2008 జైపూర్ వరుస బాంబు పేలుళ్ల కేసులో జైపూర్ స్పెషల్ కోర్టు మంగళవారం ఫైనల్ తీర్పు వెల్లడించింది. నలుగురు దోషులకు జీవిత ఖైదు శిక్ష విధించింది. నలుగురు దోషులు, సర్వర్ అజ్మీ, షాబాజ్, సైఫర్ రెహమాన్ మరియు మహ్మద్ సైఫ్‌లను ఏప్రిల్ 4న కోర్టు ఐపిసిలోని వివిధ సెక్షన్లు, చట్టవిరుద్ధ కార్యకలాపాల చట్టం, పేలుడు పదార్థాల చట్టం కింద దోషులుగా నిర్ధారించింది. 2008 మే 13న చాంద్‌పోల్‌లో పేలుడు పదార్థాలను అమర్చిన కేసు ఇది. ఈ కేసులో కోర్టు 600 పేజీల తీర్పును వెలువరించింది. ప్రభుత్వం 112 ఆధారాలు, 1192 పత్రాలు, 102 వ్యాసాలు మరియు 125 పేజీల లిఖిత వాదనలను సమర్పించింది.

#WATCH | Rajasthan: A special court in Jaipur awards life imprisonment to all four accused - Shahbaz Hussain, Sarwar Azmi, Mohammad Saif, and Saifur Rahman in the 2008 Jaipur serial bomb blast.

(Visuals from Special Court in Jaipur) https://t.co/TuYDre8FBu pic.twitter.com/ufaE26l03E

— ANI (@ANI) April 8, 2025

జైపూర్‌లో 2008 మే 13న ఎనిమిది వరుస పేలుళ్లు జరిగాయి. సాయంత్రం జరిగిన పేలుళ్లలో 71 మంది మరణించగా, 185 మంది గాయపడ్డారు. రామచంద్ర ఆలయం సమీపంలో ఒక లైవ్ బాంబును స్వాధీనం చేసుకున్నారు, దానిని బాంబు డిస్పోజల్ స్క్వాడ్ నిర్వీర్యం చేసింది. తొమ్మిదవ బాంబు చాంద్‌పోల్ బజార్‌లోని గెస్ట్ హౌస్ సమీపంలో కనుగొనబడింది. చాంద్‌పోల్ లో అమర్చిన బాంబ్‌ను పేలడానికి 15 నిమిషాల ముందు దానిని నిర్వీర్యం చేశారు. ఈ కేసులో సర్వర్ అజ్మీ, మహ్మద్ సైఫ్, సైఫుర్రహ్మాన్ మరియు షాబాజ్‌లను దోషులుగా నిర్ధారించిన కోర్టు మంగళవారం వారికి జీవిత ఖైదు విధించింది.

అలాగే ఇదే రోజు (మంగళవారం) హైదరాబాద్ దిల్‌సుఖ్‌నగర్ బాంబు పేలుళ్ల కేసులో తెలంగాణ హైకోర్టు కూడా తీర్పు వెల్లడించింది. పేలుళ్లకు పాల్పడిన ఐదుగురికి ఉరిశిక్ష ఖరారు చేసింది. NIA ప్రత్యేక కోర్టు తీర్పును హైకోర్టు సమర్థించింది. అక్తర్, జియా ఉర్ రహమాన్, తహసీన్ అక్తర్, యాసిన్ భత్కల్, అజాజ్‌ షేక్‌కు ఉరిశిక్ష విధించింది.