తమిళనాడు ముఖ్యమంత్రి ఎంకే స్టాలిన్‌ అమెరికా పర్యటనలో ఉన్న సంగతి తెలిసిందే. ఈ క్రమంలోనే ఆయన జాలిగా గడుపుతున్న వీడియో ఒకటి ప్రస్తుతం సోషల్‌ మీడియాలో వైరల్‌ గా మారింది. చికాగో సరస్సు తీరంలో ఆయన సరదాగా సైకిల్‌ తొక్కారు. దీనికి సంబంధించిన వీడియోను సోషల్‌ మీడియాలో పోస్ట్‌ చేయడం జరిగింది.

ప్రస్తుతం ఈ వీడియో సోషల్‌ మీడియాలో హల్‌చల్‌ చేస్తుంది. ఈ క్రమంలోనే ఈ వీడియో చూసిన కాంగ్రెస్‌ అగ్రనేత, ప్రతిపక్ష నేత రాహుల్‌ గాంధీ తనదైన శైలిలో స్పందించారు. చెన్నైలో మనమిద్దరం కలిసి ఎప్పుడు సైక్లింగ్‌ చేద్దాం మిత్రమా అంటూ ట్వీట్‌ చేశారు.పెట్టుబడులే లక్ష్యంగా తమిళనాడు ముఖ్యమంత్రి స్టాలిన్ అమెరికాలో పర్యటిస్తున్నారు.

Evening’s calm sets the stage for new dreams. pic.twitter.com/IOqZh5PYLq

— M.K.Stalin (@mkstalin) September 4, 2024

ఈ క్రమంలో తీరిక వేళలో షికాగోలో సైకిల్‌ రైడ్‌ చేశారు. ఇందుకు సంబంధించిన వీడియో ‘ఎక్స్‌’లో పోస్టు చేశారు. దీనిపై రాహుల్‌ గాంధీ సరదాగా కామెంట్‌ చేశారు.

Brother, when are we cycling together in Chennai? 🚴 https://t.co/fM20QaA06w

— Rahul Gandhi (@RahulGandhi) September 4, 2024

దీనికి బదులిచ్చిన స్టాలిన్‌.. ‘‘డియర్‌ బ్రదర్‌.. మీకు ఎప్పుడు వీలుంటే అప్పుడు సైకిల్‌ తొక్కుతూ చెన్నై నగరాన్ని ఓ చుట్టూ చుట్టేద్దాం. మీకోసం స్వీట్లు కూడా ఎదురుచూస్తున్నాయి. సైక్లింగ్‌ చేసి వచ్చిన తర్వాత మా ఇంట్లో దక్షిణాది వంటకాల్ని ఆస్వాదించి.. మిఠాయిల రుచి చూద్దాం’’ అని స్టాలిన్‌ పేర్కొన్నారు. ఈ ఆన్‌లైన్‌ సంభాషణ కాస్త సోషల్‌ మీడియాలో వైరల్‌గా మారింది.

Dear brother @RahulGandhi, whenever you’re free, let’s ride and explore the heart of Chennai together! 🚴

A box of sweets is still pending from my side. After our cycling, let’s enjoy a delicious South Indian lunch with sweets at my home. https://t.co/X0Ihre6xpo

— M.K.Stalin (@mkstalin) September 4, 2024

Also Read: మాజీ ఎంపీ నందిగం సురేష్ అరెస్ట్