Maharaja : ఓటీటీలో అదరగొడుతున్న విజయ్ సేతుపతి.. నెట్ ఫ్లిక్స్ లో'మహారాజ' రేర్ ఫీట్!

Vijay Sethupathi's Maharaja: సౌత్ స్టార్ విజయ్ సేతుపతి నటించిన లేటెస్ట్ మూవీ 'మహారాజ'. జూన్ 14న విడుదలైన ఈ యాక్షన్ థ్రిల్లర్ ప్రేక్షకులను విపరీతంగా ఆకట్టుకుంది. బాక్స్ ఆఫీస్ వద్ద బంపర్ వసూళ్లను రాబట్టింది. 25 రోజుల థియేట్రికల్ రన్ విజయవంతంగా పూర్తి చేసుకున్నఈ సినిమా ఇటీవలే ఓటీటీలోకి వచ్చింది.

ఇక్కడ కూడా ఈ మూవీకి భారీ ఆదరణ దక్కుతోంది. జులై 12 న నెట్ ఫ్లిక్స్ లో (NETFLIX) స్ట్రీమింగ్ కు అందుబాటులోకి వచ్చిన ఈ సినిమా గ్లోబల్‌ చార్ట్స్‌లో (జులై 8-14 మధ్యలో) నాలుగో స్థానంలో నిలిచింది. ఇటీవల కాలంలో ఇది రేర్ రికార్డ్ అనే చెప్పాలి. ప్రస్తుతం నెట్‌ఫ్లిక్స్‌లో స్ట్రీమింగ్‌ అవుతున్న మహారాజ అన్ని వెర్షన్లలో రికార్డ్స్‌ సృష్టిస్తూ ఇండియాలో మొదటి నుంచి నంబర్ వన్‌ స్థానంలో ట్రెండింగ్‌లో నిలుస్తోంది.

Also Read : నేను రెడీ, ఆయన రెడీనా.. పాన్ ఇండియా హీరోతో సినిమాపై కృష్ణవంశీ రియాక్షన్!

సినిమా కథ ఏమిటంటే...

ఒక సెలూన్ షాప్ నడుపుతున్న మహారాజ (విజయ్ సేతుపతి) చుట్టూ తిరుగుతుంది ఈ కథ. మహారాజ తన లక్ష్మి పోయిందంటూ పోలీసులకు ఫిర్యాదు చేస్తాడు. ఇంతకీ ఆ లక్ష్మి ఎవరు..? విజయసేతుపతికి ఆ లక్ష్మికి సంబంధమేంటి..? ఆ లక్ష్మి ఎక్కడికి వెళ్ళింది..? లక్ష్మి కోసం విజయ్ సేతుపతి ఏం చేశాడు..? అనేది స్టోరీలో చూపించారు. నితిలన్ స్వామినాథన్‌ దర్శకత్వం వహించిన ఈ చిత్రంలో అనురాగ్ కశ్యప్, మమతా మోహన్ దాస్, నట్టి నటరాజ్, అభిరామి, అరుల్ దాస్, మునిష్కాంత్, బాయ్స్ మణికందన్, సింగం పులి, భారతీరాజా, వినోద్ సాగర్, పిఎల్ తేనప్పన్ తదితరులు కీలక పాత్రలు పోషించారు.