Ramadan Festival: దుబాయ్ లో 30న, ఇండియాలో 31 ఈద్..

రంజాన్ ఎప్పుడు జరుపుకోవాలనే సంశయం తీరి పోయింది. సౌదీ అరేబియాలో చంద్రుడు కనిపించిన దాని బట్టి అక్కడ ఈద్ ను ఎప్పుడు జరుపుకోవాలో నిర్ణయిస్తారు. ఆ లెక్క ప్రకారం సౌదీలో ఈరోజు చంద్రుడు కనిపించారు. అంటే అక్కడ మార్చి 30న అంటే రేపే ఈద్ ఉల్ ఫితర్ జరుపుకోనున్నారు. ఉదయం 6.30 గంటలకు సౌదీ మసీద్ అల్ హరామ్ లో ఈద్ ప్రార్ధనలు జరుగుతాయి. ఆ తర్వాతి రోజు అంటే మార్చి 31న ఇండియాలో రంజాన్ పండుగ సెలబ్రేట్ చేసుకోనున్నారు. 

సాగత్ ఈ మోదీ..

రంజాన్ పండుగ సందర్భంగా బీజేపీ కీలక నిర్ణయం తీసుకుంది. 'సాగత్ ఈ మోదీ' పేరుతో దేశవ్యాప్తంగా 32 లక్షల మంది పేద ముస్లింలకు పండగ కిట్లు అందించనుంది. అర్హులైన వారికి వీటిని రంజాన్ రోజున ఈ కిట్లు చేరేందుకు 32 వేల మంది బీజేపీ మోర్చా కార్యకర్తలు మసీదులతో సమన్వయం కానున్నారు. వీళ్లందరూ పేద ముస్లింలకు కిట్లు చేరవేసే బాధ్యత తీసుకోనున్నారు. బుధవారం ఢిల్లీలో బీజేపీ జాతీయ అధ్యక్షుడు జేపీ నడ్డా కిట్ల పంపిణీని ప్రారంభించనున్నారు. 
ఈ కిట్‌లో స్త్రీ, పురుషులకు వస్త్రాలు ఉంటాయి. అలాగే సేమియా, ఖర్జూర, ఎండు ఫలాలు, చక్కెర ఇతర వస్తువులు కూడా ఉంటాయి. మార్చి 31న రంజాన్‌ పండగ జరగనున్న సంగతి తెలిసిందే. ఈ నేపథ్యంలోనే మోదీ సర్కార్ ఈ నిర్ణయం తీసుకుంది. బీజేపీ మైనార్టీ వింగ్‌ నాయకత్వంతో దేశవ్యాప్తంగా ఈ కీట్లు పంపిణీ చేసే కార్యక్రమం ప్రారంభం కానుంది. ఈ సందర్భంగా బీజేపీ మైనార్డీ వింగ్ జాతీయ అధ్యక్షుడు జమల్ సిద్దిఖీ మాట్లాడారు.  

today-latest-news-in-telugu | ramadan | festival 

Also Read: MI VS GT: మళ్ళీ హిట్ మ్యాన్ సింగిల్ డిజిట్ కే అవుట్