Kannappa Movie : మహాశివరాత్రి రోజు అదిరిపోయే అప్డేట్‌ తో రాబోతున్న కన్నప్ప టీం!

Manchu Vishnu : మంచు విష్ణు(Manchu Vishnu) ప్రధాన పాత్రలో నటిస్తున్న చిత్రం '' కన్నప్ప''(Kannappa) పరమ శివ భక్తుడైన కన్నప్ప జీవితం ఆధారంగా ఈ చిత్రాన్ని పాన్‌ ఇండియా(PAN India) లెవల్లో తెరకెక్కిస్తున్న విషయం తెలిసిందే. ఈ చిత్రానికి ది బ్రేవేస్ట్‌ వారియర్‌, ది అల్టిమేట్‌ డీవోటి అనేది ఉపశీర్షికగా ఉంది. ఈ చిత్రం షూటింగ్‌ విదేశాల్లో చాలా వేగంగా జరుగుతుంది. దాదాపు ముప్పావు వంతు సినిమా భాగాన్ని విదేశాల్లోనే చిత్రీకరిస్తున్నారు చిత్ర నిర్మాతలు.

థాయ్‌లాండ్‌(Thailand) లో ఫస్ట్‌ షెడ్యూల్‌ పూర్తి చేసుకున్న ఈ చిత్రానికి సుమారు 600 మంది హాలీవుడ్ ప్రముఖులు రాత్రిపగలు కష్టపడుతున్నారు. రెండో షెడ్యూల్‌ కోసం ఈ చిత్ర బృందం న్యూజిలాండ్‌ నుంచి ఇండియాకు వస్తున్నట్లు మోహన్‌ బాబు కొద్ది రోజుల క్రితం తెలిపారు. ఈ చిత్రంలో మంచు ఫ్యామిలీ మూడు తరాల నటులు ఉండడం విశేషం.

మంచు మోహన్‌ బాబు తనయుడు మంచు విష్ణు ఆయన కుమారుడు భక్తవత్సల్‌ కూడా ఈ సినిమాలో నటిస్తుండడంతో సినిమా మీద భారీ అంచనాలు నెలకొన్నాయి. ఈ క్రమంలోనే ఈ చిత్రం నుంచి ఓ కీలక అప్డేట్‌ ను చిత్ర మేకర్స్‌ ప్రకటించారు. శుక్రవారం మహాశివరాత్రిని పురస్కరించుకుని చిత్ర ఫస్ట్‌ లుక్‌ పోస్టర్‌ ను మధ్యాహ్నం 2.55 గంటలకు విడుదల చేస్తామని తెలిపారు.

Star-studded #𝐊𝐚𝐧𝐧𝐚𝐩𝐩𝐚 First Look Tomorrow!#Vishnumanchu pic.twitter.com/oj8cxgriry

— KLAPBOARD (@klapboardpost) March 7, 2024

కన్నప్ప పాత్రలో మంచు విష్ణు నటిస్తుండగా మహా శివుని(Lord Shiva) పాత్రలో మెప్పించడానికి ప్రభాస్‌(Prabhas) రెడీ గా ఉన్నట్లు తెలుస్తుంది. ఈ విషయాన్ని స్వయంగా మంచు విష్ణునే వెల్లడించారు. ఈ కథ భక్త కన్నప్ప జీవిత కథ. ముందు నాస్తికుడిగా ఉన్న కన్నప్ప.. ఆ తరువాత శివ భక్తునిగా ఎలా మారాడు. మారి శివదేవున్ని ఎలా ఆరాధించాడు అనే అంశాలను ఈ చిత్రంలో చూపించబోతున్నట్లు సమాచారం.

భక్త కన్నప్ప చిత్ర కథ అందరికీ తెలిసిందే అయినప్పటికీ భారీ గ్రాఫిక్స్‌ విజువల్‌ ఎఫెక్ట్స్‌ తో ఈ చిత్రం తెరకెక్కుతుంది. ఈ చిత్రం మంచు విష్ణు డ్రీమ్‌ ప్రాజెక్ట్‌(Dream Project) కావడంతో ఎక్కడ తగ్గకుండా చిత్ర బృందం చిత్రాన్ని తెరకెక్కిస్తుంది. పాన్‌ ఇండియా రేంజ్‌ లో భారీ బడ్జెట్ తో ఈ చిత్రం నిర్మాణం రూపుదాల్చుకుంటుంది. హాలీవుడ్‌ స్థాయిలో సాంకేతిక నిపుణులు వర్క్‌ చేస్తున్నారు.

Also Read : శివరాత్రి రోజు పొరపాటున కూడా ఈ విషయాలను విస్మరించకండి..ఈ రోజున ఏం చేయాలి..ఏం చేయకూడదంటే!