అమెరికాలో ట్రంప్ ప్రభుత్వం రోజురోజుకూ మితిమీరిన రూల్స్ ను పెడుతోంది. తాజాగా మరో స్ట్రిక్ట్ రూల్ ను అమల్లోకి తీసుకువచ్చింది. దీని ప్రకారం అమెరికా వచ్చిన ఏ దేశస్థుడు అయినా తమ వీసాలు లేదా గ్రీన్ కార్డులను 24 గంటలు తమ వద్దనే ఉంచుకోవాలని చెప్పింది. ఈ నియమం ఏప్రిల్ 11 నుంచి అమల్లోకి వచ్చింది. అమెరికా ప్రజలను రక్షించడమే లక్ష్యంగా పెట్టుకున్న అధ్యక్షుడు ట్రంప్  ఈ నిర్ణయాన్ని తీసుకువచ్చారని చెబుతున్నారు. ఈ వివాదాస్పద నిర్ణయానికి అమెరికా కోర్టు కూడా అనుమతి ఇచ్చింది. ఈ కొత్త రూల్ ప్రకారం అమెరికాలో అక్రమంగా నివసిస్తున్న వలసదారులు ప్రభుత్వంలో నమోదు చేసుకోవాలి మరియు వారి వద్ద పత్రాలను ఉంచుకోవాలి. 

అమెరికాలో అక్రమవలసదారులను అరికట్టడానికి ట్రంప్ ప్రభుత్వం మరో నిర్ణయం తీసుకుంది. దీని గురించి ముందుగా ఏమీ చెప్పలేదు కానీ నిర్ణయాన్ని మాత్రం అమల్లో పెట్టేసింది. అమెరికాలో చట్టాలా ప్రకారం దేశంలోకి అడుగు పెట్టిన ప్రతీవారు తప్పనిసరిగా రిజిస్టర్ చేసుకోవాలి. కానీ ఇంతకు ముందు అంతా ఈ రూల్ ను కఠినంగా అమలు చేయకపోవడం వలన చాలా మంది వలసదారులు వచ్చేశారని అధికారులు చెబుతున్నారు. ఇప్పుడు దానిని అరికట్టడానికే రిజిస్ట్రేషన్  ప్రక్రియను తప్పనిసరి చేయడమే కాకుండా..పత్రాలను కూడా వెంట తీసుకెళ్ళాలని చెబుతున్నామని వివరించారు.  అయితే ఈ కొత్త నియమం అమెరికాలో చట్టవిరుద్ధంగా లేదా నకిలీ పత్రాలతో నివసిస్తున్న వారిని మాత్రమే ప్రభావితం చేస్తుంది. దీంతో పాటూ 14 ఏళ్లు పైబడిన వారు మరియు 30 రోజులు లేదా అంతకంటే ఎక్కువ కాలం అమెరికాలో ఉన్నవారు, ఫారం G-325R నింపడం ద్వారా ప్రభుత్వంలో తప్పనిసరిగా నమోదు చేసుకోవాలి. 14 సంవత్సరాల కంటే తక్కువ వయస్సు ఉంటే, అతని/ఆమె తల్లిదండ్రులు అతని/ఆమెను నమోదు చేసుకోవాలి. అలా చేయకపోతే జరిమానా లేదా జైలు శిక్ష అనుభవించాల్సి ఉంటుంది. 

H-1B వీసా మరియు గ్రీన్ కార్డ్ హోల్డర్లకు ..

అయితే, H-1B వర్క్ వీసా, స్టూడెంట్ వీసా (F1 మొదలైనవి) లేదా గ్రీన్ కార్డ్ వంటి చెల్లుబాటు అయ్యే వీసా ఉన్నవారు మళ్ళీ ఫారమ్ G-325R నింపాల్సిన అవసరం లేదు. వారు ఇప్పటికే రిజిస్టర్ చేయబడి ఉంటారు కనుక ఈ రిజిస్టర్ ప్రక్రియ వారికి మినహాయించబడింది. అయితే, వారు తమ చెల్లుబాటు అయ్యే పత్రాలను (వీసా, పాస్‌పోర్ట్, I-94, గ్రీన్ కార్డ్ మొదలైనవి) ఎల్లప్పుడూ తమ వద్ద ఉంచుకోవాలి మరియు US ప్రభుత్వ అధికారులు కోరినప్పుడల్లా ఈ పత్రాలను సమర్పించాలి. 

today-latest-news-in-telugu | usa | new-rule | h1b visa

Also Read: TS: సలేశ్వరానికి వేలల్లో భక్తులు..శ్రీశైలం హైవేపై ట్రాఫిక్ జామ్