Salaar-2:సలార్-1 సూపర్ డూపర్ హిట్ అయింది. యాక్ష‌న్ ఎంట‌ర్ టైన‌ర్ ప్రేక్ష‌కుల‌కు బిగ్ ట్రీట్ లా నిలిచింది. సీజ్ ఫైర్ టార్గెట్ 1000 కోట్లు పెట్టుకున్నా 700 కోట్ల వ‌సూళ్ళతో స‌త్తా చాటింది. ఓటీటీలో కూడా ఈ సినిమా దుమ్ము లేపుతోంది. దీని తర్వాత సలార్-2 శౌర్యాంగ పర్వానికి రెడీ అయిపోయారు డైరెక్టర్ ప్రశాంత్ నీల్ అండ్ టీమ్. స‌లార్ -2 ఇంకా బాగుంటుం ద‌ని..అస‌లైన ఆర్మీ అందులో ఉంటుంద‌ని డార్లింగ్ ప్రభాస్ హింట్ కూడా ఇచ్చాడు. ఇప్పుడు ఈ సినిమా గురించి మరో క్రేజీ న్యూస్ బయటకు వచ్చింది. ఈ పతిష్టాత్మక ప్రాజెక్టులో ప్రభాస్ ప్రాణ స్నేమితుడు కూడా జాయిన్ అవుతున్నాడన్నదే ఆ వార్త.

Also Read:Varanasi:మూడు దశాబ్దాల తర్వాత జ్ఞానవాపిలో హిందువుల పూజలు

సలార్-2 లో గోపీ చంద్...

ప్రభాస్, హీరో గోపీ చంద్ మంచి స్నేహితులు. సినిమాల్లోకి రాక ముందు నుంచే వీళ్ళిద్దరూ ఫ్రెండ్స్. అలాగే వీళ్ళిద్దరికీ సూపర్ మిట్ పడింది కూడా ఒక సినిమా వల్లనే. అయితే అందులో ఒక‌రు హీరో అయితే మ‌రోక‌రు విల‌న్ అయ్యారు. అదే వ‌ర్షం సినిమా. ఈ సినిమా అప్పట్లో ఎంత గొప్ప విజ‌యం సాధించిందో అందరికీ తెలిసిందే. త‌ర్వాత మ‌ళ్లీ ఆ కాంబినేష‌న్ లో సినిమా రాలేదు. ఇప్పుడు మళ్ళీ వీరిద్దరూ కలిసి వెండితెర మీద కనిపించబోతున్నారని వార్త ఫిల్మ్‌నగర్‌లో హాట్ టాపిక్ అయింది.

ఇది డార్లింగ్ ఐడియానే...

సలార్-2లో గోపీ చంద్ నటిస్తున్నాడని చెబుతున్నారు. దాని కోసం కథలో అవసరమైన మార్పులుకూడా చేస్తున్నారని చెబుతున్నారు. సినిమాలో ఓ కీల‌క మైన పాత్రలో మ్యాచో స్టార్ గోపీచంద్ ని కూడా తీసుకుంటున్నారని అంటున్నారు. అయితే ఎలాంటి పాత్ర కి తీసుకుంటున్నారు. అది ఎలా ఉండబోతోంది అన్నది మాత్రం బయటకు రాలేదు. ఇప్పుడు కూడా గోపీచంద్‌ ప్రభాస్‌కు ఆపోజిట్‌లో విలన్‌గా నటిస్తాడా లేదా సలార్‌లో ప్రబాస్ టీమ్ అయిన శౌర్యాంగుల్లో కీలక పాత్రా అన్నది క్లారిటీ లేదు గానీ గోపీచంద్ తో ఓ పాత్ర చేయించాలి అన్న ఐడియా మాత్రం డార్లింగ్ ఇచ్చిన‌ట్లే వినిపిస్తుంది.

గోపీచంద్‌కు మంచి ఛాన్స్...

ప్రభాస్ ప్రపోజల్‌కు హీరో గోపిచంద్‌ ఒప్పుకున్నాడో లేదో తెలియదు. ఒప్పుకుంటే మాత్రం ఇది గోపీచంద్‌కు నిజంగానే మంచి ఛాన్స్ అవుతుంది. ఎందుకంటే ఇప్పటివ‌ర‌కూ గోపీచంద్ పాన్ ఇండియా సినిమా చేయ‌లేదు. రీజ‌న‌ల్ మార్కెట్ లోనూ ఆయ‌న డిమాండ్ వీక్ గానే ఉంది. ఈ నేప‌థ్యంలో సలార్ సినిమా గోపీ చంద్‌కు మంచి హెల్ప్ అవుతుంది. ఇది దృష్టిలో పెట్టుకునే ప్రభాస్‌ కూడా అతన్ని ప్రపోజ్ చేశాడేమో అని అంటోంది ఫిల్మ్ సర్కిల్.