Techie: వృత్తి జీవితంలో  ఉన్నత శిఖరాలకు చేరుకోవాలనే తపనతో  మూడేళ్ల పాటు రాత్రనక పగలనక కష్టపడిన ఓ యువకుడు.. తాను అనుకున్నది సాధించాడు. దాదాపు రూ. 8 కోట్లు ప్యాకేజీతో ఉద్యోగంలో పదోన్నత అందుకున్నాడు. కానీ, ఈ క్రమంలో తాను జీవితాన్ని కోల్పోయానని, సంతోషమే లేకుండా పోయిందని వాపోతున్నాడు. సోషల్‌ మీడియాలో ఓ సాఫ్ట్‌వేర్ ఇంజినీర్ పెట్టిన ఈ పోస్ట్ ప్రస్తుతం వైరల్ అవుతోంది.

Also Read: Hyderabad: హైదరాబాద్‌ వాసులకు బిగ్‌ అలర్ట్‌...ఆ ఏరియాల్లో తాగునీరు బంద్‌..ఎన్ని రోజుల పాటు అంటే!

 ‘కెరీర్‌లో ఉన్నత స్థానానికి చేరుకోడానికి నిరంతరం శ్రమించా.. ఎట్టకేలకు నా లక్ష్యం అందుకున్నా. రూ.7.8 కోట్ల ప్యాకేజీతో ప్రమోషన్ దక్కింది.. కానీ నాకు సంతోషంగా లేదు’ అని టెకీ పోస్టు పెట్టాడు. ఓ చేతితో ప్రమోషన్ లెటర్, మరో చేతితో విడాకుల నోటీసు అందుకున్నానంటూ తన బాధను వ్యక్తం చేశాడు.

Also Read: Madhavi Latha Vs JC Prabhakar Reddy: మాధవీలత బిగ్ ట్విస్ట్.. జేసీ ప్రభాకర్ రెడ్డికి బిగ్ షాక్

అయితే, తన పేరు, ఇతర వ్యక్తిగత వివరాలను అతడు చెప్పలేదు. మూడేళ్ల కిందట ఓ సంస్థలో తాను సీనియర్ లెవల్ ఎగ్జిక్యూటివ్‌గా చేరినట్టు మాత్రం చెప్పుకొచ్చాడు.  ప్రమోషన్ కోసం రోజుకు 14 గంటలు పనిచేశానని, ఉదయం 7 నుంచి రాత్రి 9 గంటల వరకు ఆఫీసు, మీటింగ్‌లతో బిజీబిజీగా ఉండే వాడినని తెలిపాడు. ఈ క్రమంలో తన భార్య ప్రసవ సమయంలో పక్కనే ఉండాల్సింది పోయి.. కనీసం పట్టించుకోలేదని అన్నాడు. 

తన కూతురు పుట్టిన సమయంలో పనిలో తలమునకలైపోయానని, ప్రసవం తర్వాత తన భార్య మానసికంగా ఒడిదొడకులను ఎదుర్కొందని వివరించాడు. అప్పుడు కూడా ఆమెకు అండగా నిలవలేకపోయానని చెప్పారు. భరోసా ఇవ్వాల్సిన తాను పనిలోనే మునిగిపోయానని, కౌన్సిలింగ్ కోసం వైద్యుడ్ని కలిసేందుకు ఆమె వెళితే తోడుగా వెళ్లలేకపోయానని వివరించాడు. బంధువులు, స్నేహితులను కలవడం మానేసి, కుటుంబంలో జరిగే శుభకార్యాలు, వేడుకలను త్యాగం చేసి ఉద్యోగానికే అంకితమయ్యానని తెలిపాడు. 

దీంతో తనకు ప్రమోషన్ వచ్చిందని, రూ.7.8 కోట్ల వార్షిక వేతనం అందుకోబోతున్నాను. మూడేళ్ల పాటు పడి కష్టానికి ఫలితం వచ్చిందని సంతోషంలో ఉన్న తనకు భార్య ఊహించని విధంగా విడాకులు నోటీసు పంపించి పెద్ద షాకిచ్చిందని తెలిపాడు. తనతో కలిసి ఉండేందుకు ఆమె ఇష్టపడటం లేదని, విడాకులు కావాలని కోరిందని అన్నాడు. దేని కోసమైతే మూడేళ్లు తాను కష్టపడ్డానో అదే తన వ్యక్తిగత జీవితంలో అలజడి రేపిందని అతడు వాపోతున్నాడు.

 ‘‘నా జీవితంలో నేను ఏమి చేస్తున్నానో అని నన్ను నేను ప్రశ్నించుకోకుండా ఉండలేకపోతున్నాను... కానీ ఈ లేఆఫ్‌ల తుఫాన్ల సమయంలో నా దగ్గర ఉన్నదానితో నేను సంతోషంగా ఉండాలి కదా? కానీ అలా ఎలా ఉండగలను?’ అని ఆవేదన చెందాడు. అయితే, ఈ పోస్టుపై నెటిజన్లు భిన్నంగా స్పందిస్తున్నారు. బిడ్డ పుట్టబోతుందని తెలిసీ ఆ క్షణాన్ని ఆస్వాదించకుండా విధులను పట్టుకుని వేలాడటం ఏంటి? అని విమర్శిస్తూ కామెంట్లు పెడుతున్నారు.

దీనిపై ఓ నెటిజన్ స్పందిస్తూ..

‘గతంలో నేను ఇలాంటి పరిస్థితే ఎదుర్కొన్నాను.. తన చుట్టూ ఉన్న విజేతలను చూస్తే అంతా శూన్యమని గ్రహించి దానిని నుంచి బయటపడ్డాను’’ అని అన్నాడు. కుటుంబానికే తొలి ప్రాధాన్యత ఇవ్వాలని, ఉద్యోగం, వ్యక్తిగత జీవితాన్ని సమన్వయం చేసుకుంటూ ముందుకెళ్లాలని సూచనలు చేస్తున్నారు.

Also Read: Indian illegal immigrants: మరో 119 మందితో అమెరికా నుంచి బయల్దేరిన విమానం..ఈ సారి ల్యాండింగ్‌ ఎక్కడంటే!

Also Read: Tamilanadu: ఒక్క నిమ్మకాయ అక్షరాలా రూ.6 లక్షలు.. అందులో ఏమంతా స్పెషల్‌ ఉందబ్బా!