SSMB 29.. అందరి చూపు ఈ సినిమా పైనే ఉంది. ఇద్దరూ స్టార్లు కావడంతో ఎప్పుడుడెప్పుడు ఈ సినిమా ప్రారంభం అవుతుందా? అని ఓ వైపు మహేశ్ ఫ్యాన్స్, మరోవైపు రాజమౌళి ఫ్యాన్స్ కళ్లు కాయలు కాచేలా ఎదురుచూస్తున్నారు. వంద కాదు.. రెండు వందలు కాదు.. ఏకంగా వెయ్యి కోట్ల భారీ బడ్జెట్‌తో ఈ సినిమా తెరకెక్కనుంది. 

Also Read: కొత్త సంవత్సర వేళ..పేరు మార్చుకున్న మస్క్‌..ఎంత వింతగా ఉందో చూడండి!

దర్శకుడు రాజమౌళి ఈ చిత్రాన్ని నేషనల్ రేంజ్‌లో కాకుండా గ్లోబల్ రేంజ్‌లో అడ్వెంచర్ యాక్షన్ మూవీగా తెరకెక్కించబోతున్నాడు. దీంతో ఈ SSMB 29 చిత్రం ఎప్పుడు మొదలవుతుందా? అనే ఆసక్తి విపరీతంగా ఉంది. ఆర్ఆర్ఆర్‌ను ప్రపంచ స్థాయికి తీసుకెళ్లిన రాజమౌళి ఇప్పుడు మహేశ్ బాబు SSMB 29 చిత్రంతో ఇంకెన్ని రికార్డులు క్రియేట్ చేస్తారో అని ఉత్కంఠగా ఎదురుచూస్తున్నారు. 

అయితే ఈ చిత్రాన్ని అనౌన్స్ చేసి దాదాపు రెండేళ్లు గడుస్తుంది. కానీ ఇప్పటి వరకు ఎలాంటి అప్డేట్ లేదు. అసలు ఈ సినిమా మొదలవుతుందా?.. మొదలైతే ఎప్పుడు మొదలవుతుంది అని అంతా చర్చించుకుంటున్నారు. ఈ నేపథ్యంలో ఓ అప్డేట్ ఫ్యాన్స్‌లో సరికొత్త ఉత్సాహాన్ని నింపింది. 

Also Read: గతాన్ని మర్చిపోయి నన్ను క్షమించండి.. సీఎం వేడుకోలు!

రేపే గ్రాండ్ లాంచ్

ఈ సినిమా లాంచ్‌కు డేట్ ఫిక్స్ అయినట్లు తెలుస్తోంది. రేపు (జనవరి 2)న ఈ చిత్రం గ్రాండ్ లెవెల్లో లాంచ్ అవుతుందని సమాచారం. ఉదయం పూజాకార్యక్రమాలతో ఈ సినిమా లాంఛనంగా ప్రారంభం అవుతుందని టాక్ గట్టిగా వినిపిస్తోంది. ప్రస్తుతం ఇదే వార్త నెట్టింట హాట్ టాపిక్‌గా మారింది. అయితే దీనిపై మూవీ టీం నుంచి అఫీషియల్ అనౌన్స్‌మెంట్ రావాల్సిఉంది. 

Also Read: రాబోయే 5 రోజులు జర భద్రం.. వాతావరణ శాఖ హెచ్చరికలు

మరోవైపు ఇంటర్నేషనల్ యాక్షన్- అడ్వెంచర్ గా రాబోతున్న ఈ భారీ బడ్జెట్ సినిమాలో మహేష్ బాబు సరసన ప్రియాంక చోప్రాను హీరోయిన్ గా తీసుకున్నారు. అయితే ఆ విషయాన్ని ఇంకా అధికారికంగా ప్రకటించలేదు. ఈ చిత్రాన్ని భారతదేశం, అమెరికా, ఆఫ్రికన్ అటవీ ప్రాంతాల్లో షూటింగ్ చేయబోతున్నారు. 2026 చివరి వరకు ఈ సినిమా షూటింగ్ ఉంటుందని సమాచారం.

2027లో ఈ సినిమాను భారీ ఎత్తున విడుదల చేయాలని రాజమౌళి ప్లాన్ చేస్తున్నాడు. ఇంకా చెప్పాలంటే, హాలీవుడ్ సినిమాలతో పోటీగా ఈ చిత్రాన్ని విడుదల చేయాలనేది అతడి ప్లాన్. అందుకే ఇప్పట్నుంచే డిస్నీ, సోనీ లాంటి సంస్థలతో చర్చలు జరుపుతున్నాడు. ఇప్పటికే అంతర్జాతీయ స్థాయికి ఎదిగిన ప్రియాంక చోప్రాను ఈ ప్రాజెక్టులోకి తీసుకోవడం మేకర్స్ కు కలిసొచ్చే అంశం.