రంగారెడ్డి జిల్లాలోని మోకిల్లాలో 212 పలోమా విల్లాలు నీటిలో మునిగాయి. లగ్జరీ కార్లు, బైకులు వరద నీటిలో తేలియాడుతున్నాయి. ఒక్కో విల్లా ఖరీదు రూ.3 కోట్లకు పైగానే ఉండగా.. కోట్ల రూపాయలు పెట్టి కొంటే తమను వరదల్లో ముంచేశారని బాధితులు లబోదిబోమంటున్నారు.
విజయవాడలో దేవాదాయశాఖ మంత్రి ఆనం రామనారాయణరెడ్డి పర్యటించారు. భారీ వర్షాల కారణంగా దెబ్బతిన్న కనకదుర్గమ్మ ఆలయ ఘాట్ రోడ్డును పరిశీలించారు. నష్టాన్ని ప్రత్యక్షంగా పరిశీలించారు. మరమ్మతులకు సంబంధించి అధికారులతో చర్చించారు.
ఎడతెరిపిలేని వర్షాలతో భారీ వరదకు ఇంటికన్నె-కేసముద్రం మధ్య రైల్వే ట్రాక్ కొట్టుకుపోయింది. యుద్ధప్రాతిపదికన మరమ్మతులు చేపట్టిన రైల్వే అధికారులు 300 మంది కార్మికులతో పనిలో నిమగ్నమయ్యారు. మంగళవారం మధ్యాహ్నం వరకు రైళ్ల రాకపోకలను పునరుద్ధరించనున్నట్లు తెలుస్తోంది.
ప్రకాశం జిల్లా చింతలచెంచుగూడెం వద్ద రాళ్ళవాగు ఉదృతంగా ప్రవహిస్తోంది. రాళ్ళవాగులో ప్రభుత్వ ఆశ్రమ పాఠశాల సిబ్బంది చిక్కుకున్నారు. గమనించిన గ్రామస్తులు సురక్షితంగా బయటకు తీసుకొచ్చారు. ప్రాణాపాయం తప్పడంతో సిబ్బంది ఊపిరి పిల్చుకున్నారు.
బంగాళాఖాతంలో మరో తుఫాన్ ఏర్పడే అవకాశాలున్నట్లు వాతావరణశాఖ అధికారులు వివరించారు. సెప్టెంబర్ 6, 7 తేదీల్లో అల్పపీడనం ఏర్పడనుందని...ఇది తుఫాన్ గా మారే అవకాశాలు చాలా ఎక్కువగా ఉన్నాయని హెచ్చరికలు జారీ చేసింది.
తోట్లవల్లూరు మండలంలోని పునరావాస శిబిరానికి వస్తున్న బోటు గల్లంతైంది. అన్నవరపులంక నుంచి బాధితులను తరలిస్తుండగా ఈ ప్రమాదం జరిగింది. బోటులో 8 మంది ఉండగా..వారిలో ఆరుగురిని రక్షించారు. మిగిలిన ఇద్దరి కోసం గాలింపు చర్యలు చేపట్టారు.
గత కొద్ది రోజులుగా కురుస్తున్న వర్షాల వల్ల తెలంగాణలోని చాలా ఊర్లకు సంబంధాలు తెగిపోయాయి. పలు జిల్లాల్లోని గ్రామాలకు వెళ్లే రోడ్లు దెబ్బతినడం వల్ల సుమారు 117 గ్రామాలకు రాకపోకలు బంద్ అయ్యాయి.
రాష్ట్రంలో వర్షాలు, వరదల నేపథ్యంలో సీఎం రేవంత్ రెడ్దికి ప్రధాని మోదీ ఫోన్ చేసి మాట్లాడారు. వర్షాల వల్ల జరిగిన నష్టం వివరాలను అడిగి తెలుసుకున్నారు. కేంద్ర ప్రభుత్వం తరఫున సహాయం అందిస్తామన్నారు. అప్రమత్తంగా వ్యవహరిస్తున్న తెలంగాణ ప్రభుత్వాన్ని మోదీ అభినందించారు.
/rtv/media/post_attachments/wp-content/uploads/2024/09/FotoJet-50.jpg)
/rtv/media/post_attachments/wp-content/uploads/2024/09/FotoJet-2.jpg)
/rtv/media/post_attachments/wp-content/uploads/2024/09/Minister-Anam-Ramanarayana-Reddy-.jpg)
/rtv/media/post_attachments/wp-content/uploads/2024/09/FotoJet-1-1.jpg)
/rtv/media/post_attachments/wp-content/uploads/2024/09/Rallavagu.jpg)
/rtv/media/post_attachments/wp-content/uploads/2024/09/Cyclone-9-scaled.jpg)
/rtv/media/post_attachments/wp-content/uploads/2024/09/boat.png)
/rtv/media/post_attachments/wp-content/uploads/2024/07/rains-1-3.jpg)
/rtv/media/post_attachments/wp-content/uploads/2024/09/FotoJet.jpg)
/rtv/media/post_attachments/wp-content/uploads/2024/09/FotoJet-2024-09-01T233807.998.jpg)
