యెమెన్, జిబౌటి తీర ప్రాంతాల మధ్య  విషాదం చోటుచేసుకుంది. వలసదారులతో వెళ్తున్న నాలుగు పడవలు నడిసముద్రంలో మునిగిపోయాయి. ఈ విషాద ఘటనలో ఇద్దరు మృతి చెందారు. మరో 186 మంది గల్లంతయ్యారు. ఇంటర్నేషనల్ ఆర్గనైజేషన్ ఫర్ మైగ్రేషన్ (IOM) మీడియాకు తెలిపింది. వీళ్లందరూ పొట్టకూటి కోసం తమ సొంత దేశం విడిచి గల్ఫ్ దేశాల వైపు వెళ్తున్న వలసదారులే. ప్రస్తుతం గల్లంతైన 186 మంది కోసం సహాయక బృందాలు గాలిస్తున్నాయి. 

Also Read: అమెరికా కోర్టులో రాణాకు ఎదురు దెబ్బ.. ముంబై ఉగ్రదాడి కేసులో ఇండియా రావాల్సిందే

ఇథియోపియా ప్రజలు తమ దేశంలో ఘర్షణకు దూరంగా ఉండాలని గల్ఫ్ దేశాలకు ఉపాధి కోసం వెళ్తుంటారు. ఇందుకోసం వాళ్లు ఈ సముద్రమార్గాన్ని ఎంచుకుంటారు. ఇది చాలా ప్రమాదకరమైన వలస మార్గం. అయితే ఇక్కడ ఇలాంటి ప్రమాదం జరగడం ఇదే మొదటిసారి కాదు. రెండు నెలల క్రితమే ఓ ప్రమాదం జరిగింది. 

Also Read: ఇదెక్కడి అరాచకం.. బట్టలు విప్పి విమానంలో రచ్చ రచ్చ చేసిన మహిళ.. వీడియో చూశారా?

జనవరిలో యెమెన్‌ తీరంలో వలసదారులతో వెళ్తున్న ఓ పడవ మునిగిపోయింది. ఇందులో 20 మంది ఇథియోపియా ప్రజలు ప్రాణాలు కోల్పోయారు. గత ఏడాదిలో కూడా యెమెన్‌లో విషాదం చోటుచేసుకుంది. వలసదారులతో వెళ్తున్న పడవ బోల్తా పడటంతో 49 మంది మృతి చెందారు. 140 మంది గల్లంతయ్యారు. గల్ఫ్ ఆఫ్‌ అడెన్ గుండా వెళ్తుండగా ఈ ప్రమాదం జరిగింది. . ఇంటర్నేషనల్ ఆర్గనైజేషన్ ఫర్ మైగ్రేషన్ దీనికి సంబంధించి ఓ కీలక విషయం చెప్పింది. 2024లో ఈ సముద్ర మార్గంలో 558 మంది ప్రాణాలు కోల్పోయినట్లు పేర్కొంది. 

Also Read: ''మ్యాథ్స్‌ ఇస్లాం ద్వారా వచ్చింది''.. మరో వివాదంలో షామా మొహమ్మద్

Also Read: సచివాలయంలో కాంట్రాక్టర్ల మెరుపు ధర్నా.. ఊహించని పరిణామంతో భట్టి జంప్!