Sharmila: అదానీ అవినీతి కేసులో మోదీ, చంద్రబాబుపై ఏపీసీసీ షర్మిల సంచలన కామెంట్స్ చేశారు. అదానీ దోపిడిగురించి ఇంత జరుగుతున్న ఎందుకు మౌనం వీడట్లేదని ప్రశ్నించారు. అదానీ-జగన్ రూ.1750 కోట్ల ముడుపులపై వెంటనే ఏసీబీ దర్యాప్తు జరిపించాలని డిమాండ్ చేశారు. ఈ మేరకు ACB కార్యాలయం వద్ద పంజరంతో వినూత్నంగా నిరసన తెలిపిన షర్మిల.. వ్యవస్థను కూటమి ప్రభుత్వం పంజరంలో పెట్టిందని విమర్శలు గుప్పించారు. అనాడు అదానీ డీల్ పై కోర్టును ఆశ్రయించిన టీడీపీ ఇప్పుడెందుకు మౌనం పాటిస్తోందని ప్రశ్నించారు. 

ఏసీబీ చంద్రబాబు పంజరంలో ఉంది .. ఇకనైనా దానికి విముక్తినిచ్చి ఎంక్వయిరీ వేసి అదానీ డీల్ కాన్సల్ చేయండి.. -వైఎస్ షర్మిల @realyssharmila @ncbn @ysjagan #TDP #YSRCP #RTV pic.twitter.com/JSyWEGrAwO

— RTV (@RTVnewsnetwork) December 5, 2024

అధికారం చేతుల్లో పెట్టుకొని ఏం చేస్తున్నారు..

అదానీపై అమెరికాలో దర్యాప్తు జరుగుతుంది. సోలార్ పవర్ డీల్ లో జగన్ కు రూ.1750 కోట్లు ముడుపులు ఇచ్చారని వెల్లడైంది. ఈ విషయాన్ని అమెరికా FBI వెల్లడించింది. ఆధారాలు కూడా బయట పెట్టింది. ఇంత జరుగుతుంటే మన దర్యాప్తు సంస్థలు నిద్ర పోతున్నాయా? ఇంత అవినీతి జరిగితే మన రాష్ట్రంలో దర్యాప్తు సంస్థలు ఎందుకు బయటపెట్టలేదు? 2021లో ప్రతిపక్షంలో ఉన్న TDP ఈ సోలార్ డీల్ పై హైకోర్టులో పిటీషన్ కూడా వేశారు. ఇదొక కుంభకోణం అని ఇప్పటి ఆర్థిక మంత్రి పయ్యావుల కేశవ్ ఆరోపణలు చేశారు. రాష్ట్ర ప్రజలపై లక్ష కోట్ల ఆర్థిక భారం అని ఆరోపణ చేశారు. అదానీ డీల్ వెనుక అవినీతి జరిగిందని తెలుసు. ఇప్పుడు మీరే అధికారంలో ఉన్నారు. కోర్టు కేసు వేసిన పయ్యావుల మంత్రిగా ఉన్నారు. అధికారం చేతుల్లో పెట్టుకొని ఏం చేస్తున్నారంటూ కూటమి ప్రభుత్వంపై మండిపడ్డారు. 

అదానీ బీజేపీ మనిషి.. మోదీ మనిషి..

అలాగే జగన్, చంద్రబాబుకు నష్టమేమి లేకపోయినా రాష్ట్ర ప్రజలు ఇబ్బందిపడుతున్నారని చెప్పారు. అదానీతో 25 ఏళ్ల ఒప్పందం అంటే రాష్ట్రం నెత్తిన అధికార భారం పడుతుందన్నారు. ఒకప్పుడు సోలార్ పవర్ యూనిట్ కు 10 రూపాయలు ఉండేదని, ఇప్పుడు యూనిట్ ధర 1.99 పైసలకు తగ్గిందని చెప్పారు. రేపు 50 పైసలకే తగ్గొచ్చు. సోలార్ పవర్ రెట్లు తగ్గుంటుంటే.. మీరు ఎలా 25 ఏళ్లకు అగ్రిమెంట్ చేశారు. 2.49 పైసలకు కొని రాష్ట్రం నెత్తిన లక్ష కోట్ల భారం ఎందుకు భారం మోపారు. చంద్రబాబును అడుగుతున్నాం.. అదానీ మీద మీరు చర్యలు ఎందుకు తీసుకోవడం లేదని. అదానీ అనే పేరు కూడా ఎందుకు ఉచ్ఛరించడం లేదు? అదానీ బీజేపీ మనిషి.. మోదీ మనిషి. బీజేపీతో మీకు అలయెన్స్ ఉంది. అందుకే మీరు అదానీకి, మోదీకి బయపడుతున్నారంటూ సంచలన వ్యాఖ్యలు చేశారు.

ఇది కూడా చదవండి: పాఠశాలల్లో మధ్యాహ్న భోజనం ఇష్యూ.. ప్రభుత్వానికి హైకోర్టు కీలక ఆదేశాలు!

రాహుల్ గాంధీ సైతం పార్లమెంట్ లో పోరాటం చేస్తున్నారని చెప్పిన షర్మిల.. మోదీ ఎందుకు నోరు విప్పడం లేదని అడిగారు. మొత్తం దర్యాప్తు సంస్థలను గుప్పిట్లో పెట్టుకున్నారని, అమెరికా దర్యాప్తు సంస్థలు చెప్తే కానీ అవినీతి బయటకు రాలేదని అన్నారు. ఈ అవినీతి బయట పెట్టని CBI చేతకానిదా? మోదీ చేతకాని వాడా? అంటూ ఘాటు వ్యాఖ్యలు చేశారు. స్వయం ప్రతిపత్తి గల సంస్థ ACBనీ బంది చేశారు. పంజరంలో చిలక మాదిరిగా బంధించారు. వెంటనే ఏసీబీని విడుదల చేయండి. ఏసీబీ ప్రజల కోసం ఉన్న సంస్థ. ఈ లంచాల వ్యవహారాన్ని ఏసీబీ బయట పెట్టాలి. ఇప్పటికే రాష్ట్రం నెత్తిన విద్యుత్ చార్జీల భారం మోపారు. ఈ డీల్ వల్ల 1.50 లక్షల కోట్ల భారం పడుతుంది. చంద్రబాబు మీ రాజకీయ ప్రయోజనాలు పక్కన పెట్టండి. జగన్ తన సొంత ప్రయోజనం కోసం డీల్ చేస్తున్నారు.  ఆయనకు మీకు తేడా లేదు.  ప్రజలు కూటమి నీ నమ్మి రాత్రి 9 గంటల దాకా లైన్లో నిలబడి ఓట్లు వేశారు. ప్రజల నమ్మకాన్ని నిలబెట్టండి అంటూ ఆమె మండిపడ్డారు.

.