ప్రతీకార సుంకాలపై అమెరికా అధ్యక్షుడు ట్రంప్ వెనక్కు తగ్గారు. 90 రోజుల పాటూ టారీఫ్ లను నిలిపివేస్తున్నట్లు ప్రకటించారు.  దీంతో కొన్ని రోజులుగా అతలాకుతలం అవుతున్న ప్రపంచ స్టాక్ మార్కెట్లు ఈరోజు పుంజుకున్నాయి. అమెరికా మార్కెట్లు రికార్డ్‌ స్థాయిలో లాభాలను ఆర్జించగా.. ఆసియా మార్కెట్లు కూడా కూడా లాభాల్లో కొనసాగుతున్నాయి. అమెరికా మార్కెట్లు 12% పెరిగాయి. ఆసియా మార్కెట్లు కూడా 10% పెరిగాయి. మహావీర్ జయంతి సెలవుదినం కారణంగా భారత మార్కెట్లు మాత్రం మూసివేయడ్డాయి. 

ఆసియా మార్కెట్లు..

జపాన్ నిక్కీ ఇండెక్స్ 2,660 పాయింట్లు అటే 8.39% పెరిగి 34,370 వద్దకు చేరుకుంది. కొరియా కోస్పి ఇండెక్స్ 110 పాయింట్లు అనగా 4.70% పెరిగి 2400 వద్దకు చేరుకుంది. తైవాన్‌కు చెందిన TAIEX సూచీ 620 పాయింట్లు లేదా 9.35% పెరిగి 19,020 వద్దకు చేరుకుంది. షాంఘై సూచీ మాత్రం స్వల్పంగా 0.6శాతం లాభంతో కొనసాగుతోంది. 

24 ఏళ్ళ తర్వాత సూపర్ డే..

టారీఫ్ లపై ట్రంప్ ప్రకటన తర్వాత బుధవారం అమెరికా స్టాక్ మార్కెట్లు భారీగా దూసుకెళ్లాయి. డౌ జోన్స్ 2,962 పాయింట్లు లేదా 7.87% పెరిగి 40,608 వద్ద ముగిసింది. 2020 ఇది మార్చి నమోదైన అతిపెద్ద లాభం. అలాగే S&P 500 ఇండెక్స్ 9.52% పెరిగి 5,456.90కి చేరుకుంది.  2008 తర్వాత  S&P 500 ఇండెక్స్ అతిపెద్ద సింగిల్-సెషన్ పెరుగుదల ఇది.  మరోవైపు టెక్ స్టాక్స్ ఇండెక్స్ అయిన నాస్డాక్ కాంపోజిట్ 12.16% పెరిగి 17,124 కు చేరుకుంది. నాస్‌డాక్‌ ఒక రోజులో ఇలా రికార్డ్‌ స్థాయిలో లాభపడడం 24 ఏళ్లలో ఇదే తొలిసారి కావడం విశేషం. వాల్ స్ట్రీట్ లో దాదాపు 30 బిలియన్ షేర్లు ట్రేడ్ అయ్యాయి. దీంతో బుధవారం వాల్ స్ట్రీట్ చరిత్రలో అత్యధికంగా ట్రేడ్ అయిన రోజుగా నిలిచింది.

 today-latest-news-in-telugu | stock-markets | asia | trump tariffs 

Also Read: USA: సైనిక చర్యలు తప్పువు..ఇరాన్ డీల్ పై ట్రంప్ మరోసారి..