RCB vs CSK: టీ20 క్రికెట్‌లో విరాట్ పేరిట చారిత్రక రికార్డు..తొలి భారతీయుడిగా మ‌రో ఘ‌న‌త‌..!

RCB vs CSK:  రాయల్ ఛాలెంజర్స్ బెంగళూరు మాజీ కెప్టెన్ విరాట్ కోహ్లీ టీ20 క్రికెట్‌లో చరిత్ర సృష్టించాడు. ఐపీఎల్ 2024 మొదటి మ్యాచ్‎లో బెంగుళూరు -చెన్నై సూపర్ కింగ్స్ జట్లు తలపడ్డాయి. ఈ మ్యాచ్‌లో తొలి ఇన్నింగ్స్‌లో విరాట్ కోహ్లీ ఇంతకు ముందు ఏ భారత బ్యాట్స్‌మెన్ చేయలేని ఘనతను సాధించాడు. చెన్నై సూపర్ కింగ్స్‌తో జరుగుతున్న మ్యాచ్‌లో విరాట్ కోహ్లి 6 పరుగులు చేసి తన పేరిట ఓ పెద్ద రికార్డు సృష్టించాడు. కోహ్లీ టీ20 క్రికెట్‌లో 12000 పరుగులు పూర్తి చేశాడు (అంతర్జాతీయ + డొమెస్టిక్ T20 + ఫ్రాంచైజ్ లీగ్). ఇంతకు ముందు టీ20 క్రికెట్‌లో కేవలం 5 మంది బ్యాట్స్‌మెన్ మాత్రమే 12000 పరుగులను అధిగమించగలిగారు. అదే సమయంలో భారత్‌ నుంచి ఇంతకు ముందు ఏ బ్యాట్స్‌మెన్ ఈ ఘనత సాధించలేదు.

టీ20లో అత్యధిక పరుగులు చేసిన బ్యాట్స్‌మెన్ :

క్రిస్ గేల్ - 14,562 పరుగులు
షోయబ్ మాలిక్ - 13360 పరుగులు
కీరన్ పొలార్డ్ - 12900 పరుగులు
అలెక్స్ హేల్స్ - 12319 పరుగులు
డేవిడ్ వార్నర్ - 12065 పరుగులు
విరాట్ కోహ్లీ - 12000+ పరుగులు

అతి తక్కువ ఇన్నింగ్స్‌లలో 12000 టీ20 పరుగులు చేసిన ఆటగాళ్లు :
345 ఇన్నింగ్స్‌లు - క్రిస్ గేల్
360 ఇన్నింగ్స్‌లు - విరాట్ కోహ్లీ
368 ఇన్నింగ్స్‌లు - డేవిడ్ వార్నర్
432 ఇన్నింగ్స్‌లు - అలెక్స్ హేల్స్
451 ఇన్నింగ్స్‌లు - షోయబ్ మాలిక్
550 ఇన్నింగ్స్‌లు - కీరన్ పొలార్డ్

సీఎస్కేపై 1000 పరుగులు పూర్తి:
ఈ ఇన్నింగ్స్‌లో విరాట్ కోహ్లీ 15 పరుగులు పూర్తి చేసిన వెంటనే, చెన్నై సూపర్ కింగ్స్‌పై 1000 పరుగులు కూడా పూర్తి చేశాడు. ఇంతకుముందు చెన్నై సూపర్ కింగ్స్‌పై శిఖర్ ధావన్ మాత్రమే 1000 పరుగులు సాధించగలిగాడు.

ఇది కూడా చదవండి:  గ్రాండ్‎గా ఐపీఎల్​ ఓపెనింగ్ సెర్మనీ..స్పెషల్ అట్రాక్షన్‎గా బాలీవుడ్ సెలబ్రిటీలు..