తన ఎత్తు కారణంగా ఆర్టీసీ బస్సులో కండక్టర్ జాబ్ చేయడానికి ఇబ్బంది పడుతున్న అమీన్‌ అహ్మద్‌ అన్సారీ గురించి సోషల్ మీడియాలో వైరల్ గా మారిన సంగతి తెలిసిందే. చాంద్రాయణగుట్ట షాహీనగర్‌లో నివాసం ఉంటున్న అహ్మద్‌ అన్సారీ మెహిదీపట్నం డిపోలో కండక్టర్‌గా పనిచేస్తున్నాడు. కాచిగూడ డిపోలో హెడ్‌కానిస్టేబుల్‌గా పనిచేసే అమీన్‌ అహ్మద్‌ తండ్రి అనారోగ్యం కారణంగా 2021లో మరణించగా కారుణ్య నియామకం కింద ఇంటర్‌ పూర్తిచేసిన అన్సారీకి మెహిదీపట్నం ఆర్టీసీ డిపోలో కండక్టర్‌గా ఉద్యోగం వచ్చింది.

 అయితే అతను  తన ఎత్తు కారణంగా డ్యూటీలో ఇబ్బందులు ఎదురుకుంటూ మెడ, వెన్నునొప్పి, నిద్రలేమితో ఆసుపత్రుల చుట్టూ తిరగాల్సి వస్తోంది. బస్సుల్లో రోజూ సగటున ఐదు ట్రిప్పుల్లో 10గంటల వరకు ప్రయాణించాల్సి వస్తోందని అహ్మద్‌ అన్సారీ వాపోతున్నాడు.  అయితే అహ్మద్‌ అన్సారీ సమస్యపై రవాణా శాఖ మంత్రి పొన్నం ప్రభాకర్ స్పందించారు. 

ఆర్టీసీలోనే మరేదైనా ఉద్యోగం

ఇది సీఎం రేవంత్ రెడ్డి దృష్టికి వచ్చిందని..  అతడికి ఆర్టీసీలోనే మరేదైనా ఉద్యోగం ఇచ్చేలా చూడాలని ఆర్టీసీ ఎండీ సజ్జనార్ కు సూచించామని తెలిపారు. త్వరలోనే సజ్జనార్ అహ్మద్‌ అన్సారీకి వేరే డిపార్ట్  మెంట్ కు బదిలీ చేస్తారని మంత్రి పొన్నం వెల్లడించారు.  

పొన్నం ప్రభాకర్ అలా చెప్పారు అంట సార్..
త్వరలో పోస్ట్ మారుస్తాం అని కండక్టర్ కి మాట ఇచ్చారు అంట

— నామ్ హై కిరీకాంత్ (@IAmSrikanth_Ind) April 6, 2025

Also read : Weather Alert: తెలుగు రాష్ట్రాలకు అలెర్ట్.. 5 రోజులపాటు భారీ వర్షాలు