TVK పార్టీకి బిగ్ షాక్.. విజయ్ సంచలన నిర్ణయం.. ప్రచార ర్యాలీలు రద్దు!

తమిళనాడు అసెంబ్లీ ఎన్నికల సమయం దగ్గరపడుతున్న వేళ రాజకీయ వాతావరణం వేడెక్కుతోంది. ముఖ్యంగా సినీ గ్లామర్‌తో రాజకీయాల్లోకి అడుగుపెట్టిన దళపతి విజయ్ TVKపై అందరి దృష్టి ఉంది. అయితే, పార్టీ అధినేత విజయ్(tvk vijay thalapathy) తీసుకుంటున్న తాజా నిర్ణయాలు ఇప్పుడు రాజకీయ వర్గాల్లో హాట్ టాపిక్‌గా మారాయి. ఎన్నికల ప్రచారంలో దూసుకుపోవాల్సిన సమయంలో, ఆయన వరుసగా తన ర్యాలీ(TVK chief Vijay rally) లను రద్దు చేసుకుంటూ సొంత పార్టీ శ్రేణులకు షాక్ ఇస్తున్నారు.

Also Read :  జులై 3 నుంచి అమర్‌నాథ్ యాత్ర.. ఎప్పటివరకంటే ?

వరుస రద్దులు.. వెనుక కారణాలేంటి?

తమిళనాడు అసెంబ్లీ ఎన్నికల నోటిఫికేషన్ మార్చి 15న విడుదలైంది, ఏప్రిల్ 23న పోలింగ్ జరగనుంది. ప్రచారానికి సమయం తక్కువగా ఉండటంతో అన్ని పార్టీలు క్షేత్రస్థాయిలో దూసుకుపోతుంటే, విజయ్ మాత్రం కీలక నియోజకవర్గాల్లో తన పర్యటనలను రద్దు చేసుకున్నారు. విల్లివక్కం, తిరుచిరాపల్లి, పుదుచ్చేరి, టీనగర్, కుడ్డలూర్ వంటి ప్రాంతాల్లో జరగాల్సిన సభలకు ఆయన స్వస్తి పలికారు. మరికొన్ని ముందస్తు షెడ్యూల్స్ కూడా రద్దయ్యాయి. దీనికి సంబంధించి పార్టీ నుంచి అధికారిక ప్రకటన రానప్పటికీ, విశ్వసనీయ వర్గాల సమాచారం ప్రకారం ప్రధానంగా మూడు కారణాలు కనిపిస్తున్నాయి.

ప్రభుత్వ ఆంక్షలు: 

అధికార యంత్రాంగం తమ ప్రచారానికి సరైన అనుమతులు ఇవ్వడం లేదని, కావాలనే అడ్డుకుంటోందని టీవీకే ప్రతినిధులు ఆరోపిస్తున్నారు. ర్యాలీలకు తక్కువ సమయం కేటాయించడం, భద్రతా ఏర్పాట్లలో నిర్లక్ష్యం వంటి అంశాలు విజయ్‌ను అసంతృప్తికి గురిచేశాయని తెలుస్తోంది.

భద్రతా పరమైన ఆందోళనలు:

గత ఏడాది కరూర్‌లో జరిగిన తొక్కిసలాట సంఘటనలో పలువురు ప్రాణాలు కోల్పోయారు. విజయ్(TVK President Vijay) క్రేజ్ దృష్ట్యా ఆయన సభలకు భారీగా జనం తరలివస్తారు. సరైన భద్రత లేని పక్షంలో మళ్ళీ అలాంటి అవాంఛనీయ సంఘటనలు జరగకూడదనే ముందుజాగ్రత్తతో ఆయన ఈ నిర్ణయం తీసుకున్నట్లు సమాచారం.

రవాణా ఇబ్బందులు: 

ప్రచార వాహనాల కదలికలు, రవాణా పరమైన సాంకేతిక సమస్యలు కూడా పర్యటనల రద్దుకు దారితీశాయి.

Also Read :  నేటి నుంచి టోల్ ప్లాజాల్లో కొత్త రూల్స్.. తేడా చేస్తే ఇక అంతే..

అభ్యర్థుల్లో ఆందోళన

టీవీకే పార్టీకి ప్రధాన ఆకర్షణ, బలమైన ఓటు బ్యాంక్ అంతా విజయ్ ఇమేజ్ పైనే ఆధారపడి ఉంది. పార్టీ అభ్యర్థులు తమ గెలుపు కోసం విజయ్ ప్రచారంపైనే గంపెడు ఆశలు పెట్టుకున్నారు. ఇలాంటి తరుణంలో స్టార్ క్యాంపెయినర్ అయిన అధినేతే రాకపోవడంతో పోటీలో ఉన్న నేతలు తీవ్ర ఇబ్బందులు ఎదుర్కొంటున్నారు. ప్రత్యర్థి పార్టీలు క్షేత్రస్థాయిలో బలంగా ప్రచారం చేస్తుంటే, తమ నాయకుడు వెనక్కి తగ్గడం తమ గెలుపు అవకాశాలను దెబ్బతీస్తుందేమోనని కార్యకర్తలు ఆందోళన చెందుతున్నారు.