బహుళ ప్రాజెక్టులకు కేంద్ర క్యాబినెట్ ఆమోదం

భారత ప్రధాని అధ్యక్షతన కేబినెట్ సమావేశం నిర్వహించారు. ఈ సమావేశంలో విశ్వకర్మ యోజన, రైల్వేలు, ఈ-బస్ సర్వీస్ లకు సంబంధించిన ఏడు బహుళ-ట్రాకింగ్ ప్రాజెక్టులు ఆమోదించబడ్డాయి. దేశవ్యాప్తంగా 100 నగరాల్లో ఈ-బస్సు ట్రయల్‌ను నిర్వహిస్తామని కేబినేట్‌లో వెల్లడించారు. దీంతో పాటు డిజిటల్ ఇండియా కార్యక్రమం విస్తరణను పరిగణలోకి తీసుకొని ఈ సమావేశంలో ఆమోదించారు.

కేంద్రమంత్రి అనురాగ్ ఠాకూర్ వెల్లడి

#WATCH | During a briefing on Union Cabinet decisions, Union Minsiter Anurag Thakur says "PM E-Bus Seva has been given approval. Rs 57,613 crores will be spent on this. Around 10,000 new electric buses will be provided across the country" pic.twitter.com/op6EqBgAZZ

— ANI (@ANI) August 16, 2023

కేంద్ర మంత్రి అనురాగ్ ఠాకూర్ ఈ-బస్ సర్వీస్ కోసం రూ.57,613 కోట్లు ఖర్చు చేయనున్నట్లు తెలిపారు. ఇందులో కేంద్రప్రభుత్వం రూ.20 వేల కోట్లు ఇవ్వనున్నట్లు తెలిపారు. ఈ పథకం కింద దేశవ్యాప్తంగా దాదాపు 10వేల కొత్త ఎలక్ట్రిక్ బస్సులు అందుబాటులోకి రానున్నాయని పేర్కొన్నారు. మూడు లక్షలు అంతకంటే ఎక్కువ జనాభా ఉన్న నగరాలు ఈ పథకం పరిధిలోకి వస్తాయని అనురాగ్ ఠాకూర్ చెప్పారు. ఇది పబ్లిక్ ప్రైవేట్ పార్టనర్‌షిప్ (PPP)మోడల్‌లో నిర్వహించబడుతుంది. ఈ పథకం పదేళ్ల పాటు బస్సు కార్యకలాపాలకు సపోర్ట్‌గా ఉండనుంది.

విశ్వకర్మ పథకం కింద 13వేల కోట్లు

ప్రధాని నరేంద్ర మోదీ స్వాతంత్య్ర దినోత్సవ ప్రసంగంలో చేతి వృత్తిదారులకు విశ్వకర్మ పథకాన్ని ప్రకటించారని కేంద్ర ఐటీ శాఖ మంత్రి అశ్విని వైష్ణవ్ తెలిపారు. 13వేల కోట్ల విశ్వకర్మ పథకానికి మంత్రివర్గం ఆమోదం తెలిపింది. ఈ పథకం ద్వారా 30 లక్షల మంది కళాకారుల కుటుంబాలకు లబ్ధి చేకూరనుంది. ఈ పథకం కింద చేతివృత్తిదారులకు 5 శాతం వడ్డీకి రూ.లక్ష వరకు రుణాలు అందజేస్తామని వైష్ణవ్ తెలిపారు. దీని పూర్తి పేరు ‘PM విశ్వకర్మ కౌశల్ సమ్మాన్ యోజన’ లేదా ‘PM వికాస్ యోజన’, ‘విశ్వకర్మ యోజన’ ప్రధాని మోదీ పుట్టిన రోజైన 17 సెప్టెంబర్ 2023న విశ్వకర్మ పూజ సందర్భంగా ప్రారంభించబడుతుంది. షెడ్యూల్డ్ కులాలు, షెడ్యూల్డ్ తెగలు, వెనుకబడిన తరగతులు, మహిళలు, బలహీన వర్గాలు ఈ పథకం ద్వారా ప్రయోజనం పొందుతారు. వడ్రంగులు, స్వర్ణకారులు, శిల్పులు, కుమ్మరులు మొదలైనవారు దీని నుండి ప్రత్యక్ష ప్రయోజనం పొందుతారు. దీని ద్వారా హస్తకళాకారుల ఉత్పత్తులు, సేవల నాణ్యతను పెంచాలని, దేశీయ, ప్రపంచ మార్కెట్‌తో వాటిని అనుసంధానించాలని ప్రభుత్వం నిర్ణయించుకుంది.

రూ.14,903 కోట్లతో డిజిటల్ ఇండియా

దీనితో పాటు రూ.14,903 కోట్లతో డిజిటల్ ఇండియా కార్యక్రమాన్ని విస్తరించేందుకు మంత్రివర్గం ఆమోదం తెలిపింది. డీజీ లాకర్ ప్రస్తుతం పౌరులకు మాత్రమే అందుబాటులో ఉంది. ప్రస్తుతం 400 మిలియన్లకు పైగా కస్టమర్లను కలిగి ఉంది. త్వరలో MSMEల కోసం DigiLocker కొత్త యాప్ ప్రారంభించబడుతుంది.

రైల్వే లైన్ల అప్‌గ్రేడేషన్‌కు రూ.32,500 కోట్లు 

భారతీయ రైల్వేకు చెందిన ఏడు బహుళ ట్రాకింగ్ ప్రాజెక్టులకు కేంద్ర మంత్రివర్గం ఆమోదం తెలిపింది. ఈ ప్రాజెక్టులు కొత్త రైల్వే లైన్ల ఏర్పాటు, లైన్ల అప్‌గ్రేడేషన్‌కు రూ.32,500 కోట్లు కేటాయించారు. రూ.4,195 కోట్లతో దేశంలోని 508 రైల్వే స్టేషన్ల పునరుద్ధరణ కూడా ఇందులో ఉంది. వీటిలో హర్యానాలోని 16 స్టేషన్లను రూ.608 కోట్లతో అభివృద్ధి చేయనున్నారు. ఆమోదించబడిన ప్రాజెక్టుల ద్వారా, భారతదేశంలోని ప్రస్తుత రైల్వే నెట్‌వర్క్‌కు 2,339 కి.మీ లైన్ పెరగబోతుంది.