Donald Trump: 'ఏలియన్స్ సమాచారం బయటపెడుతా'.. ట్రంప్ కీలక ప్రకటన

అమెరికా అధ్యక్షుడు ట్రంప్(Donald Trump) కీలక ప్రకటన చేశారు. తమ ప్రభుత్వం వద్ద ఉన్న గ్రహాంతర వాసుల(aliens) సమాచారాన్ని బయటపెడుతానని వ్యాఖ్యానించారు. ఏలియన్ల సమాచారం ఉన్న ఫైళ్లను గుర్తించి, వాటిని విడుదల చేయాలని ఫెడరల్ ఏజెన్సీలకు మార్గదర్శకాలు జారీ చేశారు. ఇటీవల అమెరికా మాజీ అధ్యక్షుడు బరాక్ ఒబామా ఓ పాడ్‌కాస్ట్‌లో మాట్లాడుతూ గ్రహాంతర వాసుల సమాచారం గురించి వెల్లడించారు. ఈ క్రమంలోనే ట్రంప్ ఫెడరల్ ఏజెన్సీకి మార్గదర్శకాలు జారీ చేసినట్లు తెలుస్తోంది. 

Also Read: పురిటినొప్పులు భరించలేక.. పొత్తికడుపు కోసుకుంది.. చివరకు ఏమైందంటే?

Trump Orders Release Of Files On Aliens

కొన్ని దశాబ్దాలుగా చాలామంది అమెరికన్ ప్రజలు తమ ప్రభుత్వం వద్ద ఏలియన్స్‌ సమాచారం గురించి తెలుసుకునేందుకు ఆసక్తి చూపుతున్నారని ట్రంప్ అన్నారు. అందుకే ఈ సమాచారాన్ని ప్రజలకు అందుబాటులోకి తీసుకొచ్చేందుకు చర్యలు తీసుకుంటున్నట్లు చెప్పారు. అయితే ఒబామా ఏలియన్స్ గురించి చేసిన ఓ రహస్య విషయాన్ని చెప్పారంటూ ట్రంప్ ఆగ్రహించారు. ఆయన అలా మాట్లాడి ఉండకూడదన్నారు. కానీ ఆ సీక్రెట్ ఏంటనేది ట్రంప్ చెప్పలేదు. 

Also Read: ఎఫ్‌స్టీన్‌ ఫైల్స్‌లో మరో సంచలనం.. బ్రిటన్ యువరాజు ముందు బాలికకు ఎలక్ట్రిక్ షాక్

ఇదిలాఉండగా ఒబామా ఇటీవల ఓ పాడ్‌కాస్ట్‌లో మాట్లాడుతూ ఏదో ఓ గ్రహంపై ఏలియన్స్ ఉండే విషయాన్ని తాను నమ్ముతున్నానని తెలిపారు. గ్రహంతర వాసులను అమెరికా నెవాడలోని ఏరియా 51లో నిర్బంధించిందనే ప్రచారంలో నిజం లేదని స్పష్టం చేశారు. ఏలియన్స్‌ ఉనికికి సంబంధించి అమెరికా వద్ద సమాచారం ఉన్నట్లు తాను అధ్యక్షుడిగా ఉన్న సమయంలో కూడా తెలియదని చెప్పారు. ఏరియా 51లో ఎలాంటి భూగర్భ కేంద్రాలు లేవని స్పష్టం చేశారు.