Neem Leaves: వేప ఆకులతో వందల రోగాలు మాయం.. ఎలా తినాలంటే?

Neem Leaves: వేప ఔషధ గుణాల నిధి. ఇందులో చాలా శక్తివంతమైన గుణాలు ఉన్నాయి. వేప మన శరీర ఆరోగ్యానికి ఎంతో మంచిది. దీన్ని ఎక్కువగా ఆయుర్వేదంలో ఉపయోగిస్తారు. వేప ఆకులు నమలడం వల్ల ఎన్నో రోగాలు తగ్గుతాయని ఆయుర్వేద వైద్యులు నమ్ముతారు. అయితే వేపను తినేందుకు కొన్ని పద్ధతులు ఉన్నాయి. అవేంటో తెలుసుకుందాం.

వేప ప్రయోజనాలు:

• వేప ఆకులు, పండ్లు, పువ్వులు, బెరడు, కాండం వంటి వాటిల్లో ఔషధ గుణాలతో పుష్కలంగా ఉన్నాయి. వేప తినడం లేదా ఉపయోగించడం ద్వారా అనేక వ్యాధులు నయమవుతాయి. అనేక తీవ్రమైన వ్యాధులను కూడా నివారించే శక్తి వేపకు ఉందని చెబుతారు. 100 గ్రాముల వేప లక్షల ఔషధాల కంటే ప్రయోజనకరమని వైద్యులు అంటున్నారు. విటమిన్ సి, విటమిన్ ఇ, యాంటీ ఆక్సిడెంట్లు, ఒమేగా -6 కొవ్వు ఆమ్లాలు, నింబిడిన్, లిమోనాయిడ్స్ వంటి పోషకాలు ఇందులో ఉంటాయి.

రోగనిరోధక శక్తి పెరుగుతుంది:

• వేపలోని ఏ భాగమైనా యాంటీ ఆక్సిడెంట్ గుణాలతో నిండి ఉంటుంది. వీటిని తీసుకోవడం వల్ల రోగనిరోధక శక్తి పెరుగుతుంది. అంతేకాకుండా శరీరంలో వాపును కూడా దగ్గిస్తుంది.

చర్మ సమస్యలను దూరం చేస్తుంది:

• ఎలాంటి చర్మ సంబంధిత సమస్యనైనా తొలగించడంలో వేప అద్భుతంగా పనిచేస్తుంది. వేపలో ఉండే యాంటీ ఇన్‌ఫ్లమేటరీ, యాంటీమైక్రోబయల్ లక్షణాలు మొటిమలు, తామర వంటి చర్మ సమస్యలను తొలగించడంలో సహాయపడతాయి.

రక్తంలో చక్కెరను నియంత్రిస్తుంది:

• వేప వినియోగం ద్వారా రక్తంలో చక్కెర స్థాయిని సులభంగా నియంత్రించవచ్చు. వేపలోని ఏదైనా భాగం మధుమేహ వ్యాధిగ్రస్తులకు ప్రయోజనకరంగా ఉంటుంది. కానీ.. దీనిని తీసుకోవాలంటే ఆరోగ్య వైద్యుల సలహాతోనే మాత్రమే వాడితే మంచిదని అంటున్నారు.

వేపను ఎప్పుడు ఉపయోగించకూడదు?

• మీకు ఏదైనా అలెర్జీలు ఉంటే వేపను వినియోగించకూడదని నిపుణులు అంటున్నారు. అంతేకాకుండా ఎక్కువ మోతాదులో కూడా తీసుకోవద్దంటున్నారు. కొన్ని మందులు వేసుకునేప్పుడు వైద్యుల సలహా తీసుకున్న తర్వాతే వేపను వాడుకోవచ్చని చెబుతున్నారు.

ఇది కూడా చదవండి: కుక్క కాటుకు గురైన వెంటనే ఎలాంటి జాగ్రత్తలు తీసుకోవాలి..?

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.