దసరా తర్వాత నాని చేసిన సినిమా హాయ్ నాన్న. ఈ సినిమాతో తండ్రి, కూతుళ్ళ అనుబంధాన్ని తెరపై చూపించడానికి సిద్ధం అవుతున్నాడు. ఇది డిసెంబర్ లో విడుదల కాబోతోంది. దీని షూటింగ్ ఆల్రెడీ అయిపోయి విడుదలకు సిద్ధం అవ్వడంతో వెంటనో మరో మూవీని పట్టాలెక్కించాడు నేచురల్ స్టార్. గ్యాప్ ఇవ్వకుండా వెంట వెంటనే మూవీస్ చేసుకుంటూ పోతున్నాడు. ఇప్పుడు వివేక్ ఆత్రేయ దర్శకత్వంలో పాన్ ఇండియా సినిమాని స్టార్ట్ చేశాడు. ఈరోజు ఈ మూవీ ఇంటరెస్టింగ్ గ్లింప్స్ తో పాటూ టైటిల్ ని కూడా ఎనౌన్స్ చేశారు. అలాగే కాన్సెప్ట్ ని కూడా ఈ గ్లింప్స్ తో చెప్పేశారు.

Also Read:హమాస్ దగ్గర రసాయన ఆయుధాలున్నాయి-ఇజ్రాయెల్ అధ్యక్షుడు

ప్రతి ఒక్కడికి ఒక రోజు వస్తుంది… ఆ రోజు కోసం వెయిట్ చేయాలి అని అందరూ చెప్పే సామెతని కాన్సెప్ట్ గా తీసుకొని సరిపోదా శనివారం మూవీని తెరకెక్కిస్తున్నట్లు అనిపిస్తోంది. సాయి కుమార్ వాయిస్ ఓవర్ తో స్టొరీ ఇంటెన్షన్ ని చెప్పించి ఓ షెడ్ లో చైన్ తో బంధించి ఉన్న నానిని చూపించారు. ఈ సినిమాలో హీరో ప్రతి వారం తనకంటూ ఒక రోజు వస్తుంది. అది శనివారం. ఆ శనివారం హీరో ఏం చేస్తాడు అనే యాంగిల్ లో నాని క్యారెక్టర్ ని ఎస్టాబ్లిష్ చేశారు. సరిపోదా శనివారం అనే టైటిల్ ని మూవీకి పెట్టినట్లు చూపించారు. నాని చైన్ ని బ్రేక్ చేసుకొని తన కోసం ఎదురుచూస్తున్న వారి కోసం ఆ షెడ్ లోంచి వస్తాడు. అతను రావడం చూసిన అందరూ సంతోషిస్తారు. గ్లింప్స్ చూస్తుంటే యాక్షన్ మూవీ ఎలివేషన్ అయితే ఇచ్చారు. కాని వివేక్ ఆత్రేయ అంటేనే జంద్యాల స్టైల్ లో సాగే ప్లెజెంట్ కామెడీతో ఉంటుందని గత మూడు సినిమాలు చూపించాయి. టైటిల్ చూస్తుంటే కూడా కాస్తా వెరైటీగా, సరదాగా ఉంది. ఈ మూవీలో ఎస్.జె.సూర్య విలన్ గా నటిస్తుండగా ప్రియాంకా ఆరుళ్ మోహన్ హీరోయిన్ గా చేస్తోంది. జేక్స్ బిజోయ్ దీనికి మ్యూజిక్ అందిస్తున్నాడు. డివివి దానయ్య భారీ బడ్జెట్ తో ఈ చిత్రాన్ని నిర్మిస్తున్నారు.