గ్లోబల్ స్టార్ రామ్ చరణ్ హీరోగా నటిస్తున్న తాజా చిత్రం 'గేమ్ ఛేంజర్'. సెన్షేషనల్ డైరెక్టర్ శంకర్ దర్శకత్వంలో తెరకెక్కిన ఈ సినిమా  సంక్రాంతి సందర్భంగా జనవరి 10న ప్రేక్షకుల ముందుకు రానుంది. ఈ నేపథ్యంలో, గురువారం మూవీ ట్రైలర్‌ను విడుదల చేశారు. 

రామ్ చరణ్ ద్విపాత్రాభినయం చేసిన ఈ ట్రైలర్ యాక్షన్ సన్నివేశాలతో ప్రేక్షకులను ఆకట్టుకుంది. సినిమా మీద ఉన్న అంచనాలు ఈ ట్రైలర్ విడుదలతో మరింత పెరిగాయి. ట్రైలర్ లాంచ్ ఈవెంట్‌లో ప్రముఖ దర్శకుడు రాజమౌళి ముఖ్య అతిథిగా పాల్గొని సందడి చేశారు.

“If no pandemic hits, then #SSMB29 will release within 1 1/2 year”
- #RamCharan at #GameChanger trailer launch event#MaheshBabu pic.twitter.com/iH3AvRp9lc

— VardhanDHFM (@_VardhanDHFM_) January 2, 2025

Also Read : యూట్యూబ్ లో దుమ్ములేపుతున్న జాతర సాంగ్.. ఫుల్ వీడియో చూశారా?

 ఏడాదిన్నర లోపే..

అయితే ఈ కార్యక్రమంలో యాంకర్ సుమ రాజమౌళి సమక్షంలో రామ్ చరణ్‌ను..' మహేశ్ బాబు - రాజమౌళి ప్రాజెక్ట్ ఎప్పుడు విడుదల అవుతుందో చెప్పగలరా?' అని ప్రశ్నించింది. దీనికి రామ్ చరణ్ నవ్వుతూ. "మళ్లీ కోవిడ్ లాంటి పరిస్థితులు వస్తే ఆలస్యం అయ్యే అవకాశం ఉంది, కానీ ఇప్పుడది లేదుగా... అందుకే ఈ సినిమా ఏడాదిన్నరలోపు విడుదలవుతుంది" అని చెప్పాడు. 

దీనికి వెంటనే రాజమౌళి స్పందిస్తూ, "చరణ్‌కు బాగా ట్రైనింగ్ ఇచ్చాను, అందుకే ఇలా చెబుతున్నాడు," అని సరదాగా వ్యాఖ్యానించారు. ప్రస్తుతం ఇందుకు సంబంధించిన వీడియో సోషల్ మీడియాలో వైరల్‌గా మారింది. దీన్ని చూసిన మహేష్ ఫ్యాన్స్..' చరణ్ అన్న చెప్పినట్లు ఈ ప్రాజెక్ట్ ఏడాదిన్నరలోపు రిలీజ్ అయితే బాగుంటుందని'.. ఆశాభావం వ్యక్తం చేస్తున్నారు.

Also Read : అల్లు అర్జున్ అరెస్ట్ పై ఎట్టకేలకు నోరు విప్పిన జానీ మాస్టర్.. ఏం చెప్పారంటే?