AR Rahman: ప్రముఖ సంగీత దర్శకుడు, ఆస్కార్ విజేత ఏఆర్‌ రెహమాన్ తన భార్య సైరాభానుతో విడాకులు తీసుకుంటున్నాడనే విషయం చర్చనీయంశంగా మారింది. ఇదిలా ఉంటే ఇటీవలె ఆయన గుండెకు సంబంధించిన అనారోగ్యంతో ఆసుపత్రి పాలయ్యాడు. వరుసగా ఒత్తిడికి గురికావడం వల్లే ఆయన ఆరోగ్యం దెబ్బతిందని సన్నిహితులు చెబుతున్నారు. అయితే కొద్ది రోజుల క్రితం తన భార్య సైరా భానుతో విడిపోతున్నట్లు ఏఆర్ రెహ‌మాన్ ప్రకటించిన విషయం తెలిసిందే. 29 ఏళ్ల వైవాహిక జీవితానికి ఇద్దరూ పరస్పర అంగీకారంతో ముగింపు పలికామ‌ని చెప్పుకొచ్చారు. ముగ్గురు పిల్లలకు పెళ్లిళ్లు అయిపోయాక కూడా వీరు విడిపోవడం ఏంట‌ని చాలా మంది ముక్కున వేలేసుకున్నారు. అయితే ఆయ‌న సంగీత బృందంలో బాసిస్ట్ గా ఉన్న మోహిని డే అనే అమ్మాయి వల్లే  త‌న భార్య నుండి రెహ‌మాన్ విడిపోతున్నారనే ప్రచారం సాగుతోంది.

 ఇది కూడా చదవండి: Nagababu: ఇక నాగబాబు కేరాఫ్ పిఠాపురం.. అన్నకు కీలక బాధ్యతలు అప్పగించిన పవన్!

ఇదిలా ఉండగా, విడాకులపై రెహమాన్ భార్య సైరా భాను స్పందించింది.  రెహమాన్ బంగారం లాంటి వ్యక్తి అని, ఆయననేమీ అనొద్దని విజ్ఞప్తి చేశారు. గత కొన్ని నెలలుగా తాను ఆరోగ్యంగా లేనని, అందుకే రెహమాన్ నుంచి విడిపోవాలని నిర్ణయించుకున్నట్టు తెలిపారు. ఇక తాజాగా ఏఆర్ రెహమాన్ అస్వస్థతకు గురి కావ‌డంతో, ఆయ‌న‌ను చెన్నైలోని అపోలో ఆసుపత్రిలో చేరి, చికిత్స అందించారు. ఈ విషయమై ఆయ‌న భార్య సైరా భాను స్టేట్‌మెంట్ విడుద‌ల చేసింది. ఆయన త్వరగా కోలుకోవాలని ప్రార్థిస్తున్నానని, ఛాతి నొప్పి కారణంగా ఆయన ఆసుపత్రిలో చేరారని తెలిసింది. అల్లా దయతో ఆయన ఇప్పుడు ఆరోగ్యంగా ఉన్నారని తెలిసి సంతోషిస్తున్నాను అని పేర్కొంది.

ఇది కూడా చదవండి: Sharmila Vs Pawan: జనసేన పార్టీకి కొత్త పేరు పెట్టిన షర్మిల.. సంచలన ట్వీట్!

అయితే కొంద‌రు న‌న్ను రెహమాన్ మాజీ భార్య అంటున్నారు. అలా పిలవొద్దని సైరా బాను కోరారు. రెహమాన్, తాను ఇంకా విడిపోలేదని, భార్యాభర్తలుగానే ఉన్నామని వెల్లడించారు. తాము అధికారికంగా విడాకులు తీసుకోలేదు. ఇప్పటికీ భార్యాభర్తలుగానే కొనసాగుతున్నాము. గత రెండు సంవత్సరాలుగా తాను అనారోగ్యంతో బాధపడుతున్నందున ఆయనకు ఎక్కువ ఒత్తిడి కలిగించకూడదనే ఉద్దేశంతో దూరంగా ఉన్నట్టు చెప్పుకొచ్చింది. త‌న ప్రార్థనలు ఎప్పుడు రెహ‌మాన్‌తో ఉంటాయి. ఆయ‌న కుటుంబ స‌భ్యులు రెహ‌మాన్‌ని మంచిగా చూసుకోవాల‌ని సైరా కోరింది. 

Also Read: ప్రేమను పెద్దలు అంగీకరించరేమోనని..వారిద్దరూ ఏం చేశారంటే?