ఫేస్‌బుక్‌లో పరిచయమైన ఓ అమ్మాయిని పెళ్లి చేసుకునేందుకు భారతీయ యువకుడు పాకిస్థాన్‌కు వెళ్లిన సంగతి తెలిసిందే. అయితే అక్కడికి వెళ్లిన ఆ యువకుడికి ఊహించని షాక్ తగిలింది. పాకిస్థాన్‌లోకి ప్రవేశించిన ఆ యువకుడిని ఇప్పటికే పోలీసులు అదుపులోకి తీసుకున్నారు. విచారణలో తన ప్రేమికురాలి కోసం వచ్చానని చెప్పాడు. అయితే ఆ అమ్మాయిని విచారించగా.. అతడిని పెళ్లి చేసుకోవడం ఇష్టం లేదని చెప్పింది. దీంతో ఆ యువకుడికి ఎదురుదెబ్బ తగిలింది.    

Also Read: మనమందరం సిగ్గు పడాలి.. మద్రాస్ హైకోర్టు సంచలన వ్యాఖ్యలు

ఇక వివరాల్లోకి వెళ్తే.. ఉత్తర్‌ప్రదేశ్‌లోని అలీగఢ్‌కు చెందిన బాదల్ బాబు (30) అనే యువకుడికి పాకిస్థా్న్‌లో పంజాబ్‌ ప్రావిన్సులో ఉన్న సార రాణి (21)అనే యువతితో ఫేస్‌బుక్‌లో పరిచయం ఏర్పడింది. కొన్నిరోజులకు అది ప్రేమగా మారింది. అయితే బాదల్ బాబు ఆ అమ్మాయిని పెళ్లి చేసుకోవాలని భావించాడు. ఇందుకోసం అక్రమంగా సరిహద్దు దాటి ఆ అమ్మాయి ఉండే గ్రామానికి చేరుకున్నాడు. కానీ అతడు అక్రమంగా ప్రవేశించినందుకు పోలీసులు అతడిని అరెస్టు చేశారు.  

Also Read: ఆ సమాయానికి మోదీ ప్రభుత్వం ఉండకపోవచ్చు.. సంజయ్ రౌత్ సంచలన వ్యాఖ్యలు

అలాగే దీనిపై సారా రాణి స్టేట్‌మెంట్‌ను కూడా రికార్డు చేశారు. బాదల్ బాబుతో తనకు రెండున్నరేళ్లుగా పరిచయం ఉందని ఆమె చెప్పింది. కానీ అతడిని పెళ్లి చేసుకోవడం ఇష్టం లేదని చెప్పింది. ఈ విషయాన్ని పంజాబ్ పోలీసు అధికారి నజీర్‌ షా తెలిపారు. అలాగే అక్కి నిఘా సంస్థలు కూడా యువతి తల్లిండ్రులను కూడా ఇదే అంశం గురించి అడిగినట్లు తెలుస్తోంది. ప్రేమ కోసం దేశం దాటి వెళ్లిన ఆ యువకుడు ఇలా చిక్కుల్లో పడటం చర్చనీయాంశమవుతోంది. మరోవైపు బాదల్‌ బాబును పాకిస్థాన్ నుంచి విడుదల చేయించాలని అతడి కుటుంబం ప్రధాని మోదీకి విజ్ఞప్తి చేసింది. 

Also Read: గోవా హోటల్‌లో ఘోరం.. ఏపీ యువకుడిని కర్రలతో కొట్టి కొట్టి, ఆఖరికి!

Also Read: రైతులకు శుభవార్త.. పంట బీమా పథకాలను పొడిగించిన కేంద్రం