Indian Idol  : స్టార్ సింగర్, ఇండియన్ ఐడల్ సీజన్-12 విజేత పవన్‎దీప్ రాజన్ ప్రమాదానికి గురయ్యాడు. సోమవారం (మే 5) తెల్లవారుజామున అహ్మదాబాద్‌లో పవన్ దీప్ ప్రయాణిస్తోన్న కారు ముందున్న ట్రక్కును బలంగా ఢీకొట్టింది. ఉత్తరాఖండ్ కు చెందిన ఈ పవన్ దీప్ రాజన్.. ఈ రోజు తెల్లవారు జామున 3గంటల ప్రాంతంలో తన కారులో నేషనల్ హైవే-9పై ప్రయాణించాడు. ఆ టైమ్ లో తన ముందు వెళ్తున్న ట్రక్కును ఢీకొట్టడంతో కారు నుజ్జయిపోయింది. ఇందులో ఉన్న పవన్ దీప్ కు తీవ్ర గాయాలు అయ్యాయి. అతను అపస్మారక స్థితిలోకి వెళ్లిపోయాడు. వెంటనే అతన్ని స్థానిక ఆస్పత్రిలో చేర్పించారు.

ఇది కూడా చదవండి: Warangal Fire Accident: వరంగల్‌‌లో భారీ అగ్ని ప్రమాదం..30 ఎకరాల్లో పంట దగ్ధం

 గాయాల తీవ్రత ఎక్కువగా ఉండటంతో మెరుగైన చికిత్స కోసం నోయిడాకు తరలించారు. నోయిడాలోని ఫోర్టిస్ హాస్పిటల్లో ప్రస్తుతం అతడికి వైద్యులు చికిత్స అందిస్తున్నారు. పవన్ దీప్ ప్రమాదానికి సంబంధించిన వీడియోలు, ఫొటోలు సోషల్ మీడియాలో వైరల్‎గా మారాయి. ఇందులో అతడి కాళ్లు, చేతులు, ముఖానికి తీవ్ర గాయాలు అయినట్లు అర్ధమవుతోంది. ఇది చూసి.. పవన్ దీప్ ఫ్యాన్స్ ఆందోళనకు గురయ్యారు. అతడు త్వరగా కోలుకోవాలని ప్రార్థిస్తున్నారు. ప్రస్తుతం పవన్‎దీప్ హెల్త్ కండిషన్ విషమంగా ఉన్నట్లు తెలుస్తోంది. 

ఇది కూడా చూడండి: Naa Anveshana: యూట్యూబర్ అన్వేష్ అడ్డంగా దొరికేశాడు.. బెట్టింగ్ యాప్ ప్రమోషన్ వీడియో వైరల్!

అయితే.. అతడి ఆరోగ్య పరిస్థితిపై వైద్యులు ఎలాంటి హెల్త్ బులెటిన్ విడుదల చేయలేదు. చిన్నతనం నుంచే సంగీతంలో రాణిస్తోన్న పవన్ దీప్.. ప్రతిష్టాత్మక ఇండియన్ ఐడల్ 12ను గెలుచుకున్నాడు. దీంతో పవన్‎దీప్ రాజన్ పేరు మోరుమోగిపోయింది.  ఏప్రిల్ 27వ తేదీన పవన్ తన బర్త్ డే సెలబ్రేషన్స్ జరుపుకున్నాడు. ఇంతలోనే ఘోర ప్రమాదానికి గురికావడంతో పవన్ కుటుంబ సభ్యులతో పాటు అభిమానులు ఆందోళనలో మునిగిపోయారు. 

ఇది కూడా చదవండి: Khammam Digital Arrest: ఖమ్మంలో డిజిటల్ అరెస్ట్ కలకలం.. ఒక్క కాల్ తో రూ.26 లక్షలు ఎలా కొట్టేశారంటే?