వైసీపీ ఎంపీ గోరంట్ల మాధవ్ మరోసారి వివాదాస్పద వ్యాఖ్యలు చేసి వార్తల్లో నిలిచారు. 'చంద్రబాబు ఏపీలో నిన్న మొన్నటి వరకు బస్సు యాత్రలు నిర్వహించాడు.. ఇప్పుడు జైలు యాత్ర చేస్తున్నాడు.. ఆయన బయటకు వచ్చేది లేదు. ఒకవేళ వచ్చినా 2024 ఎన్నికలకు ముందే చస్తాడు.' అని ఆయన షాకింగ్ కామెంట్ చేశారు.
చంద్రబాబు అరెస్టును ఖండిస్తూ నారా భువనేశ్వరి చేపట్టిన నిజం గెలవాలి యాత్ర నేటి నుంచి ప్రారంభం కానుంది. చంద్రబాబు అరెస్టును తట్టుకోలేక మరణించిన వారి కుటుంబ సభ్యులను భువనేశ్వరి పరామర్శించనున్నారు. చంద్రగిరి, తిరుపతి, శ్రీకాళహస్తిలో మూడు రోజుల పాటు ఈ యాత్ర కొనసాగనుంది.
రాజమండ్రిలోని జేఏసీ సమావేశం అనంతరం జనసేన చీఫ్ పవన్ కళ్యాణ్ కీలక వ్యాఖ్యలు చేశారు. మరో వారం, పది రోజుల్లో ఉమ్మడి కార్యాచరణతో ప్రజల ముందుకు వస్తామని తెలిపారు. టీడీపీ-జనసేన ఎలా ముందుకెళ్లాలి అనే అంశంపై, ఉమ్మడి ప్రణాళికపై లోతుగా చర్చించామని.. అలాగే ఉమ్మడి మేనిఫెస్టోపై కూడా దాదాపు 3గంటలసేపు చర్చించామని పేర్కొన్నారు. వైసీపీ అరచకానికి జనసేన-టీడీపీ ప్రభుత్వమే విరుగుడు అంటూ వ్యాఖ్యానించారు. బీజేపీ నాయకత్వం కూడా మాతో కలిసి రావడానికి సానుకూలంగా ఉందని.. ఎట్టి పరిస్థితుల్లో ప్రజా వ్యతిరేక ఓటు చీలనీవ్వమని స్పష్టం చేశారు.
రాజమండ్రి హోటల్ మంజీరాలో భేటీ కానున్న టీడీపీ జనసేన సంయుక్త కార్యాచరణ కమిటీ. మధ్యాహ్నం మూడు గంటలకు సమావేశం ప్రారంభం కానుంది. సమావేశంలో జనసేన అధినేత పవన్, టీడీపీ ప్రధాన కార్యదర్శి లోకేష్ పాల్గొననున్నారు.
చంద్రబాబు ప్రజల మనిషని, ఎల్లప్పుడూ జనాల కోసమే పని చేశారని అన్నారు టీడీపీ జాతీయ ప్రధాన కార్యదర్శి నారా లోకేశ్. ఈరోజు జరిగిన టీడీపీ విస్తృత స్థాయి సమావేశంలో తన తండ్రి గురించి చెబుతూ లోకేశ్ కంటతడి పెట్టుకున్నారు. వైసీపీ ప్రభుత్వం, నేతలు తనను, తన తల్లిని, భార్యను రోడ్డున పడేశారని మండిపడ్డారు.
ములాఖత్ ను పెంచాలని చంద్రబాబు వేసిన పిటిషన్ను ఏసీబీ కోర్టు తిరస్కరించింది. ప్రతివాదుల పేర్లు చేర్చకపోవడంతో ఇప్పుడు విచారణ అవసరం లేదని పిటీషన్ ఏసీబీ కోర్టు జడ్జి చెప్పారు. దాంతో పాటూ స్కిల్ డెవలప్మెంట్ కేసులో చంద్ర బాబు వేసిన క్వాష్ పిటిషన్ తీర్పు వచ్చే నెల అంటే నవంబర్ 8కు సుప్రీంకోర్టు వాయిదా వేసింది. అలాగే ఫైబర్ నెట్ కేసులో ముందస్తు బెయిల్ పిటిషన్ పై వాదనలు నవంబరు 9 న వింటామని ధర్మాసనం చెప్పింది.
చంద్రబాబు జైల్లో ఉన్నప్పటికీ..టీడీపీకి నాయకత్వ లోటు ఏమి ఉండదని, రానున్న రోజుల్లో చంద్రబాబు భార్య నారా భువనేశ్వరి, లోకేష్ భార్య బ్రహ్మణి కూడా రాజకీయాల్లోకి వచ్చే అవకాశాలున్నాయని హరిరామ జోగయ్య పేర్కొన్నారు.
రాజమహేంద్రవరంలో వైసీపీ ప్రభుత్వంపై టీడీపీ నేతలు నిప్పులు చెరిగారు. చంద్రబాబు హెల్త్ బులిటెన్ ను కుటుంబ సభ్యులకు ఎందుకివ్వరు అంటూ ప్రశ్నించారు. లాయర్ల ములాఖత్ ను ఎందుకు తగ్గించారు.? దళితులను చంపిన వారికి మాత్రం ఇష్టానుసారంగా ములాఖత్ లా.? అంటూ మండిపడ్డారు. భువనేశ్వరిని కలిసి సంఘీభావం తెలిపే హక్కు కూడా మాకు లేదా? అని ప్రశ్నించారు మాజీ మంత్రులు కిమిడి కళావెంకట్రావు, కొల్లు రవీంద్ర. ఈ క్రమంలోనే జగన్ రాక్షస క్రీడకు త్వరలో ముగింపు చెప్పాలని కోరారు.
/rtv/media/post_attachments/wp-content/uploads/2023/10/Kasani-Gjaneshwar--jpg.webp)
/rtv/media/post_attachments/wp-content/uploads/2023/10/gorantla-jpg.webp)
/rtv/media/post_attachments/wp-content/uploads/2023/10/Nijam-Gelavali-Yathra-jpg.webp)
/rtv/media/post_attachments/wp-content/uploads/2023/10/Pawan-kalyan-and-Lokesh-jpg.webp)
/rtv/media/post_attachments/wp-content/uploads/2023/10/pawan-2-jpg.webp)
/rtv/media/post_attachments/wp-content/uploads/2023/10/lokesh-2-jpg.webp)
/rtv/media/post_attachments/wp-content/uploads/2023/10/cbn-live3-jpg.webp)
/rtv/media/post_attachments/wp-content/uploads/2023/10/hari-jpg.webp)
/rtv/media/post_attachments/wp-content/uploads/2023/10/Chandrababu-Naidu-2-jpg.webp)
/rtv/media/post_attachments/wp-content/uploads/2023/10/YCP-1-jpg.webp)
