🔴Live News: నిరుద్యోగులకు గుడ్‌న్యూస్- JNTUలో జాబ్ మేళా.. రూ.6 లక్షల వరకు జీతం!

కూకట్ పల్లి జేఎన్టీయూ గుడ్ న్యూస్ చెప్పింది. జేఎన్టీయూ యూనివర్సిటీలో మార్చి 1వ తేదీన మెగా జాబ్ మేళా నిర్వహించనుంది. దీని ద్వారా వెయ్యికి పైగా జాబ్స్ దక్కనున్నాయి. జాబ్స్‌కు సెలెక్ట్ అయితే రూ.1.08 లక్షల నుంచి రూ.6 లక్షల వరకు ప్యాకేజీ అందుకోవచ్చు.

నల్గొండ జిల్లా పంటపొలంలో నోట్ల కట్టలు కలకలం రేపాయి. బొత్తలపాలెం వద్ద ఓ రైతు పొలంలో రూ.500 నోట్లతో కూడిన 50 కట్టలు దర్శమిచ్చాయి. పోలీసులకు సమాచారం అందించగా వాటిని పరిశీలించిన సీఐ వీరబాబు ‘చిల్డ్రన్‌ బ్యాంక్‌ ఆఫ్‌ ఇండియా’ నకిలీ నోట్లుగా తెలిపారు. 

భాగ్యనగరం మరోసారి తన ఘనత చాటుకుంది. భారత పురావస్తు శాఖ విడుదల చేసిన దేశంలోనే అత్యధిక పర్యాటకులు సందర్శించిన చారిత్రక ప్రదేశాల జాబితాలో గోల్కొండ కోట (6), చార్మినార్‌ (10) చోటు దక్కించుకున్నాయి. తాజ్‌మహల్‌ అగ్రస్థానంలో నిలిచింది.

అన్నమయ్య జిల్లా రైల్వే కొండూరులో తీవ్ర విషాదం చోటుచేసుకుంది. దేవాలయానికి వెళ్తున్న భక్తులను ఏనుగులు తొక్కి చంపాయి. ఓబులవారిపల్లి గ్రామం సమీపంలోని నీలకంఠేశ్వర ఆలయానికి వెళ్తుండగా వైకోట అటవి ప్రాంతంలో ఏనుగులు వారిపై దాడి చేశాయి.

కేరళలోని తిరువనంతపురంలో అఫాన్ (23) కుటుంబసభ్యులందరినీ కిరాతకంగా హత్య చేసి పోలీస్ స్టేషన్‌లో లొంగిపోయాడు. అఫాన్ అతని తమ్ముడు, అమ్మమ్మ, అత్త, మామ, గర్ల్ ఫ్రెండ్‌ లను హత్య చేశాడు. తల్లిపై దాడి చేయగా.. ఆమె హాస్పిటల్‌లో చికిత్స తీసుకుంటుంది.

పల్నాడుకు చెందిన 31ఏళ్ల నాగరాజు 13ఏళ్ల బాలికను లోబర్చుకుని ఇద్దరు పిల్లల తల్లిని చేశాడు. బాలిక తల్లిదండ్రుల మిస్సింగ్ ఫిర్యాదుతో పోలీసులు ఆమెను పట్టుకున్నారు. కోపంతో నాగరాజు అమ్మాయిలు కావాలంటే ఈ నంబర్‌కు ఫోన్ చేయండి అంటూ ట్రైన్ బోగీలపై బాలిక నంబర్ రాశాడు.

విజయవాడ వ్యభిచారం కేసులో తన వీడియోలు విడుదల చేసిన పోలీసులపై వైసీపీ నేత శంకర్ నాయక్  ఆగ్రహం వ్యక్తం చేసినట్లు తెలుస్తోంది. 'పోలీసులు తీరు వల్ల నా కుటుంబం రోడ్డున పడింది. నా భార్య సూసైడ్ చేసుకుంటానంటోంది. మీ అంతు చూస్తా' అని వార్నింగ్ ఇచ్చినట్లు సమాచారం.