స్టార్ క్రికెటర్ తండ్రి కాబోతున్నాడు. క్రికెట్‌లో తన బ్యాటింగ్‌తో ఎంతోమందిని ఉర్రూతలూగించిన ఆ క్రికెటర్ ఇప్పుడు.. ఓ బిడ్డకు తండ్రి కాబోతుండటంతో ఫుల్ హ్యాపీలో ఉన్నాడు. అయితే ఈ సమయంలో క్రికెట్‌కు కాస్త బ్రేక్ ఇచ్చి భార్య వద్దనే ఉండాలని నిర్ణయించుకున్నాడు. ఇందులో భాగంగానే త్వరలో జరగనున్న టెస్ట్ మ్యాచ్‌కు దూరమవ్వనున్నాడు. అయితే ఆ బ్యాటర్ మరెవరో కాదు డెవాన్ కాన్వే. 

Also Read: రష్యాకు చేరుకున్న సిరియా అధ్యక్షుడు అసద్‌!

డెవాన్ కాన్వే తండ్రి కాబోతున్నాడు

డెవాన్ కాన్వే.. న్యూజిలాండ్ స్టార్ బ్యాటర్. అతడు చెన్నై సూపర్ కింగ్స్ ఓపెనర్‌ కూడా. అయితే డెవాన్ కాన్వే ఇప్పుడు తండ్రి కాబోతున్నాడు. అతడి భార్య కిమ్ ఈ వారంలో పండంటి బిడ్డకు జన్మనివ్వబోతుంది. ఈ క్రమంలోనే డెవాన్ కాన్వే ఇంగ్లండ్‌తో సిరీస్‌లోని మూడవ, చివరి టెస్ట్ మ్యాచ్‌కు దూరమయ్యాడు. ఎందుకంటే తన భార్య కిమ్ బిడ్డకు జన్మనివ్వబోతున్న సమయంలో అతడు ఆమె పక్కనే ఉండాలని నిర్ణయించుకున్నాడు. 

Also Read: భారతీయులకు అలర్ట్‌...హెచ్-1బీ వీసా లిమిట్‌పై అప్‌డేట్!

అందువల్ల ఈ విషయాన్ని కాన్వే ముందుగానే బోర్డుకు తెలియజేశాడు. దీంతో చివరి టెస్టుకు కాన్వే స్థానంలో మార్క్ చాప్‌మన్‌‌ను న్యూజిలాండ్ బోర్డు ఎంపిక చేసింది. కాగా హామిల్టన్ వేదికగా డిసెంబర్ 14 నుంచి  మూడో టెస్ట్ ప్రారంభం కానుంది.

Also Read: ఉద‌యించే సూర్యుడికి శ‌త్రువుగా ఉంది రెండాకుల గుర్తే..!

ఇదిలా ఉంటే దీనిపై న్యూజిలాండ్ ప్రధాన కోచ్ గ్యారీ స్టెడ్ స్పందించారు. ఆటగాళ్లకైనా.. సిబ్బందికైనా కుటుంబమే మొదటి ప్రాధాన్యత అన్నారు. కాన్వే భార్య కిమ్ బిడ్డకు జన్మనివ్వనుంది. ఇది 
వారి ఫ్యామిలీలో ఎంతో సంతోషం నింపే విషయం అని అన్నారు. 

Also Read: తెలంగాణకు వర్ష సూచన.. నేడు ఈ జిల్లాలో భారీ వర్షాలు!

ఇదిలా ఉంటే కొనసాగుతున్న సిరీస్‌లో కాన్వే ఎలాంటి ఫామ్‌లో లేడు. నాలుగు ఇన్నింగ్స్‌లలో కేవలం 21 పరుగులు మాత్రమే చేశాడు. కానీ భారత్‌తో జరిగిన సిరీస్‌లో మాత్రం బాగా రాణించాడు. స్వదేశంలో టీమిండియాను 3-0 తేడాతో కివీస్ సిరీస్‌ను సొంతం చేసుకుంది. కానీ ఇప్పుడు వారి సొంత గడ్డపై ఇంగ్లండ్ చేతిలో ఓడిపోయింది. 3 మ్యాచ్‌ల సిరీస్‌ను ఇప్పటికే ఇంగ్లాండ్ 2-0 తో చేజిక్కించుకుంది.