Vizag Steel Plant: వైజాగ్ స్టీల్‌ ప్లాంట్‌లో భారీ అగ్నిప్రమాదం..

విశాఖపట్నంలో శనివారం సాయంత్రం భారీ అగ్ని ప్రమాదం జరగడం కలకలం రేపింది. ఉక్కు కర్మాగారంలోని కోకోవెన్‌ విభాగంలో ఉన్న నాఫ్తలిన్‌ యూనిట్‌లో ఒక్కసారిగా మంటలు చెలరేగాయి. కార్మికులు వెల్డింగ్ పనులు చేస్తుండగా.. ఈ ప్రమాదం జరిగింది. దీంతో నాఫ్తలీన్ యూనిట్‌ దగ్ధమైపోయింది. అలాగే యంత్రాలు, విద్యుత్ పరికరాలు కూడా పూర్తిగా కాలిపోయాయి. ఈ అగ్నిప్రమాదం వల్ల భారీ ఆస్తి నష్టం జరిగినట్లు తెలుస్తోంది. సమాచారం మేరకు ఘటనాస్థలానికి చేరుకున్న అగ్నిమాపక సిబ్బంది మంటలను ఆర్పివేస్తున్నారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు.

Also Read: నింగిలోకి దూసుకెళ్లిన GSLV-F14 రాకెట్‌