🔴Live Breakings: స్టార్ షిప్ ఎఫెక్ట్.. 240 విమానాల రాకపోకలకు అంతరాయం

రైల్వేశాఖ కీలక నిర్ణయం తీసుకుంది. హైదరాబాద్, సికింద్రాబాద్‌ స్టేషన్ల నుంచి బయల్దేరే రెండు ఎక్స్‌ప్రెస్‌ రైళ్ల ప్రారంభ స్థానాన్ని చర్లపల్లికి మార్చింది. అలాగే చర్లపల్లి నుంచి దానాపూర్, ముజఫర్‌పూర్, కాకినాడ, నర్సాపూర్‌లకు ట్రైన్లు నడుపుతున్నట్లు తెలిపింది.

ఎలాన్ మస్క్ కు చెందిన స్టార్ షిప్ నిన్న కూలిపోయింది. వరుసగా ఇది ఎనిమిదవ ప్రయోగం. అయితే నిన్న కూలిన రాకెట్ శకలాలు ఫ్లోరిడా, బహమాస్ లలో పడ్డాయి. దీనివలన నిన్న, ఈరోజు కలిపి మొత్తం 240 విమానాల రాకపోకలకు అంతరాయం కలిగింది. 

చంద్రయాన్ 3 మిషన్ చంద్రుడిపై తాజా వాతావరణ పరిస్థితులను అధ్యాయనం చేసి డేటా పంపింది. డేటా ప్రకారం చంద్రుడిపై అంచనాలను మించి మంచు, నీరు ఉందని సైంటిస్టులు భావిస్తున్నారు. మూన్‌పై పెద్ద ఎత్తున ఉష్ణోగ్రతల్లో వేరియేషన్ ఉందని సైంటిస్టులు చెబుతున్నారు.

సిరియా తీరప్రాంతాల్లో జరిగిన ఘర్షణల్లో 200 మందికి పైగా మరణించారు. ఇది అసద్ గ్రూపునకు, ప్రభుత్వ దళాలకు చెందిన హయత్ తహ్రీర్ అల్-షామ్ నేతృత్వంలోని గ్యాంగ్ చేసిన ఘోరమైన దాడిగా పేర్కొంటున్నారు.

Read More : https://rtvlive.com/international/revenge-attacks-on-assad-group-in-syria-8832683

ఇందిరమ్మ ఇళ్ళ మంత్రి పొంగులేటి శ్రీనివాస్ శుభవార్త చెప్పారు. మరో వారం రోజుల్లో ప్రతీ నియోజకవర్గంలో 3500 ఇందిరమ్మ ఇళ్ళు ఇచ్చే కార్యక్రమం చేపడతామని చెప్పారు.  అర్హులైన వారిని ఎంపిక చేసి..పనులు మొదలుపెడతామని తెలిపారు.

ఎర్రవల్లి ఫామ్‌హౌస్ మీటింగ్‌కు వెళ్లిన ఎమ్మెల్యే సబితా ఇంద్రారెడ్డి అస్వస్థత చెందారు. సమావేశం అనంతరం తిరిగివస్తుండగా ఆమె అస్వస్థతకు గురైయ్యారు. వెంటనే ఆమెను హాస్పిటల్‌లో చేర్పించారు. ఫుడ్ పాయిజన్ వల్లే ఆమెకు ఇలా అయ్యిందని డాక్టర్లు తెలిపారు.

Also Read : https://rtvlive.com/telangana/mla-sabitha-indra-reddy-falls-ill-after-attending-a-meeting-at-erravalli-farmhouse-8832675

కర్ణాటక రాష్ట్రంలో దారుణం జరిగింది. కొప్పళ జిల్లా గంగావతిలో ఇతర రాష్ట్రాలు, విదేశాలకు చెందిన పర్యాటకులపై దుండగులు దాడి చేసి తుంగభద్ర ఎడమ కాలువలోకి తోసేశారు. ఈ ప్రమాదంలో ఇద్దరు టూరిస్టులు ఈదుకుంటూ ఒడ్డుకు రాగా.. మరొకరు గల్లంతయ్యారు.