/rtv/media/member_avatars/2024/11/28/2024-11-28t080743362z-dfsdsd.jpg )
/rtv/media/media_files/2026/05/18/bullet-train-2026-05-18-20-29-39.jpg)
First look of India's debut bullet train between Mumbai, Ahmedabad unveiled
Follow Us
భారత్లో ఎప్పటినుంచో ఎదురుచూస్తున్న ముంబయి-అహ్మదాబాద్ బుల్లెట్ రైలును అందుబాటులోకి తీసుకొచ్చేందుకు పనులు వేగంగా జరుగుతున్నాయి. ఇందులో భాగంగానే ఈ రెండు నగరాల మధ్య హైస్పీడ్ రైలుకు సంబంధించిన తొలి అధికారిక ఫొటోను రైల్వే మంత్రిత్వ శాఖ తాజాగా రిలీజ్ చేసింది. ఢిల్లీలోని రైల్వే శాఖ భవనం వద్ద సోమవారం ఈ బుల్లెట్ రైలు ఫొటోను తీశారు. ప్రస్తుతం ఇది సోషల్ మీడియాలో వైరల్ అవుతోంది.
B-28 India's first Indigenous Bullet Train which is under advance stage of manufacturing 🚆🇮🇳
— Vivek Singh (@VivekSi85847001) May 18, 2026
Max speed : 280kmph & operational speed : 250 kmph.
Render by Rail Ministry 👇 pic.twitter.com/qAnkkyQRLG
Also Read: ముస్లింలు రోడ్లపై నమాజ్ చేయొద్దు.. సీఎం యోగీ ఆదిత్యనాథ్ హెచ్చరిక
గంటకు దాదాపు 300 కిలోమీటర్ల గరిష్ట వేగంతో ప్రయాణించేలా ఈ రైలును రూపొందించారు. ఈ హైస్పీడ్ కారిడార్ పూర్తిగా అందుబాటులోకి వస్తే ముంబయి- అహ్మదాబాద్ నగరాల మధ్య ప్రయాణ సమయం గణనీయంగా తగ్గనుంది. ఈ రెండు పారిశ్రామిక నగరాల మధ్య ప్రయాణించేందుకు రైలు లేదా రోడ్డు మార్గంలో ప్రస్తుతం 7 గంటలకు పైగా సమయం పడుతోంది. బుల్లెట్ రైలు అందుబాటులోకి వస్తే 2 గంటల్లోనే ప్రయాణికులు తమ గమ్యస్థానానికి చేరుకోవచ్చు. ప్రాథమిక నమూనా ప్రకారం ఈ రైలులో 8 అడ్వాన్స్డ్ కోచ్లు ఉండనున్నాయి.
Also Read: రష్యాపై ఉక్రెయిన్ డ్రోన్ల వర్షం.. S-400 రక్షణ వ్యవస్థలపై భీకర దాడులు
ముంబయి-అహ్మదాబాద్ మధ్య నిర్మిస్తున్న ఈ ప్రత్యేక కారిడార్లో మొత్తంగా 12 స్టేషన్లను నిర్మిస్తున్నారు. ఇందులో సబర్మతి, అహ్మదాబాద్, ఆనంద్, వడోదర, భరూచ్, సూరత్, బిలిమోరా, వాపి, బోయిసర్, విరార్, థానే, అలాగే ముంబయి స్టేషన్లు ఉన్నాయి. ఈ భారీ ప్రాజెక్టును దశలవారీగా ప్రజలకు అందుబాటులోకి తీసుకొచ్చేందుకు కేంద్రం ప్రణాళికలు సిద్ధం చేసింది. తొలి దశలో భాగంగా గుజరాత్లోని సూరత్- బిలిమోరా మధ్య ఉన్న మొదటి 100 కిలోమీటర్ల మార్గాన్ని 2027 ఆగస్టు 15న స్వాతంత్య్ర దినోత్సవ కానుకగా ప్రారంభించాలని రైల్వే శాఖ భావిస్తోంది. ఈ ప్రాజెక్టు పూర్తి చేసేందుకు శరవేగంగా పనులు జరుగుతున్నట్లు రైల్వే అధికారులు చెబుతున్నారు.
This is the design of our country's 🇮🇳first bullet train.
— Bhakt Prahlad🚩 (@RakeshKishore_l) May 18, 2026
Should have been little more Saffron🚩 pic.twitter.com/fslfxhdrUb
