Dharmasthala: ధర్మస్థల వివాదం.. ఎవరికీ తెలియని 6 షాకింగ్ విషయాలు!

1. ఆలయం అభివృద్ధి చెందిన సమయం (1950 – 1994)

ఈ సమయంలో ధర్మస్థల ఆలయం వేగంగా విస్తరించింది. అన్నదానం, ఉచిత చికిత్స లాంటి కార్యక్రమాలతో భక్తులు భారీగా తరలివచ్చారు. శివరాత్రి, దీపావళి లాంటి పండగ రోజుల సమయంలో వారానికి 20,000 మంది భక్తులు వచ్చేవారన్న చర్చ ఉంది. అయితే.. ఆ సమయంలోనూ మిస్సింగ్ కేసులు, అనుమానాస్పద మరణాలు జరిగాయి. ఆ వివరాలు ఇలా ఉన్నాయి.

      దశ                              మిస్సింగ్ కేసులు   అనుమానాస్పద మరణాలు

  1970–79                                      8                           12  

  1980–89                                     31                          46  

  1990–94                                     97                          108

భక్తుల సంఖ్య ప్రతీ ఏటా పెరుగుతున్న.. తప్పిపోయిన వారిని గుర్తించి వారిని కుటుంబ సభ్యులకు అప్పగించే వ్యవస్థ లేదన్న చర్చ మొదటి నుంచి ఇక్కడ ఉందని తెలుస్తోంది. 

2. ఈ సమయంలోనే అనుమానాస్పద మరణాలు (1995 – 2014)

1995లో ఒక డాలిత్ శానిటేషన్ కార్మికుడు ధర్మస్థలలో శుభ్రపరిచే పనికి చేరాడు. ఆ సమయంలోనే భారీగా మరణాలు చోటు చేసుకున్నాయని ఆయన చెబుతున్నారు. ఈయన ఫిర్యాదుతోనే ఇప్పుడు ధర్మస్థల నిజాలు నిగ్గు తేల్చడానికి ప్రభుత్వం సిట్ ఏర్పాటు చేసింది. ఆ సిట్ ఆధ్వర్యంలోనే తవ్వకాలు జరుగుతున్నాయి. డాలిత్ మాటల్లో.. “నేను 1995 నుంచి 2014 వరకు వందల మృతదేహాలు పూడ్చాను. అందులో మహిళలవి, స్కూల్ యూనిఫాం వేసుకున్న పిల్లలవి కూడా ఉన్నాయి”

ఈ దశలో చోటుచేసుకున్న ప్రధాన సంఘటనలు:

* 2003: ఎంబీబీఎస్ విద్యార్థిని అనన్య భట్ టూర్‌లో అదృశ్యం అయ్యింది.

* 2012 అక్టోబర్ 10: 17 ఏళ్ల సౌజన్య హత్య, అత్యాచారం జరిగింది. నిందితుడు ఎవరనేది నిర్ధారణ కాలేదు.

కాలం                   మిస్సింగ్ కేసులు           మహిళలు        

1995–99                                 54                           56 %  

2000–04                                112                         61 %  

2005–09                                137                         63 %  

2010–14                                113                         58 %  

అయితే.. ధర్మస్థలలో మిస్సింగ్, మరణాలను నిగ్గు తేల్చాలని అనేక మంది ఆ సమయంలో ఆందోళనలు చేశారు. ఆందోళన కారులు చెబుతున్న లెక్కల ప్రకారం 1980 నుంచి 2014 వరకు 416 మిస్సింగ్, 463 అనుమానాస్పద మరణాలు చోటు చేసుకున్నాయి.

3. ఈ ఏడాది ఏం జరిగిందంటే?

1. 22 జూన్ 2025 – బెంగళూరు న్యాయవాదులు ఓజస్వి గౌడ, సచిన్ దేశ్‌పాండేను శానిటేషన్ కార్మికుడు సంప్రదించాడు. తన హయాంలో అఘాయిత్యాలు, హత్యలు జరిగాయని చెప్పాడు. తాను శవాలను పూడ్చిన ప్రదేశాలు చూపిస్తానని తెలిపాడు.

2. 3 జూలై – జిల్లా ఎస్పీకి రాతపూర్వక ఫిర్యాదు, ఫొటో ఆధారాలు సమర్పించాడు.

3. 4 జూలై – ధర్మస్థల పోలీస్‌స్టేషన్‌-లో FIR 39/2025 నమోదు.

4. 19 జూలై – రాష్ట్ర ప్రభుత్వం ప్రనబ్ మోహంతీ నేతృత్వంలో 4-సభ్యుల SIT ఏర్పాటు చేసింది.

5. 28–31 జూలై – 13 గుర్తించిన ప్రదేశాల్లో తవ్వకం; 6వ ప్రదేశంలో 25 ఎముకలు లభించాయి. ఏటీఎం, పాన్ కార్డులు కూడా లభించాయి.

8. 1 ఆగస్టు – 7వ సైట్ తవ్వకం మొదలైంది. 

4. అనుమాన్సాద అంశాలు

* 1995–2014 మధ్య మిస్సింగ్ డేటా, అనుమానాస్పద మరణాల సంఖ్య మధ్య సారూప్యత ఉండడం అనుమానాలకు తావిస్తోంది.

* 2015 తరువాత శానిటేషన్ కార్మికుడు పట్టణాన్ని వదిలిపెట్టి వెళ్లగానే అదే సమయంలో మిస్సింగ్ కేసులు ఉన్నట్లుండి తగ్గాయి..

5. 1 ఆగస్టు 2025 నాటికి పరిస్థితి

తవ్విన ప్రదేశాలు: 13లో 7 పూర్తయ్యాయి.

లభించిన ఎముకలు: 25

మిగిలిన పనులు: 6 ప్రదేశాల్లో తవ్వకం

6. ప్రశ్నలు:

మొత్తం చనిపోయిన వారు ఎంత మంది? ఇందులో యాత్రికులు, స్థానికుల సంఖ్య ఎంత?

2012లో సౌజన్య మృతి చెందిన సమయంలో ఆందోళన చేసిన వారు ఇప్పుడు ఎందుకు బయటకు రాలేకపోతున్నారు?

20 ఏళ్లుగా మిస్సింగ్ ఫైళ్లను పట్టించుకోకుండా ఎందుకు వదిలేశారు?