Sharmila : ఇక కాస్కోండి తమ్ముళ్లు... షర్మిల రాజకీయ పోరాట యాత్ర వైపే అందరిచూపు..!

Sharmila Political Yatra Starts : మాజీ సీఎం, తండ్రి వైఎస్ రాజశేఖర్ రెడ్డి పాదయాత్ర ముగింపు ప్రదేశమైన ఇచ్ఛాపురం నుంచి ప్రారంభమయ్యే షర్మిల(YS Sharmila) రాజకీయ యాత్రకు శ్రీకాకుళం(Srikakulam) జిల్లా సిద్ధమైంది. ఏపీసీసీ కొత్త అధ్యక్షురాలు షర్మిల ఉత్తరాంధ్ర జిల్లాల్లోని పార్టీ నేతలు, కార్యకర్తలతో సమీక్షా సమావేశాలు నిర్వహించనున్నారు. ఆమె సోదరుడు, ప్రస్తుతం సీఎం జగన్(CM Jagan) ఇచ్ఛాపురం నుంచి ఓదార్పు యాత్రను ప్రారంభించి, పదేళ్లలోనే సీఎం అయ్యి విజయం సాధించారు.

షర్మిల చేపట్టిన రాజకీయ పోరాట యాత్ర ఇచ్ఛాపురం(Ichchapuram) పట్టణం నుంచి ప్రారంభమై ఏపీ వ్యాప్తంగా సాగనుంది. ఏపీసీసీ(APCC) కొత్త చీఫ్ మంగళవారం ఇచ్ఛాపురం, పార్వతీపురం, విజయనగరంలో సమీక్షా సమావేశాలు నిర్వహించనున్నారు. పదేళ్ల తర్వాత తొలిసారిగా జిల్లాకు వస్తున్న షర్మిల.. జగన్‌ జైలులో ఉన్నప్పుడు పాదయాత్ర చేశారు. ఉదయం 7.30 గంటలకు వైజాగ్‌ నుంచి శ్రీకాకుళం జిల్లా రణస్థలం చేరుకుకుంటారు. వైఎస్‌ రాజశేఖరరెడ్డి విజయ స్థూపానికి నివాళులు అర్పిస్తారు. తర్వాత ఏర్పాటు చేసిన సభలో ఆమె ప్రజలనుద్దేశించి ప్రసంగిస్తారు. ప్రతిరోజు మూడు జిల్లాల్లో పర్యటించి జనవరి 31 నాటికి షర్మిల రాజకీయ యాత్ర ముగియనుంది.

జగన్‌ కూడా ఇక్కడ నుంచే:
సెప్టెంబరు 2009లో నాటి ముఖ్యమంత్రి వైఎస్ రాజశేఖర్ రెడ్డి(YS Rajasekhara Reddy) మరణవార్త విని షాక్‌తో మరణించిన వారి కుటుంబాలను ఓదార్చేందుకు వైఎస్ జగన్ మోహన్ రెడ్డి శ్రీకాకుళం జిల్లా ఇచ్ఛాపురం పట్టణం నుంచి ఓదార్పు యాత్రను ప్రారంభించారు. ఓదార్పు యాత్ర విజయవంతంగా కొనసాగింది. యాత్రతో సానుకూల ఫలితాలు సాధించి, నాలుగేళ్లలోనే రాష్ట్రంలో బలమైన ప్రతిపక్ష నేతగా ఎదిగారు. 2019లో జగన్‌ సీఎం అయ్యారు. అంతకు ముందు మెగస్టార్‌ చిరంజీవి తన సొంత రాజకీయ పార్టీ ప్రజారాజ్యం పార్టీని స్థాపించి యాత్ర చేపట్టింది కూడా శ్రీకాకుళం నుంచే. చిరంజీవి 2008 అక్టోబర్‌లో ఉత్తర కోస్తాలోని శ్రీకాకుళం జిల్లా నుంచి ప్రజా చైతన్య యాత్ర అనే ప్రజా సంపర్క కార్యక్రమం నిర్వహించారు.

Also Read: అంగన్వాడీలతో ప్రభుత్వ చర్చలు సఫలం.. జీతాల పెంపు ఎప్పుడంటే?

WATCH: