Mahakumbh Mela 2025: పాపం.. మోనాలిసాకు టార్చర్.. వీడియోలు వైరల్!

Monalisa: ఉత్తర ప్రదేశ్ ప్రయాగ్ రాజ్ లో కుంభమేళా ఉత్సవం ఘనంగా జరుగుతోంది. ప్రపంచనలుమూల నుంచి కోట్లాది భక్తులు త్రివేణి సంగమం వద్దకు చేరుకుంటున్నారు. ఈ క్రమంలో కుంభమేళలో పూసలు అమ్ముకునే ఓ యువతి సోషల్ మీడియాలో వైరల్ గా మారింది.  నెటిజన్లు ముద్దుగా ‘బ్రౌన్ బ్యూటీ’ అని  పిలుచుకుంటున్న ఈ అమ్మాయి పేరు మోనాలిసా భోస్లే. నీలి రంగు కళ్లతో పూసలు దండలు అమ్ముకుంటున్న ఈ అమ్మాయి.. కుంభమేళాకు వచ్చిన వారిని ఆకర్షించింది. అయితే ఈ అమ్మాయికి సంబంధించిన వీడియో ఒకటి అనుకోకుండా  వైరల్ కావడంతో.. సోషల్ మీడియాలో ఓవర్‌నైట్ సెన్షేషన్‌గా మారింది. వీడియో ఏకంగా 15 మిలియన్ల వ్యూస్ సొంతం చేసుకుంది. 

Also Read: Bigg Boss: ఫ్యాన్స్ కి షాక్! ఇకపై బిగ్ బాస్ కి కొత్త హోస్ట్.. షోకు గుడ్ బై చెబుతూ హీరో పోస్ట్!

సెల్ఫీలతో టార్చర్.. 

దీంతో కుంభమేళాకు వచ్చిన నెటిజన్లు, యూట్యూబర్లు ఆమెను వెతుక్కుంటూ వెళ్లి ఫొటోలు, వీడియోలు తీసుకుంటున్నారు.  వ్యాపారం చేసుకోనివ్వకుండా  జనం సెల్ఫీల కోసం ఎగబడడం కుటుంబ సభ్యులకు ఇబ్బందిగా మారింది. ఆమెను కాపాడుకునేందుకు కుటుంబ సభ్యులు నానా ఇబ్బందులు పడుతున్నారు. కొంతమంది మాత్రమే ఆమె విక్రయించే దండలు కొంటూ, ఎక్కువమంది ఆమెతో సెల్ఫీలు, వీడియోలు తీసుకునేందుకే ప్రాధాన్యం ఇస్తున్నారు.  ఇందుకు సంబంధించిన వీడియోలు సోషల్ మీడియాలో వైరల్ అవుతున్నాయి. ఇది చూసిన కొందరు నెటిజన్లు..  ''బ‌త‌కుదెరువు కోసం వస్తే.. ఇలా చేస్తారా? పేదింటి బిడ్డ‌పై ఈ అరాచ‌కం ఏంటి?'' అంటూ కామెంట్లు పెడుతున్నారు. ఇలా జనాలు గుమిగూడి సెల్ఫీల కోసం ఎగబడడంతో వారి వ్యాపారం బాగా దెబ్బతిందట. దీంతో మోనాలిసను ఆమె తండ్రి ఇంటికి పంపించారట.

కుంభ‌మేళ‌లో పూస‌ల‌మ్మే మోనాలిసాపై దాష్టీకం

కుంభ‌మేళ కంటే ఇప్పుడు మోనాలిసాపైనే జ‌నాలు ఫోక‌స్

కుటుంబ స‌భ్యుల‌కు ఇబ్బందిగా మారిన కొంద‌రి భ‌క్తుల తీరు

ఫోటోలు తీసుకునేందుకు ఎగ‌బ‌డుతున్న యువ‌కులు

యువ‌తిని కాపాడుకునేందుకు నానా తంటాలు ప‌డుతున్న ఫ్యామిలీ

ఆమె ఫోటోలు వైర‌ల్ చేసిన… pic.twitter.com/SNyg6urAQo

— Pulse News (@PulseNewsTelugu) January 21, 2025