Sensex Record: మళ్ళీ స్టాక్ మార్కెట్ మోత మోగించింది.. రికార్డు స్థాయిలో దూసుకుపోతోంది.. 

Sensex Record: స్టాక్ మార్కెట్ ఈరోజు అంటే జనవరి 15న ఆల్ టైమ్ హైని నమోదు చేసింది. ట్రేడింగ్ సమయంలో సెన్సెక్స్ 73,288 స్థాయిని, నిఫ్టీ 22,081 స్థాయిని తాకాయి. ప్రారంభ ట్రేడింగ్ సమయంలో, 30 సెన్సెక్స్ స్టాక్‌లలో, 24 స్టాక్స్ పెరిగాయి. 6 స్టాక్స్ క్షీణించడం కనిపించింది. ఈరోజు  ఐటీ షేర్లు భారీగా పెరిగాయి. విప్రో షేర్లు 11 శాతానికి పైగా పెరిగాయి. త్రైమాసిక ఫలితాల తర్వాత కంపెనీ షేర్లలో ఈ పెరుగుదల కనిపిస్తోంది. అదే సమయంలో, టెక్ మహీంద్రా షేర్లు కూడా 5% పైగా పెరిగాయి.

మెడి అసిస్ట్ హెల్త్‌కేర్ సర్వీసెస్ IPO..
Sensex Record: Medi Assist Healthcare Services Limited కి చెందిన  IPO నేటి నుంచి పబ్లిక్ సబ్‌స్క్రిప్షన్ కోసం ఓపెన్ అయింది. ఈ ఏడాదిలో ఇది రెండో మెయిన్‌బోర్డ్ IPO. ఈ ఇష్యూ ద్వారా కంపెనీ రూ.1,171.58 కోట్లు సమీకరించాలనుకుంటోంది. ఈ IPO కోసం, రిటైల్ ఇన్వెస్టర్ కనీసం ఒక లాట్ అంటే 35 షేర్ల కోసం దరఖాస్తు చేసుకోవాలి. కంపెనీ IPO ప్రైస్ బ్యాండ్‌ను ఒక్కో షేరుకు ₹397-₹418గా నిర్ణయించింది. మీరు ₹ 418 IPO ఎగువ ధర బ్యాండ్ ప్రకారం 1 లాట్ కోసం దరఖాస్తు చేస్తే, మీరు ₹ 14,630 పెట్టుబడి పెట్టాలి. రిటైల్ పెట్టుబడిదారులు గరిష్టంగా 13 లాట్‌లకు అంటే 455 షేర్లకు వేలం వేయవచ్చు, దీని కోసం వారు ₹ 190,190 పెట్టుబడి పెట్టాలి.

Also Read: అక్కడికి రాముడొక్కడే కాదు.. వేలాది కోట్ల పెట్టుబడులు కూడా 

Sensex Record: ఈరోజు జియో ఫైనాన్షియల్ సర్వీసెస్‌తో సహా చాలా కంపెనీలు తమ అక్టోబర్-డిసెంబర్ త్రైమాసిక ఫలితాలను విడుదల చేయనున్నాయి.  జియో ఫైనాన్షియల్ సర్వీసెస్, ఫెడ్‌బ్యాంక్ ఫైనాన్షియల్ సర్వీసెస్, రిలయన్స్ ఇండస్ట్రియల్ ఇన్‌ఫ్రాస్ట్రక్చర్, సూరజ్ ఎస్టేట్ డెవలపర్స్, వైబ్రంట్ డిజిటల్ మరియు చాయిస్ ఇంటర్నేషనల్‌తో సహా అనేక కంపెనీలు అక్టోబర్-డిసెంబర్ త్రైమాసిక ఫలితాలను విడుదల చేయనున్నాయి.

శుక్రవారం కూడా సెన్సెక్స్ గరిష్ట స్థాయి..
Sensex Record: అంతకుముందు శుక్రవారం అంటే జనవరి 12న కూడా స్టాక్ మార్కెట్ ఆల్ టైమ్ హైని నమోదు చేసింది. ట్రేడింగ్ సమయంలో, సెన్సెక్స్ 72,720 మరియు నిఫ్టీ 21,928 స్థాయికి చేరుకున్నాయి. తర్వాత స్వల్పంగా క్షీణించి సెన్సెక్స్ 847 పాయింట్లు ఎగబాకి 72,568 వద్ద ముగిసింది. నిఫ్టీ కూడా 247 పాయింట్లు పెరిగి 21,894 వద్ద ముగిసింది. ఐటీ, ప్రభుత్వ రంగ బ్యాంకుల షేర్లలో అత్యధికంగా కొనుగోళ్లు జరిగాయి.

Watch this interesting Video: