిగి ఇచ్చేయడానికి ఇరాన్ అంగీకరించిందని ట్రంప్ వెల్లడించారు. ఇరాన్ వద్ద ఎట్టి పరిస్థితుల్లోనూ అణ్వాయుధాలు ఉండకూడదనేది తమ ప్రభుత్వ మొదటి ప్రాధాన్యత అని, దీనికి ఇరాన్ కూడా సుముఖంగా ఉందని ఆయన తెలిపారు.

Also Read :  బంగారం ప్రియులకు బంపరాఫర్.. ఆ నదిలో కొట్టుకొస్తున్న బంగారం.. ఎలా ఎగబడుతున్నారో చూడండి!

ఆర్థిక సంకేతాలు.. శాంతి వైపు అడుగులు

ప్రస్తుత పరిస్థితులను విశ్లేషిస్తూ, "స్టాక్ మార్కెట్ బాగుంది, చమురు ధరలు తగ్గుతున్నాయి. ఇవన్నీ ఇరాన్‌తో ఒప్పందం కుదరబోతోందనడానికి స్పష్టమైన సంకేతాలు," అని ట్రంప్ విశ్లేషించారు. అయితే, శాంతి ఒప్పందానికి అంగీకరించకపోతే మళ్లీ ఘర్షణలు తలెత్తే ప్రమాదం ఉందని ఇరాన్‌ను ఆయన హెచ్చరించారు. ప్రస్తుతానికి అమెరికా ఇరాన్‌తో 'చాలా చక్కగా' వ్యవహరిస్తోందని, కాల్పుల విరమణను పొడిగించాల్సిన అవసరం రాకపోవచ్చని ఆయన ఆశాభావం వ్యక్తం చేశారు. ప్రపంచ శాంతికి ఈ ఒప్పందం ఒక మైలురాయిగా నిలుస్తుందని విశ్లేషకులు భావిస్తున్నారు. ఒకవేళ ట్రంప్ పాకిస్థాన్‌లో పర్యటిస్తే, దశాబ్ద కాలంలో అక్కడికి వెళ్లిన మొదటి అమెరికా అధ్యక్షుడిగా ఆయన నిలుస్తారు.